教淺考深普遍嗎?

c1234

回覆 scyauchris 的帖子

基本上要勁高EQ先得！＜==同意。阿女到返到屋企，最好當睇唔到佢＜=為什麼呢?

scyauchris

回覆 c1234 的帖子

因為每天要丙的野太多，為免傷感情盡量唔掂佢功課, 我只簽手冊。佢回家，我就係廚房煮飯。今日佢先問我可否不升大學我只可以答可以不一定讀大學，我叫佢唔好想太……遠，小學都未讀完。還有我女做做吓功課會找我傾計，拾書包又好慢，我見到就忍唔到口丙佢。如果EQ唔高，當然盡量乜都唔跟，佢做功課更加唔係佢隔離。

MASAYA

scyauchris 發表於 15-2-28 01:00
回覆 c1234 的帖子

因為每天要丙的野太多，為免傷感情盡量唔掂佢功課, 我只簽手冊。佢回家，我就係廚房煮 ...

你有冇了解過佢點解唔想讀大學?
最近有人寫文話唔讀大學仲好, 讀大學讀到學聯班學生咁為乜, 寫文既人有d名堂, 公然叫人唔好讀大學, 為乜?

c1234

回覆 scyauchris 的帖子

好明白您的辛苦，心情，真的EQ要高。因為現在的課程深了!

scyauchris

我女得8歲，想咁長遠做乜。我當然希望佢讀大學，現在咁細不用想得太復雜，因為除時會變。我都只是發吓夢升中該轉換去那所學校。

scyauchris

我女時常話我唔信佢，我如果唔信佢就日日幫佢檢查功課包括拾書包。我只是唔相佢温幾分鐘書就温完，因為我知佢趕住去睇佢d閒書。

我又好貪心每日要佢去公園，又有看閒書時間又可以睇吓電視又要佢練好鋼琴。

c1234

回覆 scyauchris 的帖子

或者給她一些自由時間玩耍。勉去嘈交的機會。

c1234

說回現在的小學課程，好像閱讀理解，及作文的要求高了!想請問有經驗的父母，你們是怎樣幫助孩子呢?

scyauchris

回覆 c1234 的帖子

佢平日有最少三個鐘自由時間，不過我攞左佢45 mins 去公園。

c1234

回覆 scyauchris 的帖子

三個鐘頭自由時間，太好了!

wan_sosin

c1234 發表於 15-2-28 17:59
說回現在的小學課程，好像閱讀理解，及作文的要求高了!想請問有經驗的父母，你們是怎樣幫助孩子呢? ...

我仔津校小一,由BB開始已同佢睇書,無限睇中文定英文書,由只講故事,到講下讀下,到一齊讀,上小一後無做特別嘢去應付閱讀理解,但就會更深入去睇書,睇文章,會解釋比較深的詞語,傾下故事內容.佢現在做閱讀理解,錯嘅機會算低,英文比中文淺,所以英文更沒問題.但只係小一,之後嘅事唔知.
現在仍有繼續睇書,仍有伴讀,雖然睇書未必係我仔最高興趣嘅一樣事情,但佢都開心,同鍾意去圖書館.

現在未有正式作文,只有作文評估.平時功課造句,總是來來去去寫類似嘅嘢,我知佢大慨原因,第一有D懶諗,第二,總是覺得要寫真實嘅事,唔知可以真係"作"!已常提醒佢,唔需要一定發生過嘅事實先可以寫,但佢嘅直覺仍然未完全轉到過來,都幾好笑,佢好似覺得,咁係唔係講緊大話.但平時又唔見佢咁誠實.

但佢平時自己作故仔又好得架,可以伶住大堆公仔講一大輪.

c1234

回覆 wan_sosin 的帖子

多謝您的分享。你說得對，小孩子未懂得是可以“作”,又不肯諗!

little_yolky

c1234 發表於 15-2-28 17:59
說回現在的小學課程，好像閱讀理解，及作文的要求高了!想請問有經驗的父母，你們是怎樣幫助孩子呢? ...

做既嘢同wan_sosin幾乎完全一樣, 只係分析文章一段遲咗進行, 我個人比較懶散, 有心情就同佢分析文章結構同優點, 但呢D情況好少發生, 因為我忙丫嘛

至於作文, 小一都係循序漸進, 但係佢哋考試已經要考作文, 但字數好少, 或寫下賀卡、便箋之類。根據wan_sosin既做法, 閱讀理解小一一上馬就已經無問題(當然唔係話百發百中啦), 不過, 我大女有一個問題, 係俾佢自由, 佢就只會揀中文書睇。所以中英文程度拉得好遠。不過, 學wan_sosin話齋, 英文考試內容淺過中文好多, 所以都無問題。


