升中證書重要嗎？

SIYip

如果有學樂器，我覺得考定無壞。

sumyau1012

謝謝寶寶貴意見

miriam

sumyau1012 發表於 15-1-9 07:53
謝謝寶寶貴意見

其實你最好睇返心儀學校既報名表需要點填, 再決定考唔考級同申請證明書.

我囡今年報升中, 開頭都係諗有部份課外活動係當玩, 但見到其中一間中學份申請表要填既野就拿拿臨去申請證明書有讀或學緊某樣野.

佢專項活動係跆拳道, 連續四年都有參加公開賽有獎, 今年海外賽都有獎, 呢度有晒證書同獎牌做證明, 仲有副館長同教練推薦信, 唔使煩喇.

學校係排球隊, 今年就無參加田徑隊, 好彩又有獎, 又煩少樣.

但佢仲學緊乒乓波, 又做緊義工, 咁點算呢??

做義工有社署同有關機構既獎狀, 睇落唔使煩, 但其中一張係 "程序計劃義工", 到底係咩計劃..............咁我就要通知社工同我出信寫返係咩課程, 佢唔係參加左某項課程時又點會做到義工呢?

乒乓波真係學左咁耐無諗過考級同比賽, 咁又點證明佢學緊呢? 咪去返機構度畀錢申請證明書佢由幾時開始學, 快手既幾日畀到你, 依足程序要一個月時, 你就要預時間申請.

有時部份學校未必睇, 但到家長填表時就頭都痕埋, 係學左好耐, 但無考級架純係興趣, 咁你填唔填落去好?  

所以真係要睇返心儀中學要求係點, 如我囡係報體藝 (PE), 咁運動方面既證書同獎項真係好重要, 學術我囡真係無..........靠自己校內成績, 同佢考 KET 純為充撐場面咋.

sumyau1012

多謝咩細分析。得閒真係要留意下心儀學校的要求。係咪睇下學校通常取什麼獎

SIYip

簡單嚟講，學術嘅表現可以從成績顯示，一般嚟講，獎/證書嘅重要性相對較低。其他非學術嘅，對學校有'貢獻'嘅，就有少許優勢，但都無辦法把小朋友拉高一級，ie band 2 頭學生去band 1頭學校。當然，有超能力唔敢講。總結=搞好成績最最最重要。

sumyau1012

明白。謝謝抽空分享

miriam

sumyau1012 發表於 15-1-10 12:28
多謝咩細分析。得閒真係要留意下心儀學校的要求。係咪睇下學校通常取什麼獎
  ...

學術既有校內成績表做證明, 非學術既你就睇下心儀中學有咩校隊或興趣班咁, 先至決定係咪考級或申請證書.

因為我揀既中學都重運動, 其中一間連社會服務都可以填, 所以我先去申請程序活動證明書咋.