弱校/神校的band1學生比較

longlokma

原帖由 silvia_ng 於 15-03-31 發表
英小接觸生字一定係多過中小，而且上到中學學科咁多，咁生字一定有排記。但中小學生上到中學，只要佢追返啲 ...

無論中英文或數理科，好多生字或學習內容是從課外書或課外学習而来的。學校課本提供的只是基本知識，如果只吸收課本知識，所有學校提供的也是好有限的。

不論什麼學校，真正有能力的學生不會把自己侷限在學校，只懂得被動的去學習，而是会主動的去尋求知識；
不論中小英小，真正懂教育的學校不会把學生規範在校內，只灌輸課本知識，而是會鼓勵學生自行探索以滿足求知慾。

王家爸爸

名小學既中文，其實一啲都唔弱，我仔中小（學校中文係區內算強）入傳統英中（大部分同學係英小上），中文都只係中游。

hong2002

我仔來自英小，英小上英中識應容易d, 優勢係中一上學期最明顯。但只要係學習能力強既學生，好快就追番！極端例子就係國內來港的學生，一年追返六年既英文，就係要有超强鬥心！

hagupit

中小上英中視乎學習態度和英文能力。識得小朋友讀中小，區內弱校，全級約考1x名，但英文幾好，以英文計全級頭幾，學習態度不錯。入左地區1a中學，中一跟得上。小朋友有個中學同學，小學是讀同區另一間弱校，小學時也是考全級1x，但英文較弱，升上中學包尾，現在自暴自棄，唔肯温書。

BennkiChu

hagupit 發表於 15-3-31 08:53
中小上英中視乎學習態度和英文能力。識得小朋友讀中小，區內弱校，全級約考1x名，但英文幾好，以英文計全級 ...

明白， 呢樣真係好睇小朋友的本身資質同鬥心， 去到呢個階段， 做家長的除左支持， 真係幫5到好多。

mcl203

王家爸爸 發表於 15-3-31 07:45
名小學既中文，其實一啲都唔弱，我仔中小（學校中文係區內算強）入傳統英中（大部分同學係英小上），中文都 ...

曾經有用家朋友講....小學階段....SJ仔d中文要求頗高....反為英文未係太高要求...(佢係比較佢囡囡)
btw...聽番黎乍~~~

ykconniechan

原帖由 silvia_ng 於 15-03-31 發表
英小接觸生字一定係多過中小，而且上到中學學科咁多，咁生字一定有排記。但中小學生上到中學，只要佢追返啲 ...

同意! 就算係中小, 只要英文底子唔差, 相信上到英中都會慢慢pick up到! 反而最緊要係孩子的學習態度! 加上𠵱家DSE的死亡之卷並非英文, 所以中丶英丶數各個科目都咁重要!

little_yolky

BennkiChu 發表於 15-3-30 21:57
本人囝囝在屋邨小學就讀(網上資料屬於弱校)， 全級考top 10 - 15內 (全校110人)， 今年升中， 學校老師話屬 ...

香港神校得3間, 都係直資, 咁唔考咪得囉。
囝囝既然係B1B, 咁你可以揀番B1B中學。如果係級10-15, 部份一級名校都唔會有機會, 咁你可以自行揀無咁一級既B1A名校一間, 合適又鐘意既B1B一間, 咪保險D囉。如果想博D, 咪兩間無咁一級既B1A名校, 大抽奬先謹慎都得。


其實, 英文考試幾多分真係無乜指標性。小心、答題技巧好就高D分。英小既優勢係語境好, 多咗機會學生字、聽、說機會都多D。所以, 讀中文小學就平時自己進補下囉。我哋學校係二線中小, 同區都算弱校, 幾年前有小女孩考入DGS, 校長話佢最初入去英文跟唔上, 都追咗3個月至追到。另一例子係另一間地區中小, 唔強唔弱咁, 都係二線啦, 小朋友考到協恩、英華, 上學期尾返母校小學分享, 返學好開心, 程度無問題。不過, 以上例子全部係B1A之中最top個批小朋友。


所以, 你小朋友唔考神校, 考一線學校咪得囉。

MASAYA

longlokma 發表於 15-3-31 07:43
無論中英文或數理科，好多生字或學習內容是從課外書或課外学習而来的。學校課本提供的只是基本知識，如果只 ...

