地利亞英文小學 VS 激活英文小學

zoezoe2009

小兒將於2015九月讀小一，今天收到信激活英文小學已收了小兒。小兒是就讀激幼，對於他們的活動教學很滿意，小兒都讀得很開心，當初報激幼都是為了上激小舖路，但入讀後方知原來激幼上激小並無特別優勢，和其他學校學生一樣。所以當收到激小的收生通知，真是喜出望外！但礙於先前天水圍德宜幼稚園租約滿的事，怕事件會重演在激小身上，真的擔心兒子讀了一年又要搵學校，但知道激小學生會讀得開心和輕鬆，加上我和先生也較喜歡活動教學，所以也不知怎決定。。。


小兒已被聖瑪加利和地利亞英小錄取，但兩者我們較喜歡地小。


因為感覺老師和校長很有愛心，同學有三分二是外籍小朋友，印巴較多，但也有少量日本，韓國，東歐，尼泊爾，印尼，黑人小朋友，英語水平一定會高，而且上到小三又有法語是必修科目，小兒可學多一種語言。我的一個朋友是地小畢業的，她說老師校長都很好，活像一個大家庭，到現在我朋友已三十幾歲，也會和小學老師們食飯，加上我朋友的英文很好，像外國回來的口音，她說是小學開始每天講英語得來的。而且問過住在該校樓上的朋友，都說地小學生雖然多印巴，但都很乖巧，而且該校的印巴都是來自中產或環境好一點的家庭，父母也是有教養和學識的，我們也在放學時去學校觀察過，那些小朋友都好乖，記律好好，學校對於品德方面的教育也做得不錯，升中也不錯，也有學生入男拔，英皇等名校(雖然我並不是希望兒子將來要入名校)，反觀中學部就不要考慮了。不過地少多默書測驗，課程較深，算是嚴少少和較谷的小學，算比較傳統，怕小兒讀得辛苦。加上地小好似返八點，我家住洪水橋，返美孚小兒可能要六點起床，始終遠了點。加上雖然中學部是獨立另一個校長，而地小同地幼係同一個校長，但始終中學辦得唔好，小學部嘅名聲都會連累，即使問過好多人都話地小同地幼好好，但有啲唔熟悉地小嘅人一聽到係地利亞就耍手擰頭，因為佢間中學太「出名」了。


另一方面，激小是活動教學，他現在讀激幼也是活動教學，雖然課程不深，但學到很多傳統幼稚園學不到的知識，又沒有壓力，讀得很開心。加上知道激小也著重中文和普通話，這比地少應較為有優勢。而且壓力應該比地小少一點，加上返九點，又近屋企，小朋友無咁辛苦。激小又無咁嚴，學生會讀得開心啲。不過唯一相比下不足的，就是地小有法語，還有英語水平應該比激小略高一點。激小的學生可能因為活動教學關係，相比之下也較活躍，而地小學生就較有紀律。不過最擔心始終是校舍就快滿約問題，怕因加租而執笠，到時又要周圍搵學校，小兒又要重新適應。。。


請各位激小或地小家長可否評論一下學校的教育理念？子女讀得開心嗎？壓力會否很大？英語流利嗎？校風如何？老師會有愛心嗎？


感激不盡。。。

ac917

既然幾間基本上你都認為好，揀最近屋企嗰間，小朋友舟車勞動並非一件樂事

manman0808

I want to know more about Delia too!

zoezoe2009

回覆 ac917 的帖子

你都講得啱嘅。。。

zoezoe2009

回覆 manman0808 的帖子

其實我同先生都好鍾意地利亞，如果無激活offer，我地一定會揀呢間，不過而家仲心大心細。。。

melonfans

zoezoe2009 發表於 15-2-6 20:29
回覆 manman0808 的帖子

其實我同先生都好鍾意地利亞，如果無激活offer，我地一定會揀呢間，不過而家仲心 ...

地小升中如何?  我樓上有小朋友讀地小, 升番地利亞中學, 有特輯做過地小, 佢地中文吾得,

本地生都要就佢地水平, 我諗你地考慮呢點!  升中最緊要.

babai

俾我會揀聖馬加利，地小同激小既優點佢都有，一程西鐵又到

teambuilder

回覆 babai 的帖子

但聖瑪學費貴好多喎

chrischeung

babai 發表於 15-2-7 14:56
俾我會揀聖馬加利，地小同激小既優點佢都有，一程西鐵又到

絕對同意，除非出國否則比我一定吾讀。

zoezoe2009

聖瑪加利我都幾鍾意，但我老公心水啲細學校，話似個大家庭，溫馨啲，對小朋友嘅專注又無咁分散喎。。。

zoezoe2009

回覆 chrischeung 的帖子

請問你話除非出國否則唔會讀嘅係指聖瑪還是地利亞？

chrischeung

回覆 zoezoe2009 的帖子

地利亞

babai

最貴應該係激小呀，而且聖得2班定3班1都超小人2

free2bme

回覆 zoezoe2009 的帖子

係呀，聖瑪每班27-28同學...激活只有17-20。

free2bme

激活貴的原因是每班不多於20同學.... 少點同學＝少點收入
前晚（在家長會）學方保證'small class teaching'不變。

zoezoe2009

回覆 free2bme 的帖子

你咁講我信心更大加。。。。請問你是激小家長嗎？可以講下你對學校的睇法嗎？
thx！！

zoezoe2009

回覆 babai 的帖子

激小真係貴。。。加到七萬幾一年，不過佢升中好似唔錯。。。

newcomer550

回覆 zoezoe2009 的帖子

我係地小小一家長, 見你另一帖話揀咗激活, 不過都講多少少關於地小俾大家知.

課程冇特別深, 亦冇特別淺, 基本上每兩星期默中及英, 間中有數學小測, 我覺得正常. 中文用一般出版社中文書, 冇特別深, 亦冇特別淺.

老師我覺得有愛心, 不過亦有家長覺得老師不夠好.

學生我覺得都算乖, 英語一定流利, 老師都係主要講英語.

不過小一就冇課外活動, 只有一天制服團隊活動.

manman0808

What about P2?  Any after school activities?

zoezoe2009

回覆 newcomer550 的帖子

唔該哂你~其實我地真的好鍾意地利亞。。。但因資訊不多，所以會多啲擔心
請問知道升中方面如何嗎？真的如大家所講因中文較淺，升中的選擇窄嗎？