至於作文, 因為知道學校唔係人咁品, 所以小一暑假時已經做嘢, 買本日記簿同佢玩交換日記。佢仲寫咗Frozen續集添 , 小朋友見你有回應, 佢哋好開心的。


至於細囡, 因為中英文科學書都鐘意睇, 係雜家, 不過問題又出嚟喇, 周身刀無張利, 中英文都唔見突出, 所以, 依家K3我已經要開始做嘢了, 啱啱買咗簿仔俾佢寫下詞語, 畫下畫, 寫下句子。希望可以快人一步, 理想達到。


BTW, 聽番津校朋友仔反映, 小三開始閱讀理解真係嚟料了, 要問你問題, 自己用自己既文字寫番出嚟, 無得抄的。

wan_sosin

原帖由 little_yolky 於 15-03-04 發表
做既嘢同wan_sosin幾乎完全一樣, 只係分析文章一段遲咗進行, 我個人比較懶散, 有心情就同佢分析文章結構同 ...

我仔睇英文書架，因為英文書先有Hero佢睇，男仔一般都係英雄主意者，但睇圖多過睇字囉，不過只要肯攞起本書，都已經係好事，我唔會限佢睇啱佢程度嘅書，佢睇唔明字，只睇圖都由佢。
男仔語文能力一般未必好強，但我仔學普通話都唔錯喎，加上得我呢個普通話半桶水嘅呀媽教，唔知語文基礎唔差，會唔會都係有幫助呢？始終想唔想都要面對普教中，學好多一樣，可作選擇，好過攪唔掂。但個人立場唔支持普教中的。

little_yolky

wan_sosin 發表於 15-3-4 12:23
我仔睇英文書架，因為英文書先有Hero佢睇，男仔一般都係英雄主意者，但睇圖多過睇字囉，不過只要肯攞起本書 ...

係啦, 女仔就鐘意睇埋D愛情故事、公主故事咁。你仔仔鐘意英雄主意, 俾本水滸傳同三國演義佢啦。
我阿細就煩了, 鐘意睇漫畫, 我唔鐘意小朋友睇漫畫, 但慈父多敗兒, 爸爸靜靜雞買俾佢。前兩日, 細女同我講西遊記既情節, 我問佢點知, 都唔識字, 佢話自己睇書知道, 後來, 家姐爆佢話係睇漫畫版的。

wan_sosin

原帖由 little_yolky 於 15-03-04 發表
係啦, 女仔就鐘意睇埋D愛情故事、公主故事咁。你仔仔鐘意英雄主意, 俾本水滸傳同三國演義佢啦。
我阿細就煩 ...

係喎，中國都有英雄故事，不過就深D.
西遊記有兒童板架，我仔都有本，唔係漫畫。我仔都鍾意三國志，因為砌過高達三國志板嘅模型爸爸講個故事佢聽，佢都好鍾意，我諗佢第日應該會睇。
我細個時，兄弟姊妹都係漫畫迷，但又唔會只睇漫畫，其他書都會睇，金庸全家都睇，但睇漫畫都要小心揀，其實有D真係內容唔錯架，我之前睇過一套書，叫"與光同行",內容講關於教導特殊小朋友，好多心理學家都去睇，協康都有得借。
當然唔好只睇漫畫啦！但睇書都係興趣一種，不單只為讀書同學業，將來都能享受睇書就最好。

c1234

回覆 little_yolky 的帖子

很佩服妳那麼用心，寫日記，不簡單啊!

c1234

回覆 wan_sosin 的帖子

不單只為讀書同學業，將來都能享受睇書就最好。＜=同意。

little_yolky

wan_sosin 發表於 15-3-4 13:15
係喎，中國都有英雄故事，不過就深D.
西遊記有兒童板架，我仔都有本，唔係漫畫。我仔都鍾意三國志，因為砌 ...

屋企乜版都有, 家姐就係睇兒童版西遊記起家的, 阿妹就係鐘意練精學懶, 只睇公仔。

三國演義咁多型男, 阿仔應該會好鐘意。三國都有兒童版, 不過阿女唔鐘意男人臭汗味, 所以三國同水滸都無睇, 剩係睇愛情故事 好似紫釵記粵曲改編將李益寫成有情有義, 但原版係話佢薄情, 最後霍小玉死咗, 佢娶咗三個老婆, 阿女睇完同我講：媽咪, 李十郎原來好衰既

wan_sosin

原帖由 little_yolky 於 15-03-05 發表
屋企乜版都有, 家姐就係睇兒童版西遊記起家的, 阿妹就係鐘意練精學懶, 只睇公仔。

三國演義咁多型男, 阿仔 ...

多謝你講我知，相信遲多少少先比到我仔睇，佢有輕微ADHD,所以太長篇嘅未有耐性睇，等佢對個故事有興趣，慢慢佢會想睇。
粤劇劇本故事都幾多幾好睇，但真係做出嚟就…太太太……長…
你大囡都真係好有耐性！