已到STEP確診及UPDATE小朋友發展情況

skytammy

我仔2013年7月 到而家差唔多27個月都淨係識叫mama Nono 鴨鴨（但講唔正）papa（冇意識講）指住A字讀A
叫佢名叫幾次先應 玩緊會唔應
以前都有玩車轆 而家少咗
開關門有玩
有用腳尖行 有時會尖叫 脾氣好大
而家返N老師發現佢有踩界 我唔知佢算唔算自閉？

DENNIS201

原帖由 skytammy 於 15-10-06 發表
我仔2013年7月 到而家差唔多27個月都淨係識叫mama Nono 鴨鴨（但講唔正）papa（冇意識講）指住A字讀A
叫佢 ...

特徴似了，但要確認就要去評估，盡快搵服務

DENNIS201

仔仔最新近況：
接近兩歲四個月,番幼稚園 I 位同天水圍一星期兩堂既密集訓練,分離時已經無喊,間中仲會同媽媽講 byebye
只要上一晚訓足,當日會表現較好,情緒會較佳,會肯合作做各方面活動
幼稚園老師同密集姑娘,言語治療師都話小朋友各方面進步唔錯,講野多左,但大小肌仍弱
言語有持續進步但對答好弱,會根據當時情況講,例如「爸爸車車渣」「著red鞋鞋」「食飯飯」「咩書包」「ready go」呢d自發短句
喜歡唱歌,會唱「一個兩個三個小朋友...十個小朋友」.而爸爸唱oh mcdonald have a farm小朋友會接到後面果堆,但成日要求唱ABC song
同其他小朋友交流生硬,會主動走埋去講 hello再主動握手,但之後就唔識點樣繼續
已經成日手指指講呢個果個,問佢月亮係邊佢都會指個天話月亮,認知進步不錯,連自己個影都識篤個地下話影子
但有d奇怪野,仔仔有次指住支益力多話Yakult,父母從來都無買益力多同教呢個生字,都唔知邊度學番黎
仔仔脾氣好難掌握,常扭計又固執左,買架新士的車唸住輕d易控制d,但死都唔肯坐,一定要坐舊果架大手推車
唔食某件食物就點都唔會食,又唔肯分享,有幾十粒糖係手,父母叫佢比粒你都難過登天

clotho

回覆 DENNIS201 的帖子

你既情況同我好似，病徵，地區等都幾乎一樣。

我問過屯門幾間，但感覺都係俾一D比較嚴重的個案。
我試過屯門一間小店，但效果都是不好，結果都係辛苦D日日去油麻地STEP做訓練。

skytammy

我仔喺協康做咗評估為中度自閉
我而家諗住放棄讀N班 出去上5日密集
另而家上緊私人言語治療 阿仔終於肯跟我地講下野

DENNIS201

clotho 發表於 15-11-9 09:14
回覆 DENNIS201 的帖子

你既情況同我好似，病徵，地區等都幾乎一樣。

屯門有小店 for 我地咩? where? 柏麗?

Lingyau1221

妳仔番邊度密集？

DENNIS201

回覆 Lingyau1221 的帖子

天水圍楊震

DENNIS201

仔仔最新近況：
I位幼稚園同密集已完全適應,導師話小朋友因為熟左環境成日搞搞震
密集手冊評語一般都係中至中上,好多遊戲步驟都跟到,例如學玩BBQ都識講燒雞翼咁
好神奇,仔仔已經無左玩車輪呢樣野,對父母同人好熱情
但講野仍然相當生硬,坐車時見到外面 V city成日講bye bye V city, hello V city
見到爸爸睇英超,見到電視隻獅子就講：NOW TV,獅子嘩嘩
肚餓時會拍拍肚仔講：餓餓,又會講：枱枱食飯飯
又背左好多場合句式,例如沖完涼會講：舒服晒,叫父母起身講：全部起身,見到出面靚既野就講好靚XX
至於問答,只識以下呢類回答,未識答開放式問題
要唔要?要or唔要
食蘿蔔(佢不喜歡)?唔要
食薯條(喜歡)?要
去玩具反斗城?要
知唔知道?知道
玩唔玩?玩玩
爸爸呢?(指住爸爸)爸爸
爺爺呢(不在)?無
認知方面,Hello kitty,mickey mouse,壽司,刷牙,多士爐,麥當勞呢d普通野都識講
認人都OK,見到叔叔著住件可樂衫,會講可樂叔叔
近日最大驚喜：有次佢拎住部iPhone走黎講「交換」,想換我手上部iPad,唔知道係邊度學番黎
但成日自轉圈,拍頭,傻笑,出街唔肯行
戒口方面,除左唔直接食蛋同奶,麩質已經失守,麵包,pizza都有食過,但情緒又無覺得有變化

girlsc

同我個仔的發展都好似。對開放式問題唔知點答，熟悉的問題ok.呢排的脾氣好差，鐘意大聲講嘢唔鐘意就典地。繼續介口同食supplement中。

angieying1024

其實出街唔成日肯拖住行可以點教? 如果放佢行佢有時會自己走, 有時會唔肯要求抱住.

choichoibb2011

請問有冇小朋友係政府及私家都做過評估發現誤診?

