有無需要驗？驗了是否有program更好地栽培小朋友

lillymarie

回覆 MASAYA 的帖子

難一點點才是最好。
想起我大仔幾年前參加校際音樂節鋼琴比賽，目標只是希望能夠拿到80分。怎知道他得79分，他氣得當場落淚。到今天他仍感到不甘心，因為全場只有他得79分，其餘的人不是80或以上, 就是78或以下. 因這一分，自此他甘心被我指導他練琴。（細仔形容我的練琴方法像是折磨他。）

我常覺得這79分很重要。若得80或以上，他不會聽我。若得78或以下，他會以為自己太差放棄學琴。

wan_sosin

原帖由 annie40 於 15-01-24 發表
聰明孩子而又讀書落後的，死穴是「怕輸」，因為夠聰明，早已知道自己邊處唔掂，可是自少聽慣別人讚聰明（未 ...

慶幸自己兒子不怕輸，但這是磨練出來的，佢有運動天份，5歲幾開始在田徑會練跑，但只得佢一個幼稚園生，其他都是小學生，一般大佢兩三年，每次練習競賽9次輸1次贏，輸輸下都慣了，輸了佢會話再來，再來！間中有些哥哥笑佢輸，佢都無所謂，話最緊要有得玩！但佢從沒失去信心，問佢邊樣叻，佢即刻答係跑步，佢清楚自己能力！
在讀書方面，佢由K1到現在，老師都認為佢學習能力高，我不能肯定佢是否因為不怕輸，當然影響一個小朋友還有很多因素！但我肯定佢對成敗嘅心理質素好好！相信對佢將來成長係好好嘅一樣原素！

annie40

mindset 已經是贏盡了，恭喜啊！

gigiic

原帖由 annie40 於 15-01-24 發表
聰明孩子而讀書不錯的，見過的有幾類：

a) 家境較差，孩子老早明白讀書是可見的出路。

請問若屬c),d)類，如何可幫助他除去 '怕輸' 陰霾？ 求指點。

breadbb

原帖由 wan_sosin 於 15-01-24 發表
慶幸自己兒子不怕輸，但這是磨練出來的，佢有運動天份，5歲幾開始在田徑會練跑，但只得佢一個幼稚園生，其 ...

請問係點train出來架？
亞仔好鍾意踢波 剛剛開始左幾堂 但唔係太順利 會喊 覺得自己唔夠人黎 明明鍾意 但好驚輸 但又唔捨得唔去 真係好困擾！個個小朋友輸左 笑下又黎過 亞仔好唔接受到自己輸 唉😥😥😥

Radiomama

俾d時間小朋友。

wan_sosin

原帖由 breadbb 於 15-01-25 發表
請問係點train出來架？
亞仔好鍾意踢波 剛剛開始左幾堂 但唔係太順利 會喊 覺得自己唔夠人黎 明明鍾意 但好 ...

我個仔其實好要臉，不過因為咁，所以好少會喊，一有眼淚就即要去抹同走入洗手間！但佢真係幾堅強，衰咗會企返起身再來，一來可能算是身教吧，我本身都係唔會少少事大呼小叫，有事發生都好冷靜嘅人！
另外，我比佢睇一D刻苦成功的人嘅故事，重覆講到佢植根係心入面，其中一個佢鍾意睇的，是一個克服咗困難而成功的一位奧運舉重選手，聖經人物都有，但以理是青少年人的好榜樣，當小朋友有些人想去模仿，就比較容易掌握，因為較具體！
其實最初我仔都有講過，成日輸，唔跑啦，但每次跑完回家，我同老公都會同佢傾下佢嘅心情，去肯定佢嘅努力，肯定佢有進步，教佢諗遠D,目標唔只係今日個練習比賽贏唔贏！但小小嘅成功是要的，有人教我，出面未能勝出唔緊要，如果小朋友做到一些就算很少的事，都可以自己整面獎牌比小朋友！叫佢繼續加油！不過呢樣我未做過！因為我個仔都會贏到校內的比賽，已試過成功嘅感覺！間中有同齡小朋友話要同我仔鬥下，佢都可以贏到，不過佢贏咗都唔會過份認叻的！
我只係分享下過去嘅經驗，每個小朋友有自己獨特個性，步伐不同，最緊要同小朋友一起度過難關！做佢最後嘅支持！

breadbb

原帖由 wan_sosin 於 15-01-25 發表
我個仔其實好要臉，不過因為咁，所以好少會喊，一有眼淚就即要去抹同走入洗手間！但佢真係幾堅強，衰咗會企 ...

謝謝你 我會好好試下

wan_sosin

breadbb 發表於 15-1-25 20:58
謝謝你 我會好好試下

我所講那位舉重選手,是2008年奧運舉重金牌得主施泰納,youtube可以找到.
那位運動員施泰納,原本患了病,但因為得到太太的支持,為完成太太的遺願,所以克服了困難,我順帶想講下我嘅想法,因為見到上面有媽媽分享,擔心小朋友只為討父母喜歡而做,如果硬要子女做不喜歡的事情,當然不是太好,但若父母的期望和愛,適當地作為一種動力,讓小朋友在應該的事上努力,我不覺得是壞事,我們何嘗不會為所愛的人甘願去努力和作出改變.我識一位港大畢業的朋友,他分享他那位讀書不多,但對他有很大期望的母親,當年曾因他默書不合格而狠狠地教訓他,之後他讀書不敢再怠慢,最後得到不錯的成績,到今天,他仍很多謝他母親,說如果沒有他媽媽,不會有今天的自己.

