用戶登入
用戶名稱:
密      碼:
搜索
教育王國 討論區 過動寶寶 多次被學校無理投訴
發新帖
查看: 1083|回覆: 5
go

多次被學校無理投訴

Rank: 5Rank: 5


1293
發表於 15-1-13 01:03 |顯示全部帖子

小兒四年級,有過度活躍專注力不足症+亞氏保加(社交障礙),多次被老師無理投訴,甚至扭曲事實,投訴無門,副校同我講不應執著老師某些許字眼(老師話小兒踎係電腦枱,小兒話冇,然後佢同我先生解釋「假如隻手放咗入去都好危險」,我不能接受假設小兒有做,因老師並無目擊,只係引導小兒講有冇咁可能),佢甚至乎話我係鑽牛角尖。



今日小兒帶咗相中魚肉腸返學,第一個小息時有2個同學借去睇然後做不雅動作,班主任先屈佢講不雅語句,同疑似拎住黎追打人,係冇了解嘅情況下沒收了魚肉腸。



另一位老師係第二個小息分別向三個小朋友了解,結論係雖然我囝冇做不雅行為,但佢已經係縱容同學做不雅動作,而訓導主任指出校規係禁止帶此類食品返學作小食,而且魚肉腸係可以做作武器!



成件事我覺得好無稽,小兒既不是風紀又不是班長,佢借比同學時同學話想睇下,佢點知同學會做不雅動作?!



有冇家長試過無理被投訴,除同學校反映仲可以點?佢地根本係互相包庇,早2年都有老師講大話恐嚇小兒,話如果唔認做咗就要見訓導主任,我囝怕被趕出校認自己講大話,返黎日日喊住話怕冇書讀,副校所謂調查完只回覆佢無法証明真偽!



好無助!求各位指點下!

Rank: 4


884
發表於 15-1-13 08:22 |顯示全部帖子

回覆:pandacat_bb 的帖子

魚肉腸可以做武器,真係第一次聽。禁鉛筆可當剪,擦膠可做子彈。其實間學校唔包容,嘈都唔會理你,你有無搵學校社工幫手。



Rank: 5Rank: 5


1293
發表於 15-1-13 09:22 |顯示全部帖子
學校轉咗社工⋯⋯⋯依個超唔掂!

Rank: 9Rank: 9Rank: 9


21759
發表於 15-1-13 21:31 |顯示全部帖子
真係唔識指點。
是否今年的班主任特別和你仔仔有過節呢?
小朋友在學校,家長不在場。好多事情真係好難搞清楚當中發生甚麼事情,尤其當老師唔包容小朋友時,和老師嘈或者投訴老師,而整間學校的立場都不太體諒小朋友的話,最終受苦的還是小朋友。

家長和老師的關係怎樣,都會影响小朋友在學校的遭遇。
for every one criticism, three positives must be given.

Rank: 5Rank: 5


4192
發表於 15-1-13 22:30 |顯示全部帖子
本帖最後由 lololala 於 15-1-13 22:34 編輯
lillymarie 發表於 15-1-13 21:31
真係唔識指點。
是否今年的班主任特別和你仔仔有過節呢?
小朋友在學校,家長不在場。好多事情真係好難搞清 ...

同意……
同埋始終小朋友響佢地手上,所以家長可能都唔可以同老師攪得太僵
不过最唔好就係好多野響學校發生,家長根本無從知道事實真相!



Rank: 3Rank: 3


117
發表於 15-3-18 08:50 |顯示全部帖子

引用:小兒四年級,有過度活躍專注力不足症+亞氏

原帖由 pandacat_bb 於 15-01-13 發表
小兒四年級,有過度活躍專注力不足症+亞氏保加(社交障礙),多次被老師無理投訴,甚至扭曲事實,投訴無門 ...
非常同意 我感覺係學校係標籤左小朋友係有問題學生,所以做到有關佢既事時,都係覺得佢有份。因為我都有這樣既情況發生