不讀微積分（左丁山）

elbar

數學大師丘成桐指本港中學生讀微積分嘅人數日少，長久會影響本港之科研能力。左丁山讀中學時係文科生，修普通數學，完全未掂過微積分，入到大學讀經濟系就知死，到讀碩士時，更加為咗高級統計、計量經濟而讀到痛不欲生，老早知道自己唔會成為教授，那似得（後來知道）劉遵義在聖保羅男女讀理科，在史丹福主修物理，兩年就畢業，之後轉到柏克萊讀經濟學博士，易如反掌。過往中學未改制成為DSE之時，理科生會修讀附加數學，認識微積分，入到大學讀理學院、工學院，可以銜接得上。點知改為三三四學制之後，連課程、科目都改埋，好多學校怕公開試成績唔好，只准學生修讀六至七科（即必修中英數通識加兩科至三科選修），於是乎，好多理科生不能選延伸數學（類似過往之附加數學），甚至乎在傳統三科理科物化生之中，只修兩科，最近發表嘅學生退修科目之中，中國歷史、中國文學當然上榜，估唔到嘅係，亦有大量學生退修物理，如果中學理科生唔讀物理，唔讀延伸數學，入大學一定唔可以揀物理系，電子工程、電腦工程以及土木、結構等工程學亦非常勉強，正如丘成桐話齋，香港未來之科研能力大受影響，此乃中學學科改制之遺害也，難怪大學內嘅理工科系，名列前茅嘅學生大部份來自大陸，能入研究院攻讀理工科博士嘅，更多來自大陸！對此現象諸多批評嘅議員（主要來自泛民），請唔好批評大學咁多啦，了解吓本地學生在中學讀邊幾科先啦！

香港學生不喜科研，理科尖子爭住讀醫科、藥劑科、環球商業，文科尖子爭住讀法律，繙譯、心理、新聞，近日與一位教授傾起，先知道好多教授或者係遺傳基因好，佢地嘅子女多數入法學院或醫學院，教授話：「做專業人士，前途收入較有保障喎。」做醫生就係啫，做律師就未必，你估個個律師會成為夏佳理或余若海咩，收入冇保證㗎。教授話近年由港大帶動，不少尖子喜歡讀雙學位，如法律與政治、法律與商管、法律與工程等等，佢就不以為然，佢要女兒專心讀法律，考到律師牌先至係真，其他學位待成為律師後先至講，法律與工程喎，萬一兩頭唔到岸，搵嚟搞咩。英美大律師行嘅香港「分店」請見習律師，最緊要係睇法律學科GPA，理得你有冇讀雙學位。律師S一早就教兒子呢個道理，自港大畢業約十年，已在外國大行賺年薪七位數字咯。


左丁山

Cheeselover

所以話老左無常識，難到把微積分列入高中科就會有牛頓，愛恩斯坦出來嗎？香港社會根本沒有科研土壤，重商輕科輕文，政府沒有為工為科作長遠發展，英國人話97後無眼睇，特區政府又如何，成世想賺快錢，賣地為生，唔夠錢就抬高地價。
還有政府老是想箝制我們思想，個個好似新加坡人最好，乖乖仔被魚肉，什麼創意都壓死，科技要異想天開環境，有科學頭腦的年青人都去外國，想想蘋果教主會不會在香港捱貴租。

goodenough

elbar 發表於 14-12-18 11:22
數學大師丘成桐指本港中學生讀微積分嘅人數日少，長久會影響本港之科研能力。左丁山讀中學時係文科生，修普 ...

現在已經將附加數學分為M1統計數學和M2微積分數學。一般學校都會將M2跟物理作組合，M1會跟經濟作組合。而且，因為現在的M2、M1已較以往的附加數學還要艱深一點，所以學校都會另給選擇同學可以在揀選後再發覺唔適合後可以退修或退考但仍繼續修讀。所以讀物理的同學可修讀微積分，而讀經濟的同學可修讀統計學，這對日後升讀大學是有足夠的幫助了。
同學應該提早至少三年往大學的開放日，瞭解多些學科的要求，然後提早訂定目標才實際，免得日後發覺想修讀的科目原來要求有M1或M2的成績時，後悔就會太遲！

nintendo

Many students simply do not like Math. Or they do not have the mentality to study "harder" math like calculus. It might simply be an issue of "ability" but not "choice".  Many students were not allowed or not suggested but the school to take calculus (i.e. the M2 of DSE, or Math HL of IB).

