培正如果唔係一條龍(討論下)

sakbbjaijai

你仲會唔會揀佢呢？ (純粹討論，不喜勿插)

蛋蛋蛋

斷龍嘅話~~

zebrabb

聽上一代講，培正以前是band3架⋯

sakbbjaijai

唔通培正除左龍校就一無是處？？

crown_629

Band 3??? 一定冇可能喎，上一代入培正都要interview 㗎喎

adriantai

其實想入培幼都係為左培小, 都吾洗點討論

zebrabb

以前話中文學校個rank無甘高

sugarbun

我讀書年代, 培正並不特別好, 只係一間唔差既中文學校, 起碼唔識人對培正學生"另眼相看"

bubuG

如果唔係龍，好多間都唔使諗。

cpychung

你要睇邊一代，如果係80年代或以後讀小學既，培正係一間唔錯既學校,但唔係最top，如果係60年代或以前讀，培正係最top既學校之一，但無論幾時都好培正仍然係band 1,至於話band 3 應該係講緊培橋之類，培正從未試過低於band 1

chucimama

我喜歡學校的校風及學生與學生層面和學生與學校層面的高黏的瑩聚力

hillcattery

原帖由 chucimama 於 15-02-05 發表
我喜歡學校的校風及學生與學生層面和學生與學校層面的高黏的瑩聚力

何以見得？

lauwingtai

chucimama 發表於 15-2-5 00:45
我喜歡學校的校風及學生與學生層面和學生與學校層面的高黏的瑩聚力

你講個d「學生與學生層面和學生與學校層面的高黏的凝聚力」根本就係來自一條龍嘛！試下斷龍，幼唔上小，小唔上中，邊下仲有冇凝聚力！？

天悅

如果斷龍，我就唔會考慮了，培正始終給人比較傳統的感覺，幼稚園我覺得活潑d好；小學要俾4萬幾一年，我就覺得好多津小都好好，唔想再俾咁多錢讀小學；中學我較為想入英中多些；純粹個人意見

SS0512

未入讀前，我都覺得培正很傳統，但我小朋友讀了一個學期，俾我的感覺是有傳統學校所重視的尊師重道，品德培育，但教學和學習上也很强調學生的自主學習，課堂上感覺也很活。當然這只是讀了一個學期的感覺，K2, K3, 培小……就有待體會

sum_chan

以前有句話：「真光豬、嶺南牛、培正馬騮頭。」培正學生比人感覺都好醒目嘅。

lutang

我都想唔使錢讀Band1津小，可惜唔係個個抽到囉，萬一派去校風差嘅學校，先唔好講成績呀，淨係德育嗰瓣都有排你驚架！

mrs.crown

我係培正舊生。 培正係一間好學校， 由於一直以來培正係中文學校，一般人都將佢定性為次一等的名校。但坦白講， 我自己覺得培正又未至於要人人都趨之若鶩去報嘅學校，係我地有情意結嘅就無得講； 外面真係大把學校學術水平比佢高。

lutang

係呀！不過以前年代好多舊生到而家嘅發展都唔錯架！我覺得一間學校名唔名，成績好唔好未必影響你將來嘅職業，反而一間校風好、重品德嘅學校就會影響你一生人嘅道德價值觀。

tam_bb

原帖由 lutang 於 15-02-05 發表
係呀！不過以前年代好多舊生到而家嘅發展都唔錯架！我覺得一間學校名唔名，成績好唔好未必影響你將來嘅職業 ...

十分認同你呢句：「一間校風好、重品德嘅學校就會影響你一生人嘅道德價值觀。 」