九月升中生該如何安排今年暑假?

烏龍媽媽

想為今年九月升中的孩子安排活動, 但不知道放榜後還要做怎麼?  會否像小學般在8月中至尾時舉辦些活動給準新生的呢?

KWT

上星期聽了一個講座,對象在小六生的父母.可能並不貼切題目,但有幾點很值得留意,想與大家分享.

1.  早著先鞭: 很多小六生考完最後一次呈分試時,學校,學生與家長都會鬆懈下來,甚至到初升中一,由於是新生緣故,學校也會較寬鬆,如此一來,差不多有一年的時間會鬆懈,有沒有想過在這段時間給小朋友學甚麼?或者可以做甚麼?可惜在講座中無人提出意見.但在中一打好根基,幾乎可以決定以後的學習順利與否.或者bk可以提供意見.做我們的盲公竹.

2.  原來有些青少年中心已經被壞份子入侵,社工也沒法阻止,但講者沒有透露中心名字.所以父母選擇中心的時候要留意,不要以為凡中心都是健康安全的.

3.  不同環境會使人轉變.所以小學同學若升讀不同中學(有些中學學生良莠不齊),不要以為從前是好學生,就放心讓他們繼續交往,仍要留意他們的轉變.預防勝於治療.當然尺度要適當,能收能放最好,我也在學習.

暑假做甚麼呢?或者讓他參加遊學團?學甚麼?普通話營?軍訓營?尚未有決定,或者看看大家意見,再考慮考慮.

烏龍媽媽

KWT,
謝謝你的分享!  其實小朋友最容易學壞係高小至初中時期.  因為一來佢地會覺得自己已經長大, 想獨主, 但就對外面的世界充滿好奇, 也一無所知.  父母已經未必再是子女唯一的依靠對象.  所以作為父母的,  要學懂放開手, 比孩兒開眼世界, 與此同時, 最重要係在旁的觀察. 作出適當的協助...這比兒時樣樣事情都為他安排好來得就更加勞心, 更加費神了....

至於暑假, 就係諗著想出外走走. 怕一旦安排好才知道原來留港做這做那的.  所以想請教bk媽媽有否這方面的經驗可以分享一下吧了.

may_chan_

烏龍媽媽
你講得0岩呀,d小朋友上到中學就當正自己大個左,咩都唔比
媽媽理架,其實佢地都係得0個11、2歲,好既係見到佢地獨立
,唔好既係怕佢地學壞囉= =所以入到間好既中學係幾重要架
,學壞機會細好多,希望你個小朋友可以入到理想既中學
7月中派位後要去學校註冊,跟住又有家長日、迎新日、編班試,然後又有中一銜接課程,到八月底又有家長日同迎新日,所以安排活動都幾頭痛,我去年都有撞日呢個問題出現,最好等到學校個時間表出左先再作安排,因為始終新既學習環境早d比佢地適應0下都好d既,去玩都仲有好多個暑假去ma

烏龍媽媽

may_chan_,
真係好多謝你的意見.  我諗都係要重新再諗諗了.

//"希望你個小朋友可以入到理想既中學"//
多謝你呀!  但願如此.  要在這變化的教育政策下尋找理想的中學, 實在話可容易.  能過五關斬六將已是人中龍. 光是單單要承擔這數月來等結果的心情. 真是少些心血也不行呀!  父母的心情已經這樣忐忑不安. 儘使心中所願, 不生怕給了無形壓力給小朋友.  唯有同佢講: 希望你入到"你"想的中學便足夠了!

你當年的心情是否這樣的呢?

may_chan_

烏龍媽媽

去年今日,恍如昨天,由小三已經開始準備,小五下學期進入最高作戰狀態,然後充滿信心去面試,到面試後既忐忑不安,等到派位果日踏入課室那一刻,見到有開心既同失望既面孔,回想當時的我真係腳都軟埋架,不過一見到個結果係女兒恨入既校名,真係笑到口都合唔埋^^希望天從人願,但願每個小朋友都派到第一志願就好lu

tkkmama

烏龍媽媽:
上年我都係同你今年心情一樣,忐忑不安,希望你小朋友如願以償呀.
一般中學都會有中一適應班俾準中一生去讀,而且多數安排在上午,所以上年我將所有自己既暑期班,安排哂下午,同星期六,好好彩,完全冇撞過期.

DoReMi媽媽

舊年就係因為要準備為小朋友升中一事宜, 冇安排暑假出外旅行, 一來唔知派得好唔好, 駛唔駛奔波揾校, 二來如果派得理想, 應該要返一啲Bridging Course, 所以就冇安排出外, 廢時到時唔3唔4. 後尾真係要返Bridging Course, 仲要返成3個星期. 好彩冇安排出外咋!

烏龍媽媽

希望到時我地都有course上啦!

DoReMi媽媽

係呀! 希望到時大家都有理想o既Bridging Course上!     

KWT

tkkmama 寫道:

一般中學都會有中一適應班俾準中一生去讀,而且多數安排在上午,所以上年我將所有自己既暑期班,安排哂下午,同星期六,好好彩,完全冇撞過期.

我想安排仔仔在暑假參加國內遊學團,但又怕撞期.到時若取消活動,不能退錢或只得小部份退錢.請教你們,那些中一適應班,多數會在什麼時間及日期上課?七月下旬/八月上旬/八月下旬?謝謝.

ABCD媽咪

我就由她過她想過的假期
我覺得到中一
佢地就無得好似小學o甘輕鬆

yuma

dear KWT,

根據小兒學校給予我們家長的資料：今年七月十二日放榜，十四 & 十五日註冊，有可能在十八日考分班試（所有升中一學生都要參加）。

很多中學都有為中一新生舉辦銜接課程（Bridging course ），為期兩至三星期，時間通常是上午，多數在八月初進行。此外，有些學校在八月最尾既星期會舉行迎新活動，所以這個暑假會幾忙碌。

三座師奶

請問除了參加那些bridging course之外，我都想幫仔仔報些英文預備班等，我驚升上中學，都有些不適應。請問有什麽好介紹？ :

KWT

ABCD媽咪,yuma,

看起來似乎整個暑假都有很多活動,大概沒有空閒時間可以離港一兩星期.我見遊學團多集中在7月中至8月中,只好留待明年再玩.

yuma

KWT,

好好享受小學最後一年暑假，暑假後將會是小朋友人生的另一個新階段。

yuma

三座師奶 寫道:
請問除了參加那些bridging course之外，我都想幫仔仔報些英文預備班等，我驚升上中學，都有些不適應。請問有什麽好介紹？ :

不用擔心，中一是honey moon period，小朋友可以有足夠時間去適應。

烏龍媽媽

Agreed.

yuma 寫道:
KWT,

好好享受小學最後一年暑假，暑假後將會是小朋友人生的另一個新階段。

TTJTMaMa

I don't think so.  In primary on 4 main subjects but in F.1 at least 14 subjects need to test and exam.  

tkkmama

KWT:
個人意見啦~~最好今年唔好住,因為就算同區既學校,都有d係七月尾,有d係八月頭,仲有d係開學前,所以真係連旅行都唔敢,費時掃興啦.