請教

sophiell

15個月寶寶 只可以雙手扶傢俱慢行 不能扶傢俱踎低起身 亦唔識爬上爬落 但有時可以唔駛扶企到幾秒 佢剛滿一歲先識扶住嘢企好
另可以指住物件發聲 但只係呀呀呀  (1歲時唔識) 或者尖叫 冇其他音 冇玩聲 同埋聽到爸爸媽媽唔會望住爸爸媽媽 但會主動搵人幫手 (例如俾支筆我畫嘢) 聽到自己名會有反應

咁樣有冇機會係遲緩？

濼晴

如有擔心 去搵健康院 唔好估估下

sophiell

唉 可惜唔係我嘅小朋友 佢媽媽就一直覺得佢個bb冇問題 佢媽媽喺湊bb方面有好多獨特見解 講佢唔掂

sophiell

IQ高呢個point好搞笑 我只係怕我親戚搞到個小朋友明明正常發展都拖到佢慢晒 因為個bb而家出街連鞋都冇對 喺屋企都好少俾佢周圍行 又唔搵玩具俾佢玩 而家15個月仲係兩個鐘一餐人奶 同我地食飯先俾啲菜佢咬下 唔俾佢食飯同肉

sorjomui

sophiell 發表於 15-2-18 08:46
IQ高呢個point好搞笑 我只係怕我親戚搞到個小朋友明明正常發展都拖到佢慢晒 因為個bb而家出街連鞋 ...

我個係女B，現在17個月了，佢14個月唔拖我手自己行，現在開始跑，識上落1級的樓梯，有扶手可以自己上落5至6級樓梯，想自己行吊橋，自己玩滑梯。講嘢方面，佢開始想講2字了，例如早晨……基本的叫爸爸，媽媽，家姐，嫲嫲, 車車，樹，葉，花，草15個月可以自己叫，ee, 婆婆，叔叔，伯伯，公公，弟弟，哥哥，跑，跳，走，拜拜15至16個月識跟講，16個曾經聽過佢講渣車，砵砵車，包包食之類……仲有眼耳口鼻咀都知在臉的那部份，會做手勢的動作有: hello，byebye，give me five / ten，飛吻，手指指等……


佢好喜歡玩玩具，看書，食嘢(飯，肉，菜，魚，麵，麵包)已經要自己來，有時用手，匙羹或叉，用杯飲水，吃嘢吃到天一半地一半，真係比佢……

sophiell

你個女好叻啊 比同齡都快 我呢位親戚嘅bb 我估佢嘅各方面能力最多只係12個月 行路方面同我女8個月冇分別 唉 又唔係話佢好明顯遲緩 但就覺得佢好多嘢都係borderline

sorjomui

sophiell 發表於 15-2-18 19:27
你個女好叻啊 比同齡都快 我呢位親戚嘅bb 我估佢嘅各方面能力最多只係12個月 行路方面同我女8個月冇分別 唉 ...

我估現在d媽咪對小朋友過份愛護，尼樣危險，嗰樣危險，於是小朋友咪越做越少，咁咪唔會錯，點知就影響了小朋友的正常發展；有時又幫小朋友做晒d嘢，以為對小朋友好，其實令佢地學唔到嘢，得不償失；父母有時只要小朋友重學術，其他事唔好理，都會影響到佢地社交同生活上的技能。

sophiell

呢位媽媽係 完全俾個女天生天養 唔係錫住佢 係完全唔去教佢 唔帶佢去公園又唔會俾玩具同圖書佢 平時亦唔見佢同個bb講嘢 佢只係關心個女唔可以食啲乜 我對住佢已經由好嬲變到無言

Littlecatta2013

我仔14.5個月大(早產36WK3D出世，如果更正佢係剛剛14個月)，識離手行左一個多月，攞住D野行都OK，識離手踎低執野再企起，扶住佢可以上落樓梯，提下佢佢識跨過少少障礙物，識爬上爬落矮梳化，識自己用匙畢飯食，仲識用匙揀餸食，有時識自己攞有耳普通杯飲野，識模仿聽電話/吸塵/掃地，識主動手指指有興趣遠野同需要的東西，識指認二十多三十款日常用品，認到肚臍/手腳，識HELLO, BYEBYE, 飛吻，錫錫(但唔係次次肯做)，其他指令如掉垃圾/洗衫/除袜/去邊度攞野/餵我地食野/乾杯/洗手/拍醒爸爸等等都識。。。。識聽邊個係爸爸媽媽姐姐麻麻，俾俾就一時時，唔係好肯同人分享玩具

但唔係好識講野，能發唔少音包括爸媽，但唔能夠意識嗌爸爸媽媽，佢間唔中爆幾粒單字甚至詞語(爆一次就冇)，如俾、GIVE ME FIVE、MUM MUM、好味、BYEBYE，我唔知點引佢講野，唔俾佢野佢會喊到你屈服為止，而且叫佢名唔係次次應我，我好驚佢有咩問題

Littlecatta2013

補充：其實我覺得離手行係要訓練(俾信心佢同練平衡)，
我仔9個月大時識肚離地爬及扶野企同打橫行，但12個月大仲未夠膽放手自己企，所以我帶左佢去草地練行，因為佢唔肯響草地爬，所以佢惟有扶住我行，由雙手扶到單手扶，間唔中玩下學行推車，扶扶下就我響佢後面傍住佢行我係咁二用手篤一篤佢個身，最後就係鼓勵佢自己離手，由離手行到一兩步到而家通屋行

sophiell

我女都係見到有同佢差唔多大bb自己行之後兩日佢就自己行 信心都係好關鍵
但我親戚個女連企喺度轉坐低嘅transition都做唔到 拖住兩隻手行都行唔穩 會腳震

sorjomui

sophiell 發表於 15-2-23 09:03
呢位媽媽係 完全俾個女天生天養 唔係錫住佢 係完全唔去教佢 唔帶佢去公園又唔會俾玩具同圖書佢 平時亦唔見 ...

小朋友天性是玩同食，玩的比例好重要，我囡在識坐後就比佢去公園玩，一玩就半個鐘至九個字，真係覺得佢學嘢會快d，講2至3次就會講。

sophiell

呵 我都有咁話個親戚 問佢知唔知玩對小朋友有幾重要 佢就洗耳恭聽咁嘅款等我講 激死我

Letter_lalaland

自己人嘅話係唔會聽得入耳，
搵外人同佢講就差唔多。