已到STEP確診及UPDATE小朋友發展情況

DENNIS201

回覆 makkielau 的帖子

資料較少同年齡細同埋我又唔係專家
唔可以話係定唔係...
玩眼、自轉、腳尖行、尖叫呢d叫自我刺激
感覺統合有幫助，就算正常小朋友都有呢d需要的
多去公園玩千秋，玩滑梯同行石春路

makkielau

DENNIS201 發表於 16-6-3 12:12
回覆 makkielau 的帖子

資料較少同年齡細同埋我又唔係專家

明白, 我會盡量帶佢多D去玩

我想問O下, eye contact係咪好緊要??
因為我只有一個小朋友, 我唔太知阿仔的eye contact有冇俾其他小朋友唔同
不過佢通常都會肯望住我地, 而且o係度玩時, 佢會留意我地去o左邊, 同埋久唔久會行埋來挨住我地
佢玩具時, 都會玩到個玩具o既玩法, 如果成功佢一定會望過來睇我地反應

不過佢上playgroup暫時一般, warm up時還好, 一開始上就會扭計, 但佢又唔係自己行o左去玩, 而係要我地抱住...但去到就落堂,佢又會同番姐姐有d互動...

有d咩我係一定要注意o下呢?

唔該

DENNIS201

回覆 makkielau 的帖子

eye contact 其實好難用黎界定有無問題
有 d A仔好好 eye contact
例如我仔,完成乜乜活動都會望下你等你比反應
宜家三歲仲要講埋「完成,做完la」咁望住你等你稱讚
但次次都係同一個場景做同一件事講同一句說話
所以就算有eye contact 都唔代表唔係A仔
只可以講無eye contact 就多數有問題

DENNIS201

仔仔最新近況：
剛剛踏入三歲，坐車同出街食飯都要開始收費lu
近期言語進步左少少，部份句子長左
父母開始訓練佢「頭先」「一陣」「聽日」呢d問題概念
父母問「頭先去左邊?」識答「去左大公園」「去左叔叔屋企」
過左一小時後問「頭先食左咩?」識答「食左肉肉，麵麵」之類
食完蛋糕問佢「今日邊個生日?」識答「媽咪生日」
第一句發問句出現！仔仔唔見左件野會講「XX去左邊?」雖然唔係向住人講但已經係一大進步
似乎無左「鸚鵡學說」呢個情況，聽唔明既問題基本上唔會出聲回應
BB話仍多，最搞笑係媽媽會問「唔可以講咩呀?」仔識答「唔講BB話」但之後又繼續講
極鐘意數字同字母，例子如下
講電梯樓層同背野，「10樓9樓8樓7樓....3樓...到啦」「L3停車場」「2樓MTR」「G樓一田」
對時鐘好有興趣，成日講「3點鐘下午茶」「9點鐘遲到啦」，但未識正確講出幾點
見爸爸睇波時識讀電視入面既比分「0比0，0比2」咁
見到換人果時又識講「9號出場」「11號出黎」...真係比佢吹脹
脾氣越大越差，出街亦好難控制，成日自己跑左去
叫佢跳，只識un un下，仍未識跳，動作好笨，行平路拖住佢，行行下都可以仆低，跑既姿勢亦都錯晒

girlsc

我個仔同你個仔的發展好似，呢排開始有小小問句，不過有時係明知故問。最近識跳了，好多地方都想跳，完全唔考慮安唔安全。脾氣越來越大，鐘意喊，小小嘢就會喊，有時好明顯係搏同情和關注。出街如果不順佢意試過瞓街，真係搞到我好嬲。超鐘意數字，呢排的新玩具係冷氣遙控器。其實一直都有進步嘅，但係我不知呢d進步係因為做咗好多訓練呢還是自己慢慢長大呢。

DENNIS201

回覆 girlsc 的帖子

睇情況都覺得你仔同我仔好似好似
呢排背得出父母八個位電話號碼
希望再進步快d

wingchoi0207

想問下依家仲有冇戒口ar? 仲有冇d自我刺激行為例如尖叫個d?

money82

沒有嚴格戒口了，只是不直接食蛋，奶。平時蛋糕，麵包有蛋有奶成份一樣照食。尖叫有。自我刺激行為如轉圈，搖頭沒有了。但一激動就做好多傻動作。

wingchoi0207

咁佢便便會唔會有黃黃臭臭既欄屎？
其實我仔係自閉症譜系ar! 3歳9個月，有時尖叫但係學校唔會，有時撞sofa同搖頭，做左訓練同職業治療半年依然有自我刺激行為；
見到妳地既post, 想試下同佢戒口，心大心細諗緊去唔去睇第一城既馮醫生，但我對佢話要食抗生素就有保留，因為好傷身ga ma! 但會安排去biotek 做食物敏感測試lor!

