怎樣看書才有效

sumyau1012

很好的分享，我都試下同女一齊去書店買本日記先。不過我女唔鐘意寫字，希望可以做到

scyauchris

回覆 little_yolky 的帖子

佢肯睇中文我已好開心，不過我無你咁勤力！ 我會去書店找吓短篇文章給她看。

hadwinboy

原帖由 sumyau1012 於 15-02-04 發表
係咪睇書，由得佢，幾年後就睇到output

不一定，水過鴨背，看了等於冇看。要記住內容，讀下內容，咬文嚼字，才會入腦。有了記憶體，自然有output.

little_yolky

scyauchris 發表於 15-2-4 21:47
回覆 little_yolky 的帖子

佢肯睇中文我已好開心，不過我無你咁勤力！ 我會去書店找吓短篇文章給她看。 ...

有一本《林良爺爺700字故事》(大概係咁), 好好睇的, 响「讀書人」買。阿囡同你小朋友啱啱相反, 鐘意睇中文, 英文書唔係話唔鐘意, 但程度差太遠, 所以追唔上。中文佢已經睇咗好多台灣改篇既古典名著, 但英文就......仲睇緊ORT Level 4 佢唔係唔鐘意睇英文書, 係太鐘意睇中文書了。

不過呢, 睇呢D故事書對中文科作文係無乜幫助, 因為係故事, 但中文作文一般係記敘文, 唔係寫故事, 所以就好似無乜幫助咁, 但閱讀理解就so good。因為依家考試卷成60%係閱讀理解, 所以佔好重比例。有次考中文前阿囡仲睇閒書, 當然佢我鬧一鑊, 佢就駁咀, 話睇得多呢D書(閒書), 溫書先會快。其實佢係啱的。

至於初小作文, 我想, 同佢哋分析教科書內的文章就好好了, 因為教科書都係幾百字, 同佢哋要求接近, 咁可以教佢篇幅結構, 第一段寫乜, 第二段寫乜, 結尾寫乜咁, 文章結構好, 咁攞高分就有望了。

GreenMaDad

我小孩學校有要求寫週記，當然這幾乎等於我幫她寫，但過程中我都發覺她不明白一篇文怎樣編排，希望經過無數的練習她會明白應怎樣寫。

HMmummy

初小伴讀也很重要，提提小朋友要留意的重點,如主旨、句子結構！

amyamy

little_yolky 發表於 15-2-4 10:01
所以, 我好開心咁同佢一齊去書局, 各自揀咗一本日記, 大家交換對方鎖匙, 係玩「交換日記」。

日日lunc ...

多謝分享, 呢個方法好好咁, 我都要同阿女試下先~

S-Kwok

原帖由 little_yolky 於 15-02-04 發表
所以, 我好開心咁同佢一齊去書局, 各自揀咗一本日記, 大家交換對方鎖匙, 係玩「交換日記」。

日日lunc ...

你囡肯寫真係好，我囝會覺得煩，日日只想睇書

annie40

不求回報，看書的得著是最大。

skkeung

原帖由 little_yolky 於 15-02-03 發表
係喎, 我小朋友都無讀字卡喎, 都係一本一本書咁讀的。上小學時都係無出現數學文字的困難, 佢只 ...

我們太功能，什麽也想拿高分!像你的看法的人太少了!欣賞!

scyauchris

我都喜歡高分不過我覺得我捉住佢温都無乜可能達100分，所以就由佢自己處理。加上佢次次問完我d中文句子，次次由對變錯！

little_yolky

skkeung 發表於 15-2-8 09:21
我們太功能，什麽也想拿高分!像你的看法的人太少了!欣賞!

