九龍城band1b女仔想入培道

sako

佢只去補習，其他時間我冇見過溫過書的，叫都5溫，只會睇課外書，所以我覺得需要入一間學習氣氛濃厚啲，逼佢勤力啲，冇咁hea。
如果上到中學都咁溫就死得了。
培道我都鐘意個環境同校風，bandind聽聞都
上升中，只係換校長、女校、中中令我諗完
又諗。
題外話：有冇jm知攞左傑出藝術學生獎有冇大幫助？

必必

Band 1中學生自行報培道, 面試時無咩意外都收梗啦! 培道件長衫係白色, 仲難攪過真光件粉藍色, 樓主你個女又真係好特別.   

lucia6119

培道雖然係中中、但是仍有英文班、而且培道一向對英文都十分重視、學習氣氛更不用擔心、其實培道入U 率也有30%,如果你阿女是band 1B ,入 top 30% 應該沒問題、我覺得不用太擔心。既可愉快地學習、也不會阻礙她入U

little_yolky

sako 發表於 15-1-12 00:57
揀程度低，又怕拖低左，入大學機會細左。
揀程度高，又怕讀5黎包尾，仲要怕佢太認真讀到儍左。
朋友話我諗 ...

1. 培道件白長衫仲攞命, 尤其係M到時, 好易汚糟, 我當年經常賴嘢。因為無男同學, 大時大節set場都要自己女同學親自爬高爬低, 响梯度跳落地, 個叉好易爆

2. 如果係band 1生入培道, 可以預計讀得好輕鬆, 即係有更多時間培養自己其他既興趣, 多咗時間思考人生

3. 不過唔係話培道好hea, 因為校長谷成績, 所以好多活動, 好充實, 但對於成績好同學應該遊刃有餘

4. 點解鐘意讀女校, 女校好多小圈子, 好多是非, 女仔好stubborn

不過, 無論如何, 培道係校風好既學校嚟。你朋友講得啱, 諗咁多到時你先儍咗就弊。

csy_ma

sako 發表於 15-1-12 10:36
佢只去補習，其他時間我冇見過溫過書的，叫都5溫，只會睇課外書，所以我覺得需要入一間學習氣氛濃厚啲，逼 ...

我囡中三，佢升中時我都睇過培道，校舍真係好吸引。我囡當年都係1B，佢假如要揀，我可能都會由佢，結果我揀咗間跨區既言1B，我地賣屋搬家黎就佢。

我囡都係好固執，佢小學有間khmama畀好高評價既屋邨聯繫中學；同學中兩成幾入咗去，佢非常抗拒。老師落藥叫佢揀1B女校，佢唔肯，有次仲返屋企喊，話老師畀好大壓力佢。同區，佢揀咗間1C女校，係自行第二同抽獎第一。後來，佢自己叩到入自行第一。之前佢級排名一直在3X（佢學校約80個band1），最後一次呈分試，其他人放軟手腳，佢反而去到1X，可能就係想為叩門做準備。

中學六年，入到其他學校，可能前途更好，但係要付上有可能畀佢怨六年既風險，制唔過。（EK有媽咪幫囡囡揀咗1A既好學校，一樣畀囡囡怨話揀間渣既畀佢，細路要怨起上黎，冇乜理由可講）。掉轉頭諗，假如您囡揀咗入培道，佢就可能係培道重點培育同宣傳既對象，一定當學生領袖咁訓練，級數同一般學生唔同。當年我睇中言1C間女校，都因為有個女生好醒。佢係同學校周圍去小學宣傳自己間學校果種，我見佢既時間中四，淡定有腦，醒過阿囡聯繫中學中五精英班既女班長好多。跟住佢阿媽話我聽，阿囡細時其實唔係好鍾意講野，唔醒，係有鄰居話教佢玩話劇，佢中學就入咗劇社，跟住就畀學校重點培養。

