脾气大, 指教下

vinvinaa

亞兩歲很喜歡看書,記性幾好,教佢中文字一個禮拜已懂五隻。问他之前学的大部份都記得,回想我以前也沒有這樣。学習上他是可以但佢脾气大,要是突然改變原来計畫如轉房,小巴突然掉頭接乘客或散步不是行他平时那條路就大吵大叫。我有向他解釋情況,除了这祥有無其他方法幫他?想請教經驗mama指教下.

pizzaheidi

有d 似我果仔，27m 認到二百個中文字，英數亦有興趣坐定定學！學習能力無問題，但就係脾氣易炆！幾固執咖，例如唔肯比爸爸戴太陽眼鏡（可能平時無戴）又唔肯比我紮邊（可能我一般都無紮，但有時紮左先做家務方便啲丫嘛）所以我翻閱好多書去查下！先唔好講學術，除非真係好突出（資優），否則根本同脾氣無乜直接關係！育兒書提到兩歲兒踏入秩序敏感期，所以遇到跟如常不一樣的情況時，因為不是心目中預期的結果，所以會失去安全感，導致發脾氣！建議家長體諒小朋友，不要認為他們無理取鬧，可以配合就配合，當遇到樓主這個案時其實已無辦法配合，那就先表示認同：媽媽知道啊！同平時唔一樣，仔仔唔覺得好奇怪係咪呢？媽媽都覺得係啊！待冷靜先解釋，及下次上車前預早提及上次情況，預先給他知道有可能有突發野！

vinvinaa

佢15-16月時我的確有懷欵佢自閉。叫佢名唔應,少眼神交流,喜歡看重復轉動如fan或膠腕在枱上彈動。

現在佢玩緊或看書叫佢名都係唔應但同我或和其他人玩有眼神交流,對重復轉動的事已好少定神看所以排除自閉傾向。

pizzahei 講得岩,我事先提佢有机会遇到跟如常不一樣的情況時,佢反应係細d。佢係比較需要多些安全感的小朋友。你小兒现在他的比气有没有转好？ 以你經驗比较固執的小朋友比较式合小班定大班？ thanks thanks

小曳人

我兒係資優兒，學習上同兩位差唔多
對有興趣嘅嘢係全情投入，聽唔到人叫
因為我有用蒙特梭利做早教，所以對重覆性高嘅嘢會隨得佢去做
阿仔對規律好敏感，所以遇上唔係佢預計發生嘅事，都會好大反應

同意上面處理方面，要幫佢講出佢嘅感受，認同佢嘅感覺，教佢講代替發脾氣去表達自己，要有耐性，重覆去做

pizzaheidi

原帖由 vinvinaa 於 15-03-05 發表
佢15-16月時我的確有懷欵佢自閉。叫佢名唔應,少眼神交流,喜歡看重復轉動如fan或膠腕在枱上彈動。

現在佢玩 ...

判斷自閉的確去靠專業評估，難以靠一兩種特質去主觀確定！為免錯過治療黃金期，有懷疑應該去找協助！我曾經有擔心仔仔自閉，因為一歲時竟然未識拜拜點蟲蟲手指指，16個月先開始做指令，但佢目前發展追返曬，甚至超越其他同齡 b !應該排除自閉可能,但脾氣方面一向都唔好（可能好多 b 都係），最惡劣係喺街或公園唔肯走，會 look 地沙抗議！有時會驚我唔比佢做某些事情而尖叫發定脾氣先！出街有時好似甩繩馬騮 fing 手唔比拖周圍衝！playgroup 上左大半年都唔可以坐定，唔會融合其他小朋友玩遊戲，自己行行企企搞下老師 d 教具，但佢在公園又會同其他小朋友玩，所以都未知佢究竟係有問題/無問題？！九月 k1 , 打算返左學再觀察下!佢果間應該師生比例係23位小朋友，2位老師！暫時無經驗分享，但覺得各有各好，大班可以自學訓練多 d 社交群體，小班方面，老師應該有充分時間暸解每個小朋友！其實可以考左先，真係收先再挑選！我個仔唔受硬，要等佢冷靜左再傾就知道自己唔啱，識講自己唔乖下次唔敢，之後我再有同樣情況時，我就先提再警告，通常肯收斂，甘樣算唔算改善左？！

vinvinaa

我當時有同佢去評估呀, 佢地話年紀太細只可以初部驗查不能conclusive,做了幾個互動遊戲,話唔似自閉。

其实我地去check之前,问個人教我地同佢响屋企練眼神,比如餽食野將之spoon放近我隻眼附近,然后同佢講野, 望住mama, mama响呢度等, 佢眼神improve左很多。

之后玩煮飯仔佢會同我地玩, 比野我地食,示意要我地幫佢开野,有交流有溝通,唔係自闭。


我仔都係一歲時未識拜拜點蟲蟲手指指，16個月先開始做指令.  現在佢指野都係五隻手指指 or唔指用口講我要呢個。我估佢唔太鐘意指野。


其實肯收斂已有improve,只是小朋友的腦仔唔同,有d 事好快忘記or記得都不去做。我们小时候也不是这样吗？一起努力吧，教小孩真的不是容易的事噢。感謝你们的分享,我會幫佢講出佢嘅感受，認同佢嘅感覺，教佢講代替發脾氣去表達自己，要有耐性，重覆去做

pizzaheidi

原帖由 vinvinaa 於 15-03-05 發表
本帖最後由 vinvinaa 於 15-3-5 14:34 編輯

我當時有同佢去評估呀, 佢地話年紀太細只可以初部驗查不能co ...

如果未適齡做評估，而且初步暫時也樂觀，不如放下呢個問題先，唔好唸太多！因為性格唔同可以有好大差異，或者佢真係唔鐘意望人（我本人也是）！有時做得太多小朋友會 feel 到，有機會反感咖！2歲除左秩序敏感期還有反叛期，你叫佢食橙佢係要食蕉，所以唔適宜做甘多訓練眼神接觸！反而自己同屋企人眼神接觸多 d , 誇張 d ! 佢其實有留意，博佢模仿好過下下叫佢望！我都感激你真心分享，我個仔都唔望人講哈佬拜拜咖！我暫時唔理佢住，自己做囉！如果發脾氣其實都係一種自我肯定同學習發洩同表達，總會過去的，但過程可能好漫長，慢慢引導

vinvinaa

15-16 月我有訓練佢眼神接觸， 之后已没有la因為知道佢唔係有問題, 現在佢唔望人多是心gup想去玩。有時我會提下佢(EE 响前面但佢個頭360度轉了方向望其他,EE跟本聽唔到)否則我由得去,始終得兩歲,慢慢教。