JustAParent

我不完全同意作者所有論點。但理科生不讀微積分， 確是荒謬之極。 當然教育局又會語言偽術新學制下沒有什麼文科生理科生。

grace_xian

學到嘢，thx for shiring

dobbybabie

我仔讀PHY，CHEM，Bi0，佢話以前的教育制度好，因唔—定要中文叻，如通識科是選修科，佢—定選M2，表弟荃官修八科(加埋M2)學校都教唔切，要出去學M2

nicemelody

goodenough 發表於 14-12-18 23:03
現在已經將附加數學分為M1統計數學和M2微積分數學。一般學校都會將M2跟物理作組合，M1會跟經濟作組合。而且，因為現在的M2、M1已較以往的附加數學還要艱深一點，所以學校都會另給選擇同學可以在揀選後再發覺唔適合後可以退修或退考但仍繼續修讀。所以讀物理的同學可修讀微積分，而讀經濟的同學可修讀統計學，這對日後升讀大學是有足夠的幫助了。 ...

M1 和 M2 都有微積分。
M1：微積分 及 統計。
M2：代數 及 微積分。

goodenough

港大話冇修讀物理的同學都可以報佢地嘅工程學院喎。越來越耐人尋味！

elbar

goodenough 發表於 14-12-20 21:41
港大話冇修讀物理的同學都可以報佢地嘅工程學院喎。越來越耐人尋味！

咁要睇下一些工程較好國家如 美國, 德國 和 日本等頂級大學工程學院怎樣 收生

goodenough

elbar 發表於 14-12-20 21:54
咁要睇下一些工程較好國家如 美國, 德國 和 日本等頂級大學工程學院怎樣 收生  
...

唔係好明，即係又係夠分數就得！

lawsonmoon

goodenough 發表於 14-12-20 21:41
港大話冇修讀物理的同學都可以報佢地嘅工程學院喎。越來越耐人尋味！

其實有一部份人一聽到工程師,腦海就出现頭帶地盤工人帽的那種。工程系ranging from biomedical to double e, 我個人認為好似讀computing or electronic engineering既,真係未必需要讀好深入既物理。好叻嗰D工程師,其實係好出色既designer, 並唔係technician。

sally2002hk01

lawsonmoon 發表於 14-12-23 17:39
其實有一部份人一聽到工程師,腦海就出现頭帶地盤工人帽的那種。工程系ranging from biomedical to double e ...

我讀electronic engineering既,但要學某部分深入既物理~如物理入面既電而物理入面既wave,heat,力我地係完全唔洗再學既..雖然中學學習phy係同大學讀返工程既係有返少少關係但其實上到大學,都會重新再教過,
所以問題完全不大

Derdad

nicemelody 發表於 14-12-20 21:06
M1 和 M2 都有微積分。
M1：微積分 及 統計。
M2：代數 及 微積分。

Correct

ANChan59

原帖由 sally2002hk01 於 14-12-23 發表
我讀electronic engineering既,但要學某部分深入既物理~如物理入面既電而物理入面既wave,heat,力我地係完全 ...

在大學被逼為學生惡補數學及物理，別人要讀三年高中，難道一兩個學期可以追回？如果可以追回，但新的數學及物理又如何追回，最後最大機會讀五年，而非四年。

如果熟悉大學工程學院，就會知道沒有讀M1M2，或只是讀combined Sci，相關科目肥佬率約15－35%。學術評審可以糊混過關，專業評審肯定有很大保留，所以「專業水泡科」是有機會易入難出，不可不知。

所以部份工程學院日後不會再收combined Sci，及沒有M1M2為學生。既然在高中都沒有信心及能力應付，在大學為何可以應付，是否合理呢？

sally2002hk01

ANChan59 發表於 14-12-24 09:43
在大學被逼為學生惡補數學及物理，別人要讀三年高中，難道一兩個學期可以追回？如果可以追回，但新的數學及 ...

高中讀既同大學根本唔同,好似我讀電子,高中就算讀過物理又點?我用得返高中既物理只係得2條式(v=IR)...
同埋好多PROF都會再重新教過~你話好短時間追~
其實大學呢好多野都講自學,prof只係一個幫助,你係覺得自己呢科唔掂既就要自己落堂問prof/問tutor,睇ref book架啦我讀以前舊制高中,有高考,讀完既野其實大部分都係用唔返
你讀得唔掂既prof都會照肥你唔會比面你架wo!!

ANChan59

多謝你的EE看法！

其實你自己答咗，以前香港AL程度己經去到大一大二程度，你有高中程度自然可以自學，如果只有中五或更低程度的數學及物理，如何自學？

到一班同學，有20－30%冇乜基礎，就算有補底班，都會墊底，我看過那些功課，project 及試卷，有明顯差異。我都問過一些沒有M1M2及只有 comb science 物理的學生，他們追得十分痛苦，而且班上的學習直接受影響。

再高一個層次，專業學會把關，不會因為你收一些質素較低的學生，而降低門檻。但大學會移船就磡，怕收生不足。

我是另類，AL讀 全理科，沒有讀數，我只要追工程數學，還可以追到，因為我有AL物理。我讀ME，都要讀ENC，EE，ME相對EE，沒有AL物理，根本讀唔掂。

我看整個題目是看全面性，不是只看一個單一工程學科。