請問有無小朋友有頭圍少過3%及發展遲緩？

cyu1224

如題

cyu1224

9個月bb，頭圍低於3%，頸未夠力，坐唔倒，成身軟99！已開始物理治療，考慮緊針灸。好擔憂。

jjoannetsang

阿女出世到現在頭圍都低過個 CHAT, 視力有中度弱視, 佢一歲半先識行, 好多野都遲過正常BB發展, 佢現在3.5歲, 雖然大少肌都慢左少少發展, 但知道佢有進步, 每個小朋友發展有快慢, 最緊要搵適合治療.
不用太擔心, 快點有小朋友去做治療, 快點追返, 我有做針灸, 個人覺得試下無防.

cyu1224

回覆 jjoannetsang 的帖子

甘你女女都幾叻阿，歲半已經識行。距幾歲開始針灸阿？現在也有繼續針嗎？

jjoannetsang

吓, 都慢左識行啦, 佢針左一年有多, 現在停左差不多一年啦, 因為搬左屋, 唔就腳.

個人覺得針灸唔會有咩副作用, 頂多針錯流血, 所以我們都比阿女去針.

都唔肯定係咩令阿女有進步, 我每次帶女做治療完, 都會返屋企同佢做多D.

仲有同阿女報下協康之類既訓練, 會有幫助的

cyu1224

回覆 jjoannetsang 的帖子


有阿，已經排緊政府早期訓練，因為要等太耐，所以申請佐協康。甘請問你女女宜家頭圍幾大阿？有照過MRI嗎？我一直都沒比bb去照腦，因為覺得改變吾倒d乜，因為西醫可以做的都係訓練。吾好意思，我係甘問問題，因為有同類型的情況實在吾多！

jjoannetsang

有照 MRI, 一歲唔夠照過, 跟住三歲左右照過, 因為要照埋眼神經, 但醫生話正常, 只是頭骨細左, 不過我同老公都是屬於頭細之人....咁照左知道腦神經無事都安心D.
我唔記得幾多啦, 但一定有距離先達最底線, 不過阿女由出世到現在都KEEP 住跟住CHART 下面咁長大, 同埋除左眼仔有問題, 其他都OK 架.
睇你點睇 MRI 啦, 因為之前佢細, 唔知仲有咩事, 就去照啦, 但麻醉藥都會令小朋友差架.
訓練一定有幫助的, 仲有坊間既臚底骨治療 (我係由政府醫院既訓練姑娘叫我去試, 不過我無試, 因為未聽過, 類似推拿既手法), 你可找下有關資料.

DollyCC

我地都係遲緩歲半先行，但腳尖行，頭圍私家醫生話細左少少，政府無話細。照過mri,腦發展正常，但腦電波不正常，有羊癎症，有做針灸。做左人活躍左，之前淨食瞓，完全唔想玩。而家都係遲緩，但有進步

cyu1224

回覆 jjoannetsang 的帖子

今日第一次去做針灸，感覺bb郁動明顯多左，可以連續兩下轉身，仲轉密左好多！好似好興奮甘。平時轉一下都要抖一排。而且玩peekaboo仲叻左，笑到卡卡聲！但針得一次就甘明顯，真係唔知係未我心理作用，但距真係興奮左好多，針的時候仲好好訓！！

catest

你bb可能太細,就算做了MRI都未必知道有無問題的,我女一歲做,做完無結構問題,醫生就話bb太細個腦未發展好,不是看到太多野,可能兩歲做好些吧.
如果你bb到一歲都未match到生長里程碑,最好排埋S位先,因為要排好耐呢.
醫生有無轉介你去遺傳科驗?如果是發展遲緩,頭圍小(到兩歲仍很小就是小頭症),有機會是染色體問題.不過你bb還小,,也不用太擔心住,但服務同訓練(政府同私人)就最好排定先,到發現需要才排,可能就錯過了黃金時間了.

natnat1410

我女（20個月）就快照MRI, 又要麻醉。唉！請問照嘅過程係點？好擔心。

moonlet

聽說是種豆系手  再吃訓覺藥  如果都不肯訓  就在豆個度落藥   如果肯訓  種豆就多余了  唉

moonlet

原帖由 catest 於 15-04-14 發表
你bb可能太細,就算做了MRI都未必知道有無問題的,我女一歲做,做完無結構問題,醫生就話bb太細個腦未發展好,不 ...

那是否等大些才照mri ? 如過寶寶有進步

DollyCC

我地照左2次mri,一次頭，一次背，2次都係淨食藥等佢瞓，我會做個日早d起身玩，唔好比佢瞓，玩到攰，食藥好快瞓著。唔使麻醉架。最多要打支顯影劑。

KarLongB

我仔都是頭圍細, 喺歲半時照過MRI, 結構無問題, 個人發展與其它小朋友差不多, 喺呢家返K1, 老師話佢專注力唔長

Ccysn

cyu1224 發表於 15-2-3 21:33
9個月bb，頭圍低於3%，頸未夠力，坐唔倒，成身軟99！已開始物理治療，考慮緊針灸。好擔憂。 ...

我仔仔7個月 情況都係一樣 佢吞嚥都有問題 要用胃喉 都好擔心