仲要家長明白，唔好將d學生推去補習，又拉返佢地只對住課本知識，考試技巧

esthercheng32

原帖由 longlokma 於 15-03-31 發表
無論中英文或數理科，好多生字或學習內容是從課外書或課外学習而来的。學校課本提供的只是基本知識，如果只 ...

你講得好有意思

小木偶媽咪

我囡囡中小上1A英中，英文科比級平均分高，
（全級超過 4/5人英小升上）外國人班主任仲開口話佢英文好好。
其實就係因為睇書，我成日都講睇書幫助好大，
想英文好就要多睇書。

BennkiChu

little_yolky 發表於 15-3-31 11:38
香港神校得3間, 都係直資, 咁唔考咪得囉。
囝囝既然係B1B, 咁你可以揀番B1B中學。如果係級10-15, 部份一級 ...

其實聽你地講， Band1英中都5係甘可怕，  學樓上話， 選一般band1已足夠，

little_yolky

BennkiChu 發表於 15-3-31 13:43
其實聽你地講， Band1英中都5係甘可怕，  學樓上話， 選一般band1已足夠，

咪係, 唔駛妄自匪薄, band 1英中都有do re mi, 都有超受歡迎同一般受歡迎分別, style都唔一樣, 燕瘦環肥, 揀間啱自己又大機會入既咪得囉。

PS. 唔好只著重英文, 如果唔係plan去外國讀書, 要時刻緊記死亡之卷係中文唔係英文。

BennkiChu

little_yolky 發表於 15-3-31 13:55
咪係, 唔駛妄自匪薄, band 1英中都有do re mi, 都有超受歡迎同一般受歡迎分別, style都唔一樣, 燕瘦環肥,  ...

e+係D學校太注重英文， 忽略左中文， 所以大部份學生D中文水平同我地20年前果代比係差左好多。

little_yolky

BennkiChu 發表於 15-3-31 14:18
e+係D學校太注重英文， 忽略左中文， 所以大部份學生D中文水平同我地20年前果代比係差左好多。 ...

所以要自己進補, 我自小只教小朋友中文, 反正英文係當second language咁考, 唔會太深, 中文就勁深。

bobbob

BennkiChu 發表於 15-3-31 14:18
e+係D學校太注重英文， 忽略左中文， 所以大部份學生D中文水平同我地20年前果代比係差左好多。 ...

我又唔係咁睇，香港當英文係第2語言，攞分要求低，只要grammar唔錯就ok。但中文作為母語（大部份人係）相對要求高，而且範圍闊，其實都見唔少中學生嘅中英文水平都好過我嗰代（2x年前）。

pauline_c

我覺得現在學中文好難，要識我們那一代 d 嘢，又要有現代要求如小組討論，好似範圍好廣，課程又 cover 唔到。好忙，但效果一般。

BBKDWLAM

原帖由 bobbob 於 15-03-31 發表
我又唔係咁睇，香港當英文係第2語言，攞分要求低，只要grammar唔錯就ok。但中文作為母語（大部份人係）相對 ...

同意，我覺得近年語文教育的書籍內容比幾十年前的好太多了，師資亦好好多。如學生肯學，一定掌握得比上幾代的好。但宜家的學生太忙，琴棋書畫上網手電，保持佢哋勤奮向學的態度才是成功關鍵。

BennkiChu

我地以前D中文， 真係練出來的， D文言文又長又5明， 一篇文長到可以成2-3頁， 仲要成篇背默， 老師講極都5明果D之乎者也， 要花時間去圖書館找資料去理解D文係講乜， 最記得木蘭詞， 滿江紅， 出師表， 將進酒等， 真係出果D血到e+仲記得。  e+呢一代好幸運又幸福， 要乜資料上網就全部有， 5知其他家長有毛記得以前讀書要另找資料參考果D辛苦法呢。

kaifu

bobbob 發表於 15-3-31 14:55
我又唔係咁睇，香港當英文係第2語言，攞分要求低，只要grammar唔錯就ok。但中文作為母語（大部份人係）相對 ...

個人認為英中學生該視英文為第一學習語言，英文不好，不只英文科成績差，其他科目也受到不同程度的限制，文科影響更甚，當然中文中史除外。事實上，英文是大學的學習語言，也是政府，大機構大公司的工作語言，英語能力是影響日後進修與工作發展的關鍵因素。