又一村學校v.s.信義中英文幼稚園

LOUISEBO

二間都收左我細b明年k1.
二間邊間好啲？你地會點選擇？
但我上網睇見又一村名次高啲。
但信義比我感覺很好。

Cap水

回覆 LOUISEBO 的帖子

某網站會列出全港100大幼稚園，或幼稚園排名磅，但佢地個計法有多種，最令我佩服係大細校舍也列入計算內，有部分家長覺得係名校或優質幼稚園，因校舍細被拉低分數.

LOUISEBO

哦，明白了。原來係金！除左校舍大，你地有咩意見丫？信義好小聽人講。

LOUISEBO

另外。識唔識荃灣同區校長可以分享。？因為想讀信義，但嗰度無校車直到我屋企。

Bonbonita

你可以考慮以下幾點:

全日或半日: 又一村學校同信義中英文幼稚園是否都是全日或半日？你需要或你鐘意全日或半日多D?

校舍:正如樓上說，又一村的校舍一定係大很多，你去面試時都知道。信義校舍小，但都有戶外地方和有自己獨立校舍，我覺得相當不錯。

學生人數: 又一村一級收約三百個，而信義只收四十幾五十個，你鐘意大校或細校？同樣地，校舍大所以收生人數多也是很合理。

名氣:多唔多人講，呢個比較subjective。但收生人數多的學校，一般比收生人數小的學校多人講，理由佢咁大咁多人，只要佢有一成人去講，都多過細校園100%人去講。
呢條LINK係之前有人講信義:
http://www.edu-kingdom.com/forum ... D%E8%8B%B1%E6%96%87

質素評核:結果及報告:你有沒有看過這兩間學校的質素評核:結果及報告？如果沒有，請你盡快去看，你去更了解這間學校。

NET英文堂: 又一村每天有20分鐘NET，全日班每日會再多20分鐘NET講故事(我從BK得知，如有錯請指出)。信義一星期有兩天NET會整個早上都在課室裏，幫手分組，排洗，食茶點… 所以小朋友會有較多時間同NET接觸。信義有三個NET，一個NET負責一級。以一間有學卷的幼稚園，我覺得相當抵讀。

普通話堂: 我不清楚又一村。信義明年會請一位普通話為母語的老師，全日班有兩堂普通話堂，上午班有一堂普通話堂。除了普通話堂，下午時間，本地老師都會用普通話分組，排洗，食茶點，增加對普通話的接觸。

宗教: 又一村無，信義係基督教

你有沒有看過信義的WEBSITE? 佢放了很多資訊在WEBSITE，有些老師自我介紹，每級一個月的learning profile, 學校通告… 有時要了解一間學校是要花點時間，下點功夫的。

(申報: 我兒子有信義OFFER，所以我對信義有多些了解)

LOUISEBO

Hi.我有睇到website同教學模式。其實我本身都好中意信義，課程上應該會比又一村好啲。同埋因為係基督教。我本身信基主。只係同時間有二間學校收左，所以唔知點選。我小朋友會讀上午班。多謝你分享丫。

catmint11

睇完你的回覆，對學校信心又大左好多。謝謝。

LOUISEBO

你都收到信義offer ma?😁
住邊區？

Bonbonita

回覆 LOUISEBO 的帖子

Hi, glad that I can help.

I am also a Christian, thus I would prefer a Christian kindergarten if two kindergartensare both good.

I tried to writeas objective as I could when writing the sharing last night; however, it maystill have bias over Lutheran. I want to emphasise YYC is a good kindergarten witha nice campus. You can try to read more sharing from YYC parents in order topick the most suitable kindergarten for your girl (there is no best kindergarten,only the most suitable one).  

Good luck!

LOUISEBO

點揀好？

cubixluk

回覆 LOUISEBO 的帖子

我仔都收咗信義, 又係無校車, 我朝朝都同佢出美孚上車 ( 呢樣係最美中不足)
學校話如果多學生响我吔呢邊先有機會開到綫, 暫時係美孚上車先

我都有申請又一村- 但WAITING, 我都會去到最後試下叩門, 睇下仲有無全日位 ( 好微).

又一村我好鐘意- 校舍大, NET SUPPORT 夠強, 校車支援好方便.
信義都唔錯, 老師好有愛心, 睇佢套教材都唔錯, 雖然一星期一日全英文上堂, 但佢 2 個NET TEACHER 係註校的, 相信小朋友上堂以外都能接觸得到.

我都會註冊咗信義 ( 全日班) 先, 再睇下又一村有無機會

LOUISEBO

Halo.二間都收左我小朋友丫。我自己中意信義多啲。好似你所講美中不足係無校車。好矛盾*

Bonbonita

回覆 cubixluk 的帖子

我之前同主住通過電話，我問佢一些問題，佢的回覆給你作參考:

1.一星期有兩個早上NET會留在課室一齊上堂

2.今年請多左一個NET，即現在有三個NET註校，一個NET負責一級

3.明年會請一個普通話為母語的老師

你都可以去問吓，有錯請指正。

Cap水

好彩又一村信義收咗，本來依間對我係保險線嘅學校，今次聽你地d媽打講，都好收心俾女兒讀，聽講依間學校近兩年轉咗校長，學校正在改革中，有可能日後成為九龍塘另一名校。

LOUISEBO

你講信義嗎？你小朋友都收左？金你嗰區有無校車？

cubixluk

回覆 Bonbonita 的帖子

哦, 咁可能你準啲, 因為呢啲資料係上年9 月佢開放日時, 我聽返嚟架.
咁到今年佢吔正式入學時, 資源仲豐富咗.

cubixluk

另外有無人問過佢明年學費會係點????

raytem

信義，又1村我都waiting! 呢區仲有間叫紹邦都係全日我女就有全日offer,係呢區黎講，大部份家長會咁排，紹邦，又一村，信義，我只去過信義介簡會，同過主任，同net 傾過計，發覺佢地幾有愛心，同埋校舍幾乾淨，佢地仲話會陸續番新課室添，我都幾鐘意!  至於話唔好就唔知了!

LOUISEBO

紹邦之前原本都諗住見，不過同另一間學校面試撞左日子所以無去。最終見左又一村同信義。希望waiting list既小朋友可以快啲搵到學校啦♡我一心都中意信義因為基督教😊有無媽媽既小朋友都係上午班丫。22号註冊睇下會唔會見到