聖家vs 九真

cat2010

belle2009 發表於 15-2-4 13:45
如果成績不好，小二可以插班什麼学校？差的学校家長也可接受嗎？

先同意呢位家長講，試諗吓，學校每班人數有限額，留俾插班嘅位係邊度嚟？一般嚟講，係有人留班，或者有人走，先會有位多出。如果呢個數目多，咁代表咩呢？如果數目小，又有幾大把握考得入呢？（插班係好直接睇原校成績，再加考2-3個鐘嘅插班試）

平心而論，個個細路、家庭情況唔同，要諗清楚自己能力同需要。如果只講呢兩間，大家唔好因為校舍大細就輕下決定，講真，所有千禧新校舍都係咁大咁新，睇多啲其他學校就會覺得其實呢樣唔係咩特別過人之處。

利申，小囡兩間都讀過（年份唔方便講，因為依家讀緊聖家，唔想俾人標籤到）。如果家長真心想入呢度，可以先考慮介唔介意：

• 每個學期（唔好以為好長時間，扣扣埋其實得大約8個星期）畫最少30幅視藝日記（據聞呢個係教育局指引，但學校其實係可以自行決定數量）
• 越高年級越多視藝美勞工作（開放日見到嗰啲），5-6年班時視藝係會計入考試平均分，而呢個時候係應該去併呈分試
• 家長隨時要投入大量時間，幫手做功課以外嘅任何工作，包括視藝、專題報告
• 專題報告，3年班係惡夢嘅開始，話就話親子一齊做，但時間上唔會容許，因為內容、要求實在太深，學校亦未教相關嘅分析同電腦技巧，所以大部分都係家長做
• 據6年班家長講，學校係唔會話你知囡囡成績喺邊個level，無分無排名係正常，但呢度連你係上、中、下都唔講，亦唔會話你知囡囡可唔可以試考出面更好嘅中學
• 學校唔會train到creativity，甚至因為工作量大，加上教法傳統（老師俾model answer要學生跟、有改正就鬧），囡囡係好怕做錯功課，變相唔敢自己去嘗試解難
• 你有你不滿投訴，學校只會官腔回應，但做法依舊
• 仲有好多之前喺另一個post "作為聖家(KT)家長之分享，想選此校可作參考！" 度講過，在此唔再重覆
  

至於真小，因為已經離開咗一段時間，唔方便評論。只可以話，雖然小囡依家喺聖家成績算唔錯，但我哋見到佢其實係退步咗；而就算身邊朋友問起，我哋都唔會推薦呢度

Jane1983

聖家、天神讀得辛苦，真是幾出名，其實個教會的學校都無話輕鬆。

覺得適合，讀得開心的，咁佢d學生真係又乖又純。讀得辛苦，覺得workload太重，亦係真心感受，吾係抹黑學校。其實兩面講既野，無衝突的

johnwooo

Jane1983 發表於 15-2-5 11:30
聖家、天神讀得辛苦，真是幾出名，其實個教會的學校都無話輕鬆。

覺得適合，讀得開心的，咁佢d學生真係又 ...

咁你覺得辛苦得黎係咪值得呢...

Jane1983

回覆 johnwooo 的帖子

我吾係用家，但識好幾個，讀得上讀得開心，咪值得，吾開心讀到嘔，咪吾值。天大地大，吾係得一間學校一條路的。

teambuilder

做人總人唔開心既時候，學校也不一定是完美。用家只係把事實和個人感受講出來同大家分享啫。人人的要求一定唔同吧？仲要睇埋自己子女係咩材料，唔好以為轉校可以解決問題，未讀過好多野都靠估架咋。如果你手頭上得三寶，仲諗呀？

sissysze

原帖由 Jane1983 於 15-02-05 發表
聖家、天神讀得辛苦，真是幾出名，其實個教會的學校都無話輕鬆。

覺得適合，讀得開心的，咁佢d學生真係又 ...

但我識人天神讀得好happy, 重話功課小

sissysze

原帖由 Jane1983 於 15-02-05 發表
聖家、天神讀得辛苦，真是幾出名，其實個教會的學校都無話輕鬆。

覺得適合，讀得開心的，咁佢d學生真係又 ...

天神同聖家無得比，一間一條龍b1a, 谷死都抵，一間谷死只上b1c，重要唔包上要爭崩頭, 值唔值比學校甘谷先.....

sissysze

原帖由 Jane1983 於 15-02-05 發表
聖家、天神讀得辛苦，真是幾出名，其實個教會的學校都無話輕鬆。

覺得適合，讀得開心的，咁佢d學生真係又 ...

係呀，可能重係初小 or 人地嗰女叻，日日半個鐘攪掂

sissysze

原帖由 belle2009 於 15-02-05 發表
教育局regularly会去官津，直資及私立学校檢查学校，如果家長覺得功課太合理，也可以向教育局反應邵修女的 ...

但係甘樣“數” 校長，小朋友始終重要係度讀，有幾多個家長敢甘樣做

sissysze

原帖由 belle2009 於 15-02-05 發表
我有位朋友個女讀天神，小一已留班，朋友鬧天神鬧到飛起，但仍選擇留班不轉校。
舊同事家姐已在天神教學多 ...

一邊鬧，一邊繼續讀，9成唔捨得條龍

Bigtaoc123

原帖由 karismanmama 於 15-01-31 發表
請問大家會讀邊間，想知邊間學術比較好d, 加學費不是問題。

聖家。

熊牛不兩立

原帖由 sissysze 於 15-02-05 發表
但我識人天神讀得好happy, 重話功課小

明顯係小朋友資質問題。我識人大女係協恩讀書日日功課好快攪掂，溫書唔洗辛苦成日考入前三名，日日有時間玩仲話輕鬆到不得了。細妹就慘，功課成日做好耐無時間做其他野。溫書死讀爛讀都只係下游份子。