wingchoi0207

我仔多數屙正常屎，有時係欄既，唔sure 係咪腸漏，所以都想知；佢訓覺都有一日11小時，不過夜睌可以同我11-12點先訓，搞到要午睡兩個鐘，一出街唔訓就hyper 又燥，都好煩，有時出街食飯又不知何故好hyper, 尢其見到其他小朋友，一叫佢唔好咁就尖叫，唔想佢大個都係咁

wingchoi0207

我只可以就住同男家既家人講佢講野慢，發展慢大半年，家人會問點解，我真係答唔到佢，我都想知原因，每次傾開佢依家情況點有冇進步，都問我點解，我都唔識答😔

money82

戒口要做到100％，微量都唔可以。小朋友開始大了，真係可以戒清？這個要自己考慮。驗血睇下有冇敏感，我支持你去做。做兩千蚊亞洲食物可以了。另去吾去看馮x亮，我就覺太貴。距開一個月藥，維他命，魚油，鈣，抗生素（殺腸菌），益生菌，收我一個4千幾。最煩D藥好難，我仔唔肯食。維他命，魚油，鈣我自己買過另外。你可以自己戒口，食返自己買維他命，試三個月看效果。

money82

尖叫，情緒激動，我自己都控制唔到仔。帶距去游泳游水可以不停尖叫，大聲唱歌。冲花灑又尖叫。我只可以在他尖叫時，指出行為係＂唔岩＂，做手勢＂X＂。隨著年紀大，情緒問題，自我刺激，會變，一樣停左又出另一問題。只能多教識距多D野，希望距有了興趣轉移，忘左自我刺激。

DENNIS201

呢排成日尖叫,一唔順就尖叫,都唔知邊度學番黎

girlsc

我仔5月各排都係梗，成日尖叫和跑來跑去，後來啱啱到時候見醫生，醫生見佢個情況覺得佢太hyper,轉咗d supplyment, 情況又慢慢好d了。不過呢排又好鐘意喊，好小嘢都可以喊一餐。同埋講重復嘢，就算你應咗佢，佢都要再重複幾次。佢得d嘢真係層出不窮，我們大人就來無氣了。

DENNIS201

仔仔最新近況：
言語進步明顯左，仲非常多野講，句子長左同識答簡單問題
例如「去完廁所之後飲水水」「全部人著鞋鞋出街啦」呢類句子
又成日指揮人「爸爸坐後面，媽媽坐呢度」
但「你」同「我」未識分，通常講自己名代表自己
依舊沈迷數字英文，識用英文數晒一至一百，問佢「八十一英文係咩呀?」識答「eighty one」
問佢一d佢未見過既英文詞語例如「bread」點讀，會嘗試自己拼音讀出
好鍾意玩假想性遊戲例如煮飯仔，成日拎玩具食物餵父母食
番學時好乖好守規則但番到屋企就好曳，成日高音大叫同周圍搞
密集堂、幼稚園I位、感統堂、言語治療堂繼續填滿一星期七日

Yukiruirui888

原帖由 DENNIS201 於 16-08-20 發表
仔仔最新近況：
言語進步明顯左，仲非常多野講，句子長左同識答簡單問題
例如「去完廁所之後飲水水」「全部 ...

感謝分享，加油

Glory88

你囝囝進歩叻咗很多，我仔一樣沉迷英文A-Z，數字就一般，認知都進步咗，小手肌都係弱，成日發脾氣就將自己手上嘅嘢掉落地，教訓佢就喊，不過好快收聲，不過講極都係會掉嘢落地，好難教。

girlsc

好開心你又分亨仔仔的進步。經過呢個暑假，我仔係語言和大肌肉方面都進步咗好多，但同時係情緒方面比以前固執同難纏咗，情緒起伏大咗，好多嘢開始講條件先肯做，如果逼佢，就好容易喊和發脾氣，同細個時的順從完全係兩回事了。有小小擔心來緊K1是否能夠順利讀落去。

DENNIS201

回覆 girlsc 的帖子

我仔應該同你仔一樣,想做就去做,唔會理人感受同後果
比人鬧時又識講「做唔岩,以後唔敢啦」但次次都係咁
無論出面定屋企都死扭爛扭,唔比就會發大脾氣
越大越難教