如果孩子因想愛父母多一點而努力,最少小朋友同父母關係很好才會這樣想,這是愛,是關係,是美事!相信父母因此也會更努力愛小朋友和給他們回應,我亦相信父母都定必會教導,指引小朋友如何建立自己的將來.不會單單叫小朋友因為要愛我,所以要努力吧!

annie40

http://en.m.wikipedia.org/wiki/Arfa_Karim_Randhawa

Arfa Karim

lillymarie

英年早逝

S-Kwok

原帖由 lillymarie 於 15-01-24 發表
本帖最後由 lillymarie 於 15-1-24 21:35 編輯

回覆 MASAYA 的帖子

有時做父母無論點講，都未必能令他想通，可能需要遇上一樣嘢令他有另一睇法，踏上更一層樓。

S-Kwok

原帖由 wan_sosin 於 15-01-24 發表
慶幸自己兒子不怕輸，但這是磨練出來的，佢有運動天份，5歲幾開始在田徑會練跑，但只得佢一個幼稚園生，其 ...

小朋友有自己真正喜愛的，更容易令他投入，越戰越強。
小兒學了圍棋4個月，今年參加圍棋公開賽，5戰，連輸2場，中間1場對手冇到，不戰而勝，再輸1場，中間雖然叫做贏咗，但體會到不戰而勝並不會帶來滿足感，最後一場認真比賽，終勝出。
雖然只勝一場，但過程中小兒所領略到，比起全勝5局，更為重要。
小兒亦因為這次比賽，明白要付出努力，自動波自己跟棋譜打棋，是他自己賺到的體驗。

小曳人

S-Kwok 發表於 15-1-26 09:40
小朋友有自己真正喜愛的，更容易令他投入，越戰越強。
小兒學了圍棋4個月，今年參加圍棋公開賽，5戰，連輸2 ...

係架！就算有少少天份，都要加努力加油呀！

lillymarie

這就是我認為growth mindset很有用的原因。
Growth mindset的人，心裏想的是怎樣令自己有進步。
Fixed mindset的人，就想著怎樣證明自己的能力。

MASAYA

lillymarie 發表於 15-1-26 11:08
這就是我認為growth mindset很有用的原因。
Growth mindset的人，心裏想的是怎樣令自己有進步。
Fixed mind ...

之前睇過柯文哲既訪問，佢講到自己唔會理其他人點睇，只專注自己要做想做既事，原因係佢有ADHD
小孩有ADHD，家長當然頭痛和疲累，但也不全是壞事，辛苦過後有回報的

wan_sosin

原帖由 S-Kwok 於 15-01-26 發表
小朋友有自己真正喜愛的，更容易令他投入，越戰越強。
小兒學了圍棋4個月，今年參加圍棋公開賽，5戰，連輸2 ...

真係熱愛一樣嘢，無咁易會放棄，試過輸先知要幾努力，我仔試過田徑公開賽，因怯場又不肯去做熱身，最後表現不到水準，之後佢極明白熱身嘅重要，之後練跑，教練叫做熱身，人哋跑4個圈，佢見仲有時間，跑夠5個。

lillymarie

MASAYA 發表於 15-1-26 11:56
之前睇過柯文哲既訪問，佢講到自己唔會理其他人點睇，只專注自己要做想做既事，原因係佢有ADHD
小孩有ADHD ...

你莫信以為真，這只是他在自我挖苦罷了。他怎樣看別人的眼光，和ADHD無關的。
我大仔有ADHD，求學過程遇到好多挫折。最常聽到的一句是：我做不到。我不認命，用盡辦法幫他解決問題，帶他看最能幫到他的醫生。曾經遇過一位fixed mindset的醫生，當着我大仔面前叫我不必這麼努力，說有ADHD的孩子不管我做幾多，將來前景都會差。轉到另一位醫生，却認為孩子有ADHD不代表讀不了書，只是要比別人努力十倍。

MASAYA

lillymarie 發表於 15-1-26 18:04
你莫信以為真，這只是他在自我挖苦罷了。他怎樣看別人的眼光，和ADHD無關的。
我大仔有ADHD，求學過程遇到 ...

噢，我以為他是在給ADHD孩子的家長一個希望，因為他談這事時剛好別人問他怎樣可以短時間內做到這種成就，他就說了ADHD的事

lillymarie

MASAYA 發表於 15-1-26 18:34
噢，我以為他是在給ADHD孩子的家長一個希望，因為他談這事時剛好別人問他怎樣可以短時間內做到這種成就，他 ...

他真的有ADHD嗎？ADHD是「專注力不足過度活躍症」，正正就是不能專注做自己的事。

Anyway, 講番資優。
孩子資優但沒有情緒行為問題，最幸福是他們的父母。
我覺得最煩惱的是教孩子怎樣與人相處，首先是由教他怎樣尊重我是他的母親大人開始。將來他若以挑戰我的方法去挑戰他的老闆，我怕他好快會覺得自己「懷才不遇」。