好唔開心

joycheung801

是咁的，我個女依家5歲，由2歲開始，佢in幼稚園唔收就開始覺得有d問題，見過言語治療師話冇問題，之後K1老師話佢唔講野唔同小朋友玩，懷疑有自閉傾向，洗萬幾蚊做3個評估，話冇事，排到政府，話係選擇性'針'默，今年入小一（國際學校K2後就上小一）學校裡面做咗OT評估，話有感統問題，最好做TL，依家佢學校係全天候專人照顧，如果冇人單對單support佢就唔專心，完全學唔到野，但佢又唔係學習障礙，因為佢成績唔錯，我問學校係唔係應該轉特殊，佢話可以考慮，都要再評估同排隊，佢話我女唔呢種唔係病，係唔會好返，只係需要唔同既方法去學習，主流學校資源有限去配合呢d需要，特殊會照顧得好d，我聽到真係好唔開心，唔通真係要去特殊學校？有感統問題就不能夠係主流學校讀書？我明大家都交咁多學費但個女就有特別照顧對其他人都好唔公平，我應該點做？做OT每個禮拜會有半日返唔到學，因為冇星期六/日，仲要唔平，然後又話最好安排d運動課外活動會有幫助，其實係咪真係有幫助？都話係唔會好返，咁做乜都冇用啦.....？

pocoyo123

會唔會大個D先上小一會好D? 唔係個個都可以5歲就適應小學生涯

joycheung801

我都覺得係，因為佢係細b，剛開學個陣佢未夠5歲，得4歲幾，超唔適應，但學校已經冇將佢同其他人比較，都係按返年齡去評估，確實係有感統問題，我地一路都知道有問題，但係乜問題？四圍睇醫生都得唔到答案，直到做OT，我之前仲好天真以為長大就會自然好，但唔係lor，相比我細仔，完全冇需要用咁多心機，時間，勞氣，我終於知道正常細路其實係好容易教，但個女真係好惡攪，如果話比佢冧班一年，先係錢，浪費一年時間，學校都未必比，佢見班同學升班但自己冇，對佢心裡打擊咪好大，可能仲弄巧反轉

濼晴

你不用唔開心 我係你 我會搵番間 咁既機構做相關既感統training 因你可能認識不足 有誤解 放心呀 有得醫

我朋友個女都有針默症 經常適當training. Now 完全ok

同唔洗去特殊學校呀 傻豬

joefish

加油啊！其實你囡囡都唔想,只要得到合適的訓練,就會重回軌道,千祈唔好灰心啊

joycheung801

其實我都唔係好清楚個d terms，什麼本體/前庭，份report係英文，modulation係指邊樣？應該係對周圍事物接收同反應都有困難，同埋需要用sensory diet，包括加d重野係大肶上令佢坐定d，用個brush去刷下佢d皮膚，聞下d味，呢d可以wake up佢wor，因為佢成日遊雲返唔到去現實......仲有就係therapeutic listening聽樂治療
其實所謂追返，係delate？感統唔同發展delate，有得追？然後就唔洗再做訓練？可能我真係認知太淺，我只知道呢個係先天缺憾，腦部出咗問題，一世都係咁，真係晴天霹靂！
你女2歲就開始訓練，我女5歲已經遲，有排追？

Fa媽媽

請問係邊間機構做感統訓練？可否pm我有關資料？我囝本體和前庭都有問題，謝謝!

joycheung801

個website有冇打錯字？我上去係牙膏網

MaggieHei

回覆 joycheung801 的帖子

唔駛唔開心.

我小朋友也是感統有問題, 低敏, 令佢要大量刺激比大腦等佢可以專心些.

我問過中心治療師, 感統訓練是可以停, 不是跟一世.不用太擔心. 當然, 做幾耐要看個別小朋友不用情況而言. 不過, 中心治療師都說, 如果停左, 佢也要KEEP 住做家居訓練同埋運動.

我小孩一邊排緊政府, 不過要等18個月才有位. 另一邊做緊私家. 係好貴, 有一定負擔. 黃金治療期是6 歲樓下. 效果好快見到.不過, 我小朋友已過了此歲數, 效果可能慢D. 不過, 都要做. 期望不用等政府比位佢做已可控制到.

LeeCC

我仔都有感統問題，訓練左大半年，進步了很多,姑娘話再train多二三個月可以停

除了上課訓練，導師給的家居訓練一定要做，放假我會跟足做曬，上學日子只做到七成左右，另外每天刷身按關節，吾懶得

智力正常無需讀特殊，特殊學校都吾會收，我仔感統同自閉都系讀主流學校，甘當然吾系top個D學校，是二線支援好的學校
放心啦，感統問題可以好返的，我認識幾個小朋友都系

Jjchow2015

你如何令小朋友在家做訓練？我仔好抗拒刷身！

LeeCC

Jjchow2015 發表於 15-3-12 15:58
你如何令小朋友在家做訓練？我仔好抗拒刷身！

我仔話刷身好舒服，好中意
是否方法不對？我初時阿仔都無中意，原來力度不對,請治療師再看你刷身方法