各位家長怎樣準備小朋友去考小學?

mntabo

各位家長,

我小朋友現就讀英普班K1, 男仔(大仔), 活潑好動, 心散, 感覺天真幼稚
在家大大聲, 但老師話係學校若男孩來說就被動點, 可能是第一年讀英普班的關係.
現開始在家讀中文圖書認簡單的字, 英文就未識認.
有個細女都要顧.
來年就是K2了. 我知道若要準備小朋友去考小學,就要開始作準備.

請問各位,
1. 小朋友考小學前你們如何做準備?
2. 我兒返上午班, 現拒絕午睡, 但晚上8:30-9PM 就要訓到明天7:30AM, 所以即使我們放工立即回家, 晚飯完都差不多8PM, 有時小兒又要同我們玩, 讀圖書跟功課都沒太多時間, 有時讀讀下因眼訓又會發脾氣.
來年K2, 應轉下午班令他可晚點睡嗎? 還是每天叫他自己6:30PM先吃飯?

3. 看BK 見考小學要串字, 認字, 計數, 畫畫,看圖說故事等, 學校未開始教串字和計數. 其他三樣都好差, 他的強項是裝置藝術即砌LEGO, 城堡果D, 但呢D 考小學又唔見有用.

請問你們怎教小朋友認字? 看圖說故事?畫畫?

請賜教. 謝謝.

小曳人

9點前上床，你地8點鐘返到屋企先一齊食飯，呢樣嘢本身已經唔健康啦！
我地7點幾返到屋企，都會要d仔食咗晚飯先，因為佢地食得慢，掛住玩，我返到屋企第一件事睇功課，之後就可以一齊玩，就算落遊樂場玩下都好呀！

認字，跟足學校教嘅，另加講故事，唔駛咁"刻意"認字先，到佢有興趣先開始指住隻字講
你可以考慮安排小朋友下午上畫班、泳班，好多嘢可以做，不過... 唔係為小一而做，我覺得你一直諗住考學校就本末倒置

砌lego係講創意，空間感，手眼協調，點解無用？！
生活上每一個小節，小如落遊樂場玩嘅"禮儀"都對人生有用！點會唯獨對考小學無用呢？！

學校唔係揀十項全能嘅學生，但一定鍾意揀愛睇書又有禮貌嘅小朋友！

Soundervolt

睡眠對於幼兒腦部發育極為重要，囝仔由BB到完成幼稚園階段我一定要佢起碼有八小時晚上睡眠，下奏有個半鐘午睡。還有好多家長認為仔囡越早識行越叻，其實都係錯誤，爬行對嬰兒前庭發育都十分重要，爬得越多越耐越好。當年有間幾出名嘅幼稚園收我囝仔讀下午班Nursery,我都係寧願佢讀間普通幼稚園上午班，下午有時間瞓晏覺。

mntabo

回覆 小曳人 的帖子

謝謝你回覆.
我地係7PM前返到家開飯, 小朋友好鐘意同我地一齊食飯的感覺, 所以有时即使叫佢早點開飯,佢覺得佢一個人食無癮.

因為我得一個姐姐照顧兩個小朋友, 沒有其他人幫手, 所以平日好難去上興趣班, 在家附近沒有幾間上興趣班的地方, 而我曾經係上個暑假當時佢3歲半, 俾佢上過會所辨的畫班同游泳, 但佢好抗拒游水, 畫班就一個老師對10個學生一小時, 只係叫佢地畫自己喜歡的食物/玩具等等(每堂一個主題), 無教佢點樣畫, 佢都無心機上, 所以覺得好費.
佢鍾意敲擊樂, 已幫佢報名, 不過要等三月倒先開到班. 但我再問佢學畫畫佢話唔學.

所以不要誤會, 我很欣賞我兒的創造力的, 我意思係點樣在家培養/訓練佢其他方面, 等佢平衡點, 亦為升小準備, 我亦唔想樣樣都要靠什麼補習和興趣班.   

mntabo

回覆 Soundervolt 的帖子

唔知係咪我講得唔清楚令大家誤會

其實我仔PN 時讀下午班, 放學回來四五點會睡至七點才叫醒佢起身. 夜晚11時再睡至第二朝8AM

所以K1今年我安排佢返返上午班, 唸住佢早上7:30AM 起身, 下午會午睡,但結果佢係唔願訓覺, 即使試過睡覺時間要佢留係床度唔準落床, 軟硬兼施, 佢都係唔訓, 甘我唔係唔俾佢訓. 係佢唔願訓迫唔到佢, 我個工人仲要幫手照顧細女, 無可能係床邊監住佢訓. 但就變左晚上佢要晚上9PM前訓. 佢係自己戒午睡, 唔係我迫佢.
佢9PM訓到7:30AM, 其實每天都有10.5小時睡眠. 反而試過星期日午睡一個鐘, 夜晚10點上床但佢係床到11:30PM 才訓得著, 第二朝7:30AM 起床, 甘樣夾埋仲訓得少.  