DENNIS201

回覆 angieying1024 的帖子

唔肯拖真係要出街練多d,大人叫拖住,我仔都會主動伸隻手來
我仔反而係行d無聊位(屋苑行人路)成日叫抱,去到商場就會想自己周圍走

DENNIS201

回覆 girlsc 的帖子

開放式問題真係唔知點教,仲有好多BB話
但其實好多字詞都識,係死唔講人話

girlsc

最近放假多咗同小朋友玩，發覺歲半小朋友都醒過佢，真係覺得有d沮喪，可能年紀越大差距會越明顯。佢係有進步但係始終都會慢過同齡的小朋友，自己要盡早接受這個事實。

DENNIS201

仔仔最新近況：
兩歲半，確診至今已足足一年，仔仔各方面係有進步，例如認知同記性算係比較OK，只要佢有興趣，教佢既野好快記到同做到
但好多A仔特徵近期開始慢慢浮現出黎，例如出街見到間7-11會指住同叫「seven」，拉住父母要入，入去後就走去雪櫃門重複又重複開關。屋企又係咁，比較喜歡玩重複無聊玩法，砌圖唔係正常砌，係用黎倒轉玩形狀，同埋一路講開門...關門...
每次幼稚園放學或密集落堂，遠遠見到爸爸架車就會「異常興奮」一路叫一路衝去爸爸度，過份熱情
言語方面，有少量三元素句子，但通常會同一場合講同一番說話
例如上爸爸車，永遠會指住個電視講：「爸爸聽歌歌」示意想開兒歌VCD，永遠無第二句
路上途經見到好多Diamond符號，就講「好多Diamond」永遠無第二句
有少少識表達自己，成日拖住爸爸手，指住地下叫「爸爸坐呢度」指住曲奇餅講「食呢個」
但發音仍然差，開門會講左「開伴」
問佢A for 咩，答到 A for Apple接近去到Z for Zebra
問佢呢個係咩，答「太陽伯伯」問佢英文呢?答到 Sun
暫時擔心係大便從未表達過，要靠父母發現，小便有時會講「ALL尿尿」，捉佢去小便都成功去到
最麻煩係出街食飯，永遠坐唔定，最多安定10分鐘同你食幾啖肉就想離座走
幼稚園觀察都係周圍走，坐一陣玩兩下呢件玩具就轉移目標，專注力有問題
過年後會有新感統堂上，希望會有更大幫助

sunnyraychan

回覆 DENNIS201 的帖子

我仔仔而家3歲4個月，係step確診吾夠3個月，在這不足3個月内有毎星期一次社交小组及1次語言治療，現在最大的轉變就係k1有開始同老師溝通了，這星期考試都取得很高分數，認知基本沒太大問題，需求性對話溝通基本冇障礙，鸚鵡式說話少了改善了，希望這樣嘅改善情況可以持續，在這裏嘅家長共同努力，相信我哋小朋友，佢哋係得㗎，

DENNIS201

回覆 sunnyraychan 的帖子

請問你小朋友一年前情況如何?
多鸚鵡式說話?
會傻笑呢d古怪行為?

sunnyraychan

回覆 DENNIS201 的帖子

講真，我一直沒有發现我小朋友有太大問題，小朋友細個時都有眼神交流，嗌佢有時很快㑹有反應，有時要佢專注咗某樣嘢時，eg.讀緊數字或英文就要嗌幾聲先應，我放工返屋企會叫我，主動攬我，冇玩車轆，冇玩門，冇排列行為，唯獨最愛英文字及數數字，可由1數到1000，用英文講，亦可由尾數返前，英文生字識很多，亦會phonics 拼音，係冇教佢，固執行為就係鈡意㩒𨋢，吾比佢㩒會喊，其後經過教導下，已經冇再㩒𨋢啦，有很多固執嘢經過教導都很快改到，但鈡情數字呢樣嘢直至現在都係，因為之前1歲半至2歲左右冇入托兒所，去咗英文playgroup玩，同埋屋企工人係賓賓，所以佢1歲幾時，最先講生字係英文及明白英文指令，中文就很小講，直至臨3歲入幼稚園前去咗半年托兒所，托兒所姨姨嗰時都有同我哋講我小朋友好似吾鈡意聽佢哋講嘢，但一教英文字母佢就好開心，之後幼稚園老師反映佢吾講嘢，就即刻去咗評估，結果為輕微级別自閉譜系障礙，我們倆公婆就開始安排佢traning啦。

money82

可能你仔根本不是自閉，是資優吧。吾講中文，語言環境影響好大。資優可能在數學或英文到。試下上英粵幼兒園