高分喎, 同錢一樣, 邊個唔想要, 我都好虛榮的

不過, 中文呢樣嘢, 佢自己溫又係咁多分, 我教完佢又係咁多分, 咁點解要自己咁辛苦呢 , 既然升到班, 又唔係話差到無朋友, 咁咪take it easy囉。

MrBeast

From todays skypost

自從學校要有「閱讀計劃」開始，個個學生都有要天天閱讀故事書的家課。這人人都要參與的計劃，是希望培養學生的閱讀習慣，因為過去的統計數字顯示香港學生欠缺良好的閱讀習慣，語文水準下降。
按照計劃的本意，理應能提升學生們的閱讀興趣，可惜，大部分都只是視閱讀為一門要完成的家課，只有小部分能把習慣變為興趣，一生受用，有所得着。
當「閱讀計劃」變得受到關注，備受重視時，學生就個個都是有閱讀的一分子，更有要記字、認字的訓練，寫讀後感的為交功課而閱讀，填交閱書數字報告的為數字和獎狀而借書看書，這反使學生的閱讀習慣只浮於表面。
能培養學生可以進入喜歡閱讀的世界去是「閱讀計劃」的本義，要是成功的話，今天個個學生都會喜歡閱讀，卻並不是。雖然能至少令學生在年幼時多看幾本故事書，但卻大部分都是除了那些便不會主動拿些別的書來看的學生。
不視作是計劃，不視為是家課，而是一個自然的過程，才會有自然的結果。自然的結果，就是孩子會自然地愛上閱讀，這就要看父母是怎樣親自參與了。（五之一）

little_yolky

MrBeast 發表於 15-2-9 11:34
From todays skypost

自從學校要有「閱讀計劃」開始，個個學生都有要天天閱讀故事書的家課。這人人都要參 ...

我家孩子幼稚園係有「閱讀計劃」的, N1開始有, 唔同年級有不同數量閱讀目標。原意係好, 但最攞命係小小朋友時, 佢哋唔識字, 我一般係睡前故事, 但「閱讀計劃」係要寫書名, N2(即K1)開始小朋友要參與, 要畫下公仔寫下字咁。問題嚟喇, 睡前講完故仔, 唔通起番身寫閱讀報告? 咁緊係第二日寫啦, 無奈小小朋友第二日乜故事都湮消云散, 唔記得了。其實我每年都有响計劃完結時的問卷中寫建議, 建議閱讀計劃可以規字小朋友看一定數量的中及英文書, 咁就唔會側重其中一種語文(好似我大女咁), 然後, 又建議看一定數量既故事書及非故事書, 又可以減少小小朋友偏食習慣(看書既偏食, again又係好似我大女咁), 最重要係, 不要小朋友寫報告, 因為小小朋友唔識字, 閱讀只為培養興趣, 不為識字, 所以不需要俾佢哋做功課既壓力。要寫閱讀報告, 應該係小一以後的事。

不過, 校方意見接受, 做法照舊。

moondream3003

原帖由 little_yolky 於 15-02-09 發表
我家孩子幼稚園係有「閱讀計劃」的, N1開始有, 唔同年級有不同數量閱讀目標。原意係好, 但最攞命係小小朋友 ...

所以我K2 的弟弟我無佢參加閱讀計劃， 唔參加要寫原因， 我的原因寫屋企已經太多書， 又有大量借圖書館d 書， 唔使借學校d 書啦。

MASAYA

學校閱讀計劃其實幾多餘，我想小朋友睇課外書，學校就限小朋友一個學期睇幾多，有d仲要寫報告，最後畀個閱讀獎咪又係計分一種，課外書變課內書，除非天生就鍾意讀書做功課，否則點會提起興趣？

little_yolky

moondream3003 發表於 15-2-9 11:59
所以我K2 的弟弟我無佢參加閱讀計劃， 唔參加要寫原因， 我的原因寫屋企已經太多書， 又有大量借圖書館d 書 ...

學校咁麻煩, 唔參加都要寫原因? 我哋如果唔參加, 就唔填本書仔報告就得了, 係學期尾無奬狀咁。

Lam3Tai

我又有參加，學校書0係做功課時睇加做報告(寫寫畫畫)，睡前故事照講。當然，無疑係再睇多D。

MrBeast

Kg 閱讀計劃我覺得其實是訓練父母伴讀的技巧和習慣，若已有好閱讀習慣，好自然會覺得多余，但當年乜都唔識的我又覺得幾有用。