控制近視加深的藥水

scyauchris

回覆 Aerosol_Ma 的帖子

只是中大有的，是試驗中。本來女女可以接受試驗，不過我reject左，因為我擔心用後的副作用。  不過中大只會用藥兩年後便停止，之後咪一樣繼續會加深。

Ving

但CU 那個department 負責眼科藥水的測試？

scyauchris

中大眼科中心 Tel:  3943 5886, 地址是在香港眼科醫院，九龍亞皆老街147K號3字樓。我是找任教授看的，我睇完佢最少佢話我之我女雙眼較敏感，所以解釋左我女為何時常擦眼。

之前睇眼科醫生就完全無提過，只是叫我考慮OK lens。好久前PolyVision 眼科醫生都有提個我女它雙眼有些敏感！Anyway, 最後我決定乜都唔用。

睇過一份research都提過戶外活動係可以減慢加速近視速度，我只希望可以每日盡量抽時間到屋企下面公園玩。如果屋企下面無公園，平台已ok。

我好了解大家心情，因為7.5 yrs old 已500度近視已非一般的近視，也只有我們才感受到。

A-Mum

養和有已經註冊嘅低濃度 atropine, 聽聞中大眼科都申請緊註冊，我估批准後，都會開始非研究性咁開黎用

Ving

那低濃度眼藥水是否可解決大部分問題？

scyauchris

回覆 Ving 的帖子

該不是，不過好似無咁怕光！長時間滴藥水，副作係乜無人知！

babybear

兩個小朋友，一個有近視，另一個冇近視。有近視嗰個由一年級發現有近視後，到二年級又係突然加深得好快。當時得又係好擔心。於是決心開始每逢假日一有時間就帶佢去郊外，運動就學一啲室外嘅運動。無論睇書或者用電子產品都限制時間，每15至20分鐘提醒佢要停一停! 休息一下!電子產品，只可玩ipad/ 電腦每日只可用20分鐘。手機呢？不可以玩! 至於做功課時間，盡量叮囑佢要喺白天完成。盡量避免夜晚做功課。暫時連續幾年，近視都冇特別加深到。試一試!

Ving

其實好難話功課日頭做晒，夜晚吾做。尤其是白天又要户外活動。

artroboy

babybear 發表於 15-2-1 08:43
兩個小朋友，一個有近視，另一個冇近視。有近視嗰個由一年級發現有近視後，到二年級又係突然加深得好快。當 ...

現在幾歲呀? 加深速度快的時候,個身高發育亦同時快嗎?

史丹福

yanyan68 發表於 15-1-31 08:10
今日要去見醫生，心情矛盾中。了解清楚,再决定用唔用。

yanyan68,你見完醫生有甚麼結論呀？

yanyan68

回覆 史丹福 的帖子

       意思,呢幾日太忙, 所以冇上來.  果日約左醫生, 都去到半路, 我美國的表妹打電話來,
佢自己做左激光, 依家好多後遺症 , 依家要靠滴人造淚來放鬆雙眼, 佢話靠藥物來控制度數
亦會有不少副作用, 我自己睇過D網頁, 亦係有講到唔少副作用, 例如怕光, 戶外要戴太陽眼鏡,
唔係個個都適合戴, 都係要試左先知, 都有機會引發視力模糊,,,青光眼等.......所以我驚左,唔想去博,  
眼睛真係唔同手手腳腳, 或者係我無膽吧.  
       星期日同個眼鏡鋪老板傾,  佢叫我唔好攞個仔對眼去做試驗, 佢話佢個小朋友細個都係深近視,
到大大下度數就穩定左, 叫我唔使甘擔心.
       各有各講法, 亦因人而異, 其實就算我依家放棄左滴藥水治療, 但還是會擔心,  或者再觀察下有咩
情況, 遲D再做打算.

yanyan68

回覆 babybear 的帖子

我都試下用你既方法,  睇下對眼度數加深情況如何. 希望唔好甘快過千度.
其實有好多家長都有呢個煩惱, 真係令人幾頭痛下.

yanyan68

回覆 scyauchris 的帖子

       敏感會擦多左眼, 會有散光, 阿仔今次去Check眼 ,  之前冇散光, 但半年內竟然增加100度,近視又深左100, 仲係左眼,
右眼就冇增加,  通常右眼增加既機會率會大少少.   
       近視可能會比正常視力的人更傷神, 阿仔每日放學返來都會好累好累, 但又冇可能俾佢完全唔溫書,有時都會強逼佢溫書, 彈琴, 之前仲學兩科公文式,  做晒呢d野之後, 其實真係超累, 擦眼的機會更多, 散光亦會加深.
       有時自己都係度諗如果當初唔好逼佢死做, 對眼會唔會冇甘深呢???

scyauchris

回覆 yanyan68 的帖子

那麼左右眼的距離咪好遠，太遠會好辛苦！E生有沒有開眼藥水比佢，滴一段時間會有改善。另外我有買思詩樂濕紙巾她，書包一定有幾包。眼痕時用，會好些！我女喜歡的遊戲全是用眼力，砌圖，lego和看書。你盡量同佢多d出去，等佢少左時間看書。
我女不喜歡球類，不過暑假會再迫吓佢。其實可唔可以飛走不必要的練習，math 懂左一星期揾一天做兩條數便ok.  Kumon 太多功課，我女唔去的。我女只是上年join左eye level eng, 一星期最多用30 mins 便完成workbook, 不過我在努力叫她cut左去。

其實明白了，便不用做太多練習。學校功課多嗎？

scyauchris

佢地是易近視，你比唔比功課佢，佢都會有近視，不過你盡量針對性做囉！我識一些小朋友是怎樣都無近視。

yanyan68

時間過得好快, 甘快就一個月有上來傾啦, 好對唔住, 因為近排比較忙,.
因為我之前冇聽醫生話(建議我去用藥Atropine),所以上個月再去醫院覆診時,
醫生同我分析,話如果呢幾年唔控制個度數,到12歲時真係會有上千度, 佢仍堅持我地去試,感覺得到佢係真心的, 決定權在父母手上, 呢個決定真係好難, 因為真係怕未來的副作用.

呢段時間阿仔經常擦眼, 應該係敏感, 甘樣擦, 散光一定會加深.  

scyauchris

回覆 yanyan68 的帖子

我上次E生開左眼藥水佢滴，滴左個月好左好多不會太癢，不用長期滴藥水的。
我朋友女女用緊藥水，今年P3五百度。我女五月左右再驗眼，我都好驚！

little_yolky

yanyan68 發表於 15-3-13 11:38
時間過得好快, 甘快就一個月有上來傾啦, 好對唔住, 因為近排比較忙,.
因為我之前冇聽醫生話(建議我去用藥A ...

我囡囡又係鐘意卒眼, 之前去理大驗眼時, 視光師話係敏感, 見到眼皮下啲肉係唔平滑, 佢開咗「敏必滴」俾囡囡, 話無副作用, 滴完睇情況, 繼續卒就繼續滴, 唔卒就唔駛滴, 滴咗係少卒咗好多, 滴完一樽就無再買, 近來又卒返。

yanyan68

回覆 little_yolky 的帖子

其實痕真係好難控制唔卒，今日買左本書《視力回个復眼球操》，話即使近視1000度，都能恢復視力。仲未睇，睇完再分享。

史丹福

不經不覺滴Atropine藥水已四個月，
剛剛見過醫生，
算是控制得不錯，
近視沒有加深，
四個月後再驗。