囝囝好怕同媽媽分開 .... 好煩惱

ivychan5252

一直以來每朝都湊落婆婆家, 我同老公就去返工, 我仔在婆婆家食早餐後回學校, 但近日囝囝 (3.5歲) 都唔知咩事, 交比婆婆時喊到癲呀, 試過入左門口, 都開門跑出走廊找我地, 放學又不願回婆婆家, 我有問過我媽發生咩事, 但我媽話近來都無咩事發生左, 而我亦有問過我仔咩事唔喜歡婆婆, 佢又答唔出, 我媽都好錫我仔, 唔會點打、罵佢的, 但真係百思不得其解呢!~

佢一見到我, 就一定痴到我實一實, 係屋企, 我去沖涼佢都要跟住一齊沖, 佢要去尿尿或者便便, 都一定要媽媽幫佢, 爸爸幫佢都唔比, 食飯要同我食 .... 訓覺都要我同佢一齊訓, 總之, 咩都係媽媽, 爸爸想幫手都無能為力, 如果要同我分開 (例如我落去超市買野, 或者每早佢去上學) 就一定大喊大叫 ..... 點算好呀???

我使唔使同佢上 "情緒/心理輔導" 個類既堂呢?

基本上我係無休息時間, 除左佢晚上訓左後, 這才是我的私人時間 .... 見到個囝咁樣, 真係好擔心

有無媽媽同我情況差不多呀? 可分享下嗎?

Fanfsy

ivychan5252 發表於 15-2-16 09:56
一直以來每朝都湊落婆婆家, 我同老公就去返工, 我仔在婆婆家食早餐後回學校, 但近日囝囝 (3.5歲) 都唔知咩 ...

我的女兒也是這樣，什麼也是媽媽，我想休息一下也不行。

konew720

原帖由 ivychan5252 於 15-02-16 發表
一直以來每朝都湊落婆婆家, 我同老公就去返工, 我仔在婆婆家食早餐後回學校, 但近日囝囝 (3.5歲) 都唔知咩 ...

有d小朋友會有一段時間係咁。
喊由佢喊，要俾佢知道日常生活係咁。

ivychan5252

回覆 Fanfsy 的帖子

係呀, 想抖啖氣既時間都無, 有時好辛苦 .....

沖涼個時想慢慢沖, 比我舒舒服服沖個涼都唔可以, 點解會咁架 .....

ivychan5252

回覆 konew720 的帖子

但搞到我媽好無奈 lor, 次次去到婆婆度就咁, 同埋影響埋佢返學上堂的情緒, 我先咁唔開心!~

Fanfsy

ivychan5252 發表於 15-2-16 16:02
回覆 Fanfsy 的帖子

係呀, 想抖啖氣既時間都無, 有時好辛苦 .....

我會同俾囡囡睇住我沖，所以沖得特別快~

你有什麼對策？

ivychan5252

呢幾日都係由我老公帶佢返學, 佢都接受 .... 但我就要一早離開屋企 lor, 因為如果佢見到我同老公, 佢一定要我架 .......

昨晚老公氹佢講點解唔喜歡婆婆, 佢話因為婆婆好惡, 會打佢同罵佢, 但據我所知, 佢真係好唔聽話好百厭個時, 我媽先會咁對佢者, 又唔怪得我媽 lor, 但依家搞到佢咁抗拒婆婆, 我真係頭痛呀!~