就算收我都唔讀呀

yuhehe

本人14年頭寄出申請表，同年年尾開始打去學校查詢約見進度，每次回覆都係問是否收到回條？有就一定有信收，及以小朋友年紀會15年頭約見，請耐心等候。大約問咗4次都得到相同回覆，咁我都唔好意思再問，一路等至3月都冇消息。
於閒談中得知有朋友兒子差不多大都已interview了，今日就打去學校再問，佢話2月寄咗信，我話冇收到，佢話睇下有冇彈回頭，有就會再安排，冇彈回頭就唔會安排再見。我話你又唔係寄掛號，除咗彈回頭都仲有其他可能性收唔到，佢話寄出400封信都冇試過。佢仲話如果你證明到封信響郵局咪可以再安排囉

yuhehe

我只係覺得只要唔係寄掛號就一定有寄失的機會，點解咁肯定收唔到就一定會回頭先？而且我不滿係聽電話個女人並非真心提出建議俾收唔到信既家長，唯有講可能呢間學校好多白撞啦⋯呻完

Lsm948

原帖由 yuhehe 於 15-03-09 發表
我只係覺得只要唔係寄掛號就一定有寄失的機會，點解咁肯定收唔到就一定會回頭先？而且我不滿係聽電話個女人 ...

邊間?

koey329

原帖由 yuhehe 於 15-03-09 發表
我只係覺得只要唔係寄掛號就一定有寄失的機會，點解咁肯定收唔到就一定會回頭先？而且我不滿係聽電話個女人 ...

邊間x2

yuhehe

只係沙田一間學劵村校

yuhehe

頭先個老師覆電話黎話：check 過冇彈回頭，即封信已俾家長收到。呢句說話我聽到真係好嬲。咁講即係代表話我miss 咗interview 而家扮收唔到啦
我同個老師講咗一大輪，佢可能都係覺得我講緊廢話扮緊野架，但我只係想表達有千樣可能寄失封信，一間學校咁樣去處理同講呢尐說話令我十分失望。而我在此開post並非想講我冇收封信係大條道理可以重新獲安排interview,而係遇到呢種情況，學校其實係一定有更好更大方既處理方法及溝通模式囉

bookwormsx2

丁XXX?

yuhehe

原帖由 bookwormsx2 於 15-03-09 發表
丁XXX?

沙田圍田x閣入面

ozoz

原帖由 yuhehe 於 15-03-09 發表
頭先個老師覆電話黎話：check 過冇彈回頭，即封信已俾家長收到。呢句說話我聽到真係好嬲。咁講即係代表話我 ...

信係用回郵信封寄？其實好多學校都係咁做，家長報名時夾埋回郵，學校寄出時印個學校地址，萬一寄失，會寄返學校。而你呢間學校做漏一樣嘢，就係寄封信話你知，幾時之前收唔到通知就要打比學校問。我幫大細女報過咁多次名，做法差不多啦。

yuhehe

原帖由 ozoz 於 15-03-09 發表
信係用回郵信封寄？其實好多學校都係咁做，家長報名時夾埋回郵，學校寄出時印個學校地址，萬一寄失，會寄返 ...

我明白架，所以我只係在意學校今日咁既回覆囉。

ozoz

原帖由 yuhehe 於 15-03-09 發表
頭先個老師覆電話黎話：check 過冇彈回頭，即封信已俾家長收到。呢句說話我聽到真係好嬲。咁講即係代表話我 ...

有老師會打返比你已經好，有見過d直頭企硬唔理，解釋咗就算。

yuhehe

原帖由 ozoz 於 15-03-09 發表
有老師會打返比你已經好，有見過d直頭企硬唔理，解釋咗就算。

佢一定同相關人士傾過先覆我，因為兩個電話語氣態度完全唔同。而且呢間學校想做到有高質幼兒教育麻，一定覆我既
:;pppp:我主要想表達，寄失有可能，唔好第一時間覺得係個家長扮野收唔到咁囉，我聽日會聯絡郵局追蹤封信去咗邊，我目的係要俾學校知道有幾多寄失既可能性。

ozoz

原帖由 yuhehe 於 15-03-09 發表
我明白架，所以我只係在意學校今日咁既回覆囉。

你對呢間學校已經咁不滿，印象唔好，都唔會讀啦。倒不如放眼其他學校好過。當買個教訓，如果好心儀就要小心留意申請程序，我報過好多學校，大部分做法大同小異，有d做法比較特別，更加逐要項睇清楚，免得甩漏。

ozoz

原帖由 yuhehe 於 15-03-09 發表
佢一定同相關人士傾過先覆我，因為兩個電話語氣態度完全唔同。而且呢間學校想做到有高質幼兒教育麻，一定覆 ...

非掛號，追可能難d,如果真係想試，你可以試試嘅。

yuhehe

原帖由 ozoz 於 15-03-09 發表
你對呢間學校已經咁不滿，印象唔好，都唔會讀啦。倒不如放眼其他學校好過。當買個教訓，如果好心儀就要小心 ...

我只係當冇緣份～因為呢次經歷話我知，就算你做足都冇用（我都做到足啦，寄完有follow幾時有信，知人in咗再打去問）寄失呢樣野唔係我控制範圍

兜兜要轉轉

我都試過明明係學校安排失當，我報PN佢安排K班面試，而封通知信完全無提過，到收結果信話唔收我先知in錯班，打返去問咩事，負責的老師放假，另外一位老師幫我抽報名表出來睇都話係喔，報PN班，仲話PN班面試未開始，會叫負責老師聯絡我，而且校長都知道單野啦，無需擔心。

之後終于有號稱負責的老師打電話來，一口咬死我報K班，無寫PN，又話PN班已經full，我話你都未開始面試都full啊？佢話你小朋友情況我地已經知道啦，總之就係唔會再次安排PN面試同埋強調無位，又唔比我waiting，更囂張的話如果下年K班仲心儀佢地可以再次報名。

我由好中意好想去呢間學校到完全失望，就算收都唔會考慮了，老師都甘樣推卸責任，可以點教好小朋友

Minimelody

兜兜要轉轉 發表於 15-3-10 10:02
我都試過明明係學校安排失當，我報PN佢安排K班面試，而封通知信完全無提過，到收結果信話唔收我先知in錯班 ...

唔好意思！我想問都是這間學校嗎?

兜兜要轉轉

Minimelody 發表於 15-3-10 10:17
唔好意思！我想問都是這間學校嗎?

唔係，我係荃灣區

兜兜要轉轉

yuhehe 發表於 15-3-9 23:52
我只係當冇緣份～因為呢次經歷話我知，就算你做足都冇用（我都做到足啦，寄完有follow幾時有信，知人in咗再 ...

無錯，我都係未有面試通知前幾次打去學校問同再三確認我係報PN班做大仔，都可以錯，只可以話無緣分，但塞翁失馬，焉知非福？我仔而家果間我好滿意