來年K2, 其實我們可自由選上午定下午班的, 但學校K3 一定係下午
所以我先唸, 既然K3 都係下午,佢而家又唔訓午睡, 倒不如明年轉讀下午班, 佢夜晚可以晏D 訓, 我地多D時間同佢讀書睇功課..., 第二朝任佢訓到幾多點都由佢. 因聖誕假時試過唔叫佢起身, 佢有時可訓到早上八點甚至九點都試過.   

Soundervolt

Lego係極有教育意義嘅玩具，除咗創意思維、手眼協調等優點外，仲可以透過砌出不同物件去認識各式各樣嘅中英文詞滙。又可以將抽象嘅創作變成講故事嘅機會，對於學習嘅機會多到不得了。其實絕大部分嘅小朋友都喜歡玩，所以要好好利用玩耍嘅時間去提升各種學習嘅機會。

Soundervolt

每個家庭嘅生活條件都唔同，我嘅回覆只係想講出瞓覺對幼兒嘅重要性，瞓得越多，會對腦部發育越有幫助，並非話妳刻意唔俾囝仔瞓多尐時間。嘗試下將環境變得黑暗令佢更有睡意，我囝仔都好醒瞓，佢瞓覺時成間房都要潻黑，又要靜過圖書館....真係幾難服侍！

小曳人

我都係同你差唔多，一個工人睇兩個，細b細時，我放工仲要買埋餸先返屋企，唔想工人帶個細嘅出去

無架，又出唔到街，咪買d有教育意義嘅玩具俾個大嘅玩

爸爸愛您

kufubaby

回覆 mntabo 的帖子

分享:小兒pn 及k， am & pm 都試過。佢重誇張，pn已經自戒午睡。
我有跟開的家庭醫生有兒科資格，佢都强調睡眠對嬰幼兒腦部發展好重要，但佢亦話有部分嬰孩較早踏入成人期，睡眠一覺就可以，但最好至少連續12hrs. 我仔係連續訓到12-14hrs。
如果唔午睡又係working parents, 返pm我覺得親子時間多d。晚上閱讀及玩親子遊戲更好!

Soundervolt

提議妳囝仔參加講故事同朗誦班然後參加比賽，唔係一定要攞獎，但透過以上活動可以訓練妳囝仔面對陌生人時說話技巧同膽量，對面試時唔多唔少都有尐幫助。

Blueng0420

我想下有邊度有Lego 班推介？

siden

咁搞，我係你K2一定轉下午班。

唔好講話考小一，親子時間都唔夠。

我是下午班擁躉，雙職家長要多時間親子，下午班是恩物。

siden

如果你仔仔肯午睡，那麼上午班就冇問題。

Bunnygirl

i am also working parents and also think pm class is better.  my girl sleeps from 9pm-10am straight through and so she does not need afternoon nap.  we have more time to play together after work and no need to rush her to bed and she can wake up natually in the am.

o3ngai

Bunnygirl 發表於 15-1-22 11:28
i am also working parents and also think pm class is better.  my girl sleeps from 9pm-10am straight  ...

Same here. And my girl also nap on school bus for about 30 mins when she comes home, she is energetic enough to play with us when we get home.

Soundervolt

最好嘅Lego班當然係喺閣下嘅屋企，而家長亦係最好嘅導師。其實只要花尐心思，身邊有好多事物同玩意都可變成有趣嘅教材。我屋企冇電視遊戲機，囝仔喺二年班時，我買咗套英文版"Monopoly"同佢玩，因為佢要睇得明份英文說明書先至有得玩，所以佢就千方百計去查（英譯英）字典，由唔明查到明，仲要解釋埋俾我地兩公婆知道點玩先至可以一齊玩。Monopoly含有好多教學元素，數學、經濟、語文、地理[size=13.63636302948px]、策略思維及其他各式各樣嘅知識共冶一爐，係好有教學價值嘅玩具。宜家囝仔仲鐘意將幾個board game嘅玩法組合成新遊戲，不過有時要成家人一齊玩都幾攰。