子女有佢自己既路。您同佢最後自行揀咗邊間？相信這是上天安排吧？

CX111

不如同亞囡商量：自行第一選間高難度D既B1学校，而第二志願就揀培道；即管看看神既心意
其實培道都好好，只係囡囡可以去更好既学校，而令人心有不甘既感覺啫！

sako

好多謝大家咁用心俾咁多意見我參考，謝謝
經過幾晚溝通，佢最後同意自行一俾我幫佢選一間b1A，自二培道，我有問佢點解咁決定，佢咩都5答我，只話自行一揀返b1校就可以同老師交代，我就話1A你機會好微，即好大機會都會去培道啦，咁有咩分別不如選b1b。
然後佢就冇哂心機話咁你決定囉。
我真係決定我決定算了

goodenough

sako 發表於 15-1-13 18:42
好多謝大家咁用心俾咁多意見我參考，謝謝
經過幾晚溝通，佢最後同意自行一俾我幫佢選一間b1A，自二 ...

band 1b選band 1b都要打低一班1b對手先得。如果嗰間係受歡迎的1b，幾百份申請表，最終都係收40幾人左右，先有心裡準備！

如果囡囡肯放棄培道，你就容易了，搏一間1A還可以！Band 1同學有興趣培道，我相信你培佢去叩門重好！

包包媽

原帖由 goodenough 於 15-01-13 發表
band 1b選band 1b都要打低一班1b對手先得。如果嗰間係受歡迎的1b，幾百份申請表，最終都係收40幾人左右，先 ...

唔好意思借位一問,咁唔知觀塘b1c自行培道有冇機呢？

goodenough

包包媽 發表於 15-1-13 19:12
唔好意思借位一問,咁唔知觀塘b1c自行培道有冇機呢？

如果操行良好，又有好評語加埋1C成績的排行次第的優勢，本身機會都唔細(只是在排行次第的原則下，同學是沒有banding 之分，只有前後。學校好難分得出1C跟2A同學的前後夠竟大家相差幾多，但如果以band 2學校來說，學業成績比起獎項這些始終是最重要的)，有時都要靠大家面試的表現，至少一些基本禮貌、自信心、積極態度就變得非常關鍵。總言之，大家要保持平穩，唔好因為面試而失分就得。

包包媽

原帖由 goodenough 於 15-01-13 發表
本帖最後由 goodenough 於 15-1-13 19:39 編輯

感激

goodenough

包包媽 發表於 15-1-13 19:52
感激

介紹一個關於面試的帖給你，希望你能用得著：

http://www.edu-kingdom.com/forum.php?mod=viewthread&tid=2701570&extra=&highlight=%E9%9D%A2%E8%A9%A6&page=1

包包媽

原帖由 goodenough 於 15-01-13 發表
本帖最後由 goodenough 於 15-1-13 20:10 編輯

thanks a lot

Viman

原帖由 sako 於 15-01-13 發表
好多謝大家咁用心俾咁多意見我參考，謝謝
經過幾晚溝通，佢最後同意自行一俾我幫佢選一間b1A，自二 ...

其實當年我囡跟你囡囡情況也相似，大家都心儀培道，但心理關口更難過。當年去到高中又話會轉返中文……加上老師和朋友亦認為可選更好學校……好在我囡的主見當年亦未強烈
Anyway, 她意願亦應考慮，最後決定最好選Band 1 b 女校啦^^

palmchristy

c1234 發表於 15-1-11 22:54
回覆 palmchristy 的帖子

想請問妳認為培道如何?是band幾?謝謝妳。

培道當然很好. Banding一直上升中.

SIYip

樓主，如果你女女甘有主見，可能真係要就下佢，反正就算自一揀band 1 b,  佢面試時玩嘢都係入唔到，不如賣個人情比佢，要佢承諾考分班試時乖乖地入英文班，可能結果仲好。

sako

咁我又知佢面試5會玩嘢既，不過算啦，佢要b1a，應該面試機會都冇
以家平常心，我盡左力，交俾神幫佢選啦。
以家煩惱點交十張A4 ，好難啫，profile都2張，作品相又一張，只可再放八張，之前整個啲要重
頭執過

ATSLO

培道好多功課，亞囡有冇考慮這點呢？
B1B女校可以考慮培道附近的聖家，慈雲山的德愛亦不錯。又一邨花園的聖母玫瑰好似都係B1B。

mipig2008

不band 1B 有機會上智嗎？

redhot

原帖由 csy_ma 於 15-01-13 發表
本帖最後由 csy_ma 於 15-1-13 16:05 編輯

你都有道理，培道近年上緊位，自然需要擦亮招牌，有talent嘅同學自然可以有更多機會