小一罰抄50句抄「我不會再說粗言穢語」

jenniferK

如果小朋友真係盡力抄到抄唔晒。我會叫他明天自己向老師道歉。另會打電話多謝老師，再問下如果小朋友有悔意可否比多一天去完成。

enidchiu

罰抄除了是精神上的懲罰，令學生怕下，對個人成長沒大幫助。

tinyan1977

對！如果喺我，我唔會打返學校或說老師不是！做家長應配合學校、老師、校長，不要和學校攪對抗。理虧一定喺家長和學生！所以校長們常道: 孩子其實不難教，最難教是家長！就算不滿意轉校，新校一定會打返舊校問情況！操行差家長攪對抗成功率不會高吧！個人覺得家長應身教孩子專師重道，否則以後孩子會變本加厲，因阿媽會出來頂！連被老師罰抄都咁在意，將來怎能在社會立足！無記過到成績表已是萬幸！小一抄450個字喺咪多？小一出口就咁低俗，咁小二、三一開口咪問候人哋家人？

simonwan

tinyan1977 發表於 15-7-1 10:26
對！如果喺我，我唔會打返學校或說老師不是！做家長應配合學校、老師、校長，不要和學校攪對抗。理虧一定喺 ...

甘老師對住全班講甜故同教講粗口諧音，又用鐵尺打學生的話；做家長駛唔駛配合老師呢？

brothertaimo

原帖由 simonwan 於 15-07-02 發表
甘老師對住全班講甜故同教講粗口諧音，又用鐵尺打學生的話；做家長駛唔駛配合老師呢？ ...

嘩, 邊間學校咁勁

Olympian

話時話，個穢字都好難寫下。我諗我仔小一寫50個穢字都要寫一晚。

Olympian

借大耳窿遲還一日都唔洗還雙倍掛……

友誼永固

christyli0809 發表於 15-7-2 01:53
太過份了，只是小一

我諗個問題係，你叫個小朋友抄「我不會再說粗言穢語」，佢只係記得「粗言穢語」。

bb67890

回覆 tinyan1977 的帖子

請留意樓主講的事發經過，係有個同學仔話佢個仔在先，佢個仔用同一句說話回敬，而家咁樣好似話到樓主個仔錯曬咁，唔係咁好

魔怪媽媽

原帖由 JJDBB 於 15-03-26 發表
你千萬別在孩子面前說老師不是，這個会有好大的影響。另外，請孩子去同老師講對唔住，你也比佢電話了解件事 ...

enidchiu

罰抄是作為老師最懶惰的懲罰方法。本人也從事教育，我只會在學生忘記帶書或做功課時罰抄。針對行為問題，實在有更好的懲罰方法。

simonwan

brothertaimo 發表於 15-7-2 10:44
嘩, 邊間學校咁勁

系幾十年前，我讀小四時的英文老師。全年無教過英文，每日欏學生的名字開玩笑講甜故。第二年換了另一個盡責的老師，以爲惡夢過去，點知中一遇到另一個極品英文老師（唔識英文的英文老師！）；我讀個間仲系band 1 中學，全區最 Top。
呢兩個系極品，其餘hea 教個D唔好提。幾十年前，D 家長好信任老師，好少投訴，其實老豆老母根本唔理學校做什麽。唔止學術，訓育方面都好有問題；我自己系過來人，我對香港D學校同老師質素系好有意見，畢業幾十年后都系甘話。

little_yolky

simonwan 發表於 15-7-3 02:22
系幾十年前，我讀小四時的英文老師。全年無教過英文，每日欏學生的名字開玩笑講甜故。第二年換了另一個盡責 ...

你果間咩band 1嚟架?

我小學又讀二線(不過校長話自己小朋友成績係一線), 中學又讀二線, 所有老師校長都係咁盡力, 只係有部份係嚴格D, 都係好既。我讀咗咁多年書, 都只係遇過一位好hea既英文老師咁大把, 不過, 佢係教我中四, 中五, 所以差D俾佢累死。


所以, 响我眼中, 香港D學校同老師質素都好唔錯架, 家長多加留意。

四隻貓

simonwan 發表於 15-7-3 02:22
系幾十年前，我讀小四時的英文老師。全年無教過英文，每日欏學生的名字開玩笑講甜故。第二年換了另一個盡責 ...

我都有類似經驗, band one 英中, 有位中文老師基本上無教書, 佢上堂係叫我地遂個起身讀課文, 之後叫我地自己做課後題目. 好多時心情唔好就借些少事鬧人罰人. 有位Bio男老師就會講黃色笑話, 不過佢教書係教得好好的.
我預科係讀band 2學校, 有位英文女老師就成日遲到早走, 成堂又係一味叫我地自己做練習, 佢就坐係度打瞌睡. 預科因為大個左又認真求學, 成班同學一齊找校長反映情況, 最後轉左位正常教書的老師.
我地班女仔最記得中學有位短髮女老師, 佢好憎女仔留長頭髮, 家長日分別同每位家長都講:「你女上堂成日掛住疏頭髮, 影響上課, 建議家長你幫佢剪左佢」, 於是星期一返校, 9成女同學都變成短髮.大家哭訴時就發現女老師係專登誣衊我地, 等家長逼我地剪成短髮...真係有點變態.到今時今日同學聚會, 不少女同學講起此事都好怨憤.

我都見好多hea 或講明無心教書的老師; 當然都有不少教得好又有心的好老師. 我本身操行好無咩影響, 但見同學遇上太多唔合理既訓導同針對, 影響到我都對香港D學校同老師質素好有意見.

little_yolky

四隻貓 發表於 15-7-3 15:55
我都有類似經驗, band one 英中, 有位中文老師基本上無教書, 佢上堂係叫我地遂個起身讀課文, 之後叫我地自 ...

吓????? 你哋都好可憐喎。

我之前講果位hea英文老師, 都只係中四一開學就去生仔, 代課咗兩個月, 因為我哋班英文程度好參差, 大部份都係below average, 所以佢教得好悶, 好無趣, 唔生動, 上堂好鬼悶, 同學又唔明, 佢就發火同學唔備課又唔問, 其實同學係全部唔明, 根本唔知點問。


跟住中五見唔對路, 我同另一位同學自己買補充做, 一人一本再交換, 然後課餘去搵佢, 想佢幫我哋睇吓, 話我哋好焦慮, 點知佢問返我哋轉頭：你哋想我點幫你? 唉！

呢位已經係我人生唯一既衰老師, 但世界之大, 真係同你哋比起上嚟係蚊脾同牛脾。

wkmak31

原帖由 AHGU 於 15-06-13 發表
如不想造就小惡霸，不知錯的新一代，由老師處理吧!

bb67890

回覆 四隻貓 的帖子

我好記得中一時有個Miss玩針對，我當時是普通的温ling頭，全班有幾個女同學留呢個頭，但是就係要我一個剪短，我唔剪，可佢自己拿鉸剪剪我D頭髮。得罪佢嘅原因唔係我，係因為當時父親返夜班，日頭訓覺，剛好她早上打電話比我啊爸講簽名的事，我啊爸比電話叫醒心火盛講左句粗口。之後我冇好日子。

bb67890

如果不想造就小惡霸，不知錯的新一代，由“好”老師處理吧!