上補習社做功課是否這樣！

tutik

究竟補習社可以點樣運用減輕在職父母時間上壓力？呀仔剛考完試功課比較少，補習社好似慣性留到佢成7點幾，其實做完功課，佢花好多時間係等老師檢查，老師又會找些工作紙叫佢做咁。不過額外功課並沒系統，什至有點浪費時間，正式功課寫漏、錯字又check 唔到，我又可以點？
呀仔時間係咁
4：00放學食個包就入補習社
6：30～7：15回爺爺家等
8：00～8：45食飯
9：30回到自己家
洗澡及完成未做完功課(如有)
10：00睡覺
比我做ftm時，可以9：30上床差好去遠。惗起都想喊
我普遍8：30先放工
爸爸8：00可到爺爺家一同食飯接仔

scyauchris

你小朋友幾多年級？可唔可以唔去補習社和叫爺爺到你們家幫手睇住你囝囝。

洋蔥頭媽咪

原帖由 tutik 於 15-01-28 發表
究竟補習社可以點樣運用減輕在職父母時間上壓力？呀仔剛考完試功課比較少，補習社好似慣性留到佢成7點幾， ...

你上緊呢d只係功課班，所以都唔可以有太大期望，小朋友小幾，既然有人湊可以考慮陪養佢自己做功課，如果真係想有人跟下可以考慮請個私補上門睇功課加溫習。

tutik

小朋友小二，就係冇人奏，所以先放近爺爺家。可能要面對現實請工人啦。

Yanamami

唔可以由爺爺接放学番佢屋企做功課嗎？

洋蔥頭媽咪

如果在職小朋友又冇人湊就真係冇辦法，一係老人家肯湊，一係請工人，或者爺爺可否接佢放學再返爺爺家，功課自己做？我仔初小時都係我99湊，功課佢會自己做，唔識我返黎先教佢。如果冇長老幫手，請工人會最好。

tutik

自己教的確係最好，但生活迫人，冇辦法啦。仔係自己既我又唔想老人家太辛苦。爺爺家做功課都可以試下，當初惗住唔識有人教，冇惗過啲字一樣又錯又核凸。今日手册寫錯，老師斷估叫阿仔做曬佢，又係7點幾。最慘都係錯，因睇到其他同學家長WhatsApp，返來自己屋企又再做。。。唉

Yanamami

tutik 發表於 15-1-29 00:54
自己教的確係最好，但生活迫人，冇辦法啦。仔係自己既我又唔想老人家太辛苦。爺爺家做功課都可以試下，當初 ...

禁細个朝7晚10好可憐，如果可以去爺爺屋企“攤透”下都好d,始終在"家"既感覚同係外边係好唔同。悭番d補习費俾番多d家用爺爺可能会易話為d?

scyauchris

回覆 tutik 的帖子

如果你唔介意佢功課分數可以比佢獨立處理，比部ipad or smart phone 佢，等佢上綱找資料或查字典。另外默書佢可以自己錄音同自己默，叫佢自己對同做改正，當然你回家最好望一望佢的默書。
真係有功課不明白可以whatsapp問你，爺爺平日可否去你屋企呢？坐車來來回回都用左好多時間！

conniecheung

轉補習社

Soundervolt

樓主應搞清楚究竟去補習社嘅目的係乜嘢，如果只係純粹為咗搵人睇住佢做功課，咁未必要去補習社。個人覺得去補習社或會養成依賴，而補習社亦多數提供流水作業嘅服務，未必可以針對問題。我地兩公婆都在職，屋企有外傭照顧囝仔，但功課要求囝仔自己處理，初小時我放工後幫佢check功課。嘗試制定功課時間表及獎勵計劃，喺囝仔能力範圍內可完成從而得到獎賞及讚許，令做功課變得更有動力。當有好成績時，囝仔會變得更有自信，對往後嘅學業發展會事半功倍，真心建議樓主試下適量地放手。

Jessy

呢d補習社真係浪費錢浪費時間, 一係搵過間好d, 一係返爺爺家自己做好過.

Soundervolt

搵長輩湊小朋友要非常小心，因為唔係所有長輩跟家長教小朋友既理念都一樣，要好小心處理。

little_yolky

tutik 發表於 15-1-28 13:35
究竟補習社可以點樣運用減輕在職父母時間上壓力？呀仔剛考完試功課比較少，補習社好似慣性留到佢成7點幾， ...

1. 搵補習社同搵工人一樣, 撞手神。
2. 唔理補習社好唔好, 堅覺得阿仔日日到10:00既schedule人都顛。放學後真係只有7:15-8:00可以自己hea一hea。

同阿仔商量下, 叫佢努力啲, 如果可以, 放學直接去爺爺度做功課同溫書, 慳番啲交通時間hea下都好。不過要阿仔合作同爺爺同意先得。

tutik

多謝大家意見，我會最量調較自己要求。多提點呀仔做好本份，我會盡早回家。
呀仔其實都愛到爺爺家，之前有用工人，但O交流，呀仔都係自己獨處多。後來工人突然走佬，我也想休息充電就留在家照顧他，不過都好sweet架，同仔仔既美好時光難以形容，且佢各方面也進步不少，我要求中上得架喇。處理工人又是另一煩惱。

scyauchris

工人肯定煩過湊女！