吳得掂死撐外訪：陪同學見識

elbar

吳克儉解釋頻頻外訪原因，但愈解愈衰。

教育局局長吳克儉（吳得掂）早前被議員批評佢自上任以來頻頻外訪，於兩年半內外訪次數超過二十次，使費更多於三百六十萬元，變成「遊埠局長」。吳得掂日前繼續死撐，多多解釋，其中最搞笑係話要倣效其他國家官員陪同學生一齊出席大型比賽以示支持，又話帶學生外訪係為擴闊同學嘅國際觀喎。照咁講法，睇嚟佢要帶學生環遊世界至得喇，認真愈解愈衰。

吳得掂話，同學生一齊去印尼，係為咗擴闊同學嘅國際觀，可以見到印尼作為東盟「大阿哥」嘅經濟機遇及實際情況。佢又話，曾收到有教師及同學反映，指好多其他國家都會有官員陪同學生一齊出席大型比賽，相反香港好少官員隨團，所以佢先至陪學生一齊去，支持吓佢哋喎，但有冇必要由局長親自去呢？

聖誕唔放大假

講到最不滿吳得掂成日外訪及放大假嘅，睇怕係傳聞中同佢唔咬弦嘅教育局常秘謝凌潔貞。對於謝凌將於下月同食物及衞生局常秘黎陳芷娟對調職位，吳得掂就重申唔再回應，話公務員調動有既定機制，佢都係跟住機制辦事。佢又透露今個聖誕節唔會放大假，只係紅日嗰幾日休息吓喎。都好嘅，唔通趁謝凌調走前都使到盡咩！


卓妮                                    
                        

goodenough

都話唔怕神一樣的對手，只怕豬一樣的隊友。無能沒所謂，只懂擦鞋就得，在梁班子底下，只需聽命主子，無一例外！

Derdad

goodenough 發表於 14-12-20 21:48
都話唔怕神一樣的對手，只怕豬一樣的隊友。無能沒所謂，只懂擦鞋就得，在梁班子底下，只需聽命主子，無一例 ...

virgokaren

食物及衞生局常秘，調去做教育局？
香港政府吾係揾專家去搞專科，九吾搭八！

samchan2179

原帖由 virgokaren 於 14-12-21 發表
食物及衞生局常秘，調去做教育局？
香港政府吾係揾專家去搞專科，九吾搭八！



  ...

AO 係通才，調到不同部門工作係好正常。