大圍聖心vs隆亨孫方中

Sportybobo

兩間都係pm,請問你們會怎選呢？

HarrisWan

孫方中，因為係英普！

Sportybobo

我喺門口見到孫方中個老師都好nice,學生都像幾乖咁

cammyjun

孫方中的環境係差，自己係校友，感覺唔好，有時行過見到小朋友在果個出面遊樂場玩，其實係好危險，有時大廈上的人會掟野落來，我途經都會叫小朋友行快d，驚中蕉，而且果個遊樂場好污糟，所以真是唔明點解咁多人話孫方中好，唔係淨係英普就得

Sportybobo

除了環境差的因素外，請問教學質素如何呢？

fattywing

I choose 孫方中～

vpo0615

大圍聖心有咩唔好? D 口碑唔錯嗰喎......

HarrisWan

Sure 孫方中，口啤好好，而且英普！

ausumsun

孫方中好d, 英普好好, 門口系環境麻麻, 裡面環境ok架, 乾乾淨淨, 不時我見會洗玩具, 個人覺得幼稚園是學習語言的最優越的時間

Sportybobo

都係的，返得嗰幾個鐘，宮殿咁靓都係讀書啫，最緊要清潔乾淨

vpo0615

請問隆亨孫方中係唔係好少位, 好難入?

pizzaheidi

原帖由 vpo0615 於 15-01-08 發表
請問隆亨孫方中係唔係好少位, 好難入?

如果小朋友係坐唔定果隻，就萬萬不能揀聖幼，因為 d 老師好講紀律，呢方面無甘包容！孫可能名氣略遜，但兩間比較，我都選孫，因為我比較重視語言方面！不過換個角度，去聖幼可能出黎 d 規矩會好 d 自律 d ! 呢個都係佢地出名嘅原因

薯蛋頭

如果你對個小朋友保護到不可去公園玩, 當然萬萬不能揀孫方中啦!! 孫方中前年先內部裝修完, 入面比好多幼稚園乾淨企理!! 有學劵又英普, 仲想點呀??   

winwinyiu

我本人2間都唔選擇.
因為約2年前, 我老公為阿囡攞定申請表入學, 遇上以下情況, 所以我兩夫婦決定不報...

1). 孫方中係咁...
     那天我C6 到孫方中, 見到老師, 便查詢 K1入學的申請, (當時我個女得10個 月) ,
MISS : 您的小朋友幾大呀 ??
C6: 而家10 個月
MISS : 咁遲先報既??
C6: 未回答
校長: 咁您小朋友有冇返PLAYGROUP ??
C6 : 都未呀, 佢好細個,
校長 : 咁會不會報學前班 ??
C6: 應該不會, 因為有屋企人湊, 多數考慮直接返 K1
校長 : 即刻答, 咁情況, 我地多數不收您的孩子申請, 因為未返過學前班的小朋友, 返 K1, 好易哭, 唔慣架. ..
C6: 聽完校長的說話 , 二話不說就答 , 係咪返左學前班的孩子, 再返 K1 保証一定返學唔哭??
MISS / 校長 : 無語...
C6: 我覺得您們的教學收生態度有問題, 唔好意思, 我想我的孩子都不適合您的學校, 申請表我不要了!!!


2). 聖心情況
那天我電話查詢 K1 事宜, 首先MISS 問我住邊, 我話係婆婆屋企地址 (大圍顯徑村) , 一副不耐煩态度, 又無耐性被查詢. 又話好多人WAITING LIST, 無位架LA.

第二天, 我都想問得清潔 D , 又打去, 咁邪又是同1人, 今次我反過來, 報自已沙田區的私人屋苑地址, 竟然... 态度很好, 而且仲問我會否搭校車添...

我感覺都不好, D MISS, 修女, 都是會以階級觀念很重, 重視物質主義, 我係想D學校真心教育小朋友, 不是利字當頭. 小朋友係張白紙, 教咩就接收咩, 如果大人的操手有問題, 點樣培育好的品德先 ??

到最後, 我兩間都沒報, 反而一星期返一堂PLAYGROUP 1Hrs (親子班), 2014年10月申請2間 k1 幼稚園, 2間都收左. (分別是隆亨的路德會/ 顯徑梁李秀誤) ,
所以有時我哋作為家長, 真的不好盲目跟, 了解多d , 如果將來真係入左佢地個間, 真係擔心孩子有知識, 但欠缺品德, 甚至日日返屋企同我地講, mummy 同學又０麥，　我又要０麥，　就慘。　

Sportybobo

接受報名交表得幾日咋wor..你想早報都唔得啦，怎會回答咁遲先報呢？

Mrs周

winwinyiu 發表於 15-1-20 12:59
我本人2間都唔選擇.
因為約2年前, 我老公為阿囡攞定申請表入學, 遇上以下情況, 所以我兩夫婦決定不報...
...

你講緊係火炭定大圍區?

sanomnia

回覆 winwinyiu 的帖子

先恭喜這位家長的子女有心儀學校的OFFER. 但係從你QUOTE出來的經歷, 我實在看不到這兩間學校有甚麼問題.
先是孫. 我完全不覺校長有甚麼問題. 佢地是地區名校不需要為收生煩惱(provided that你說的是隆孫不是穗孫). 佢地想收一些易MANAGE的學生(至少返過PG易MANAGE的可能性高點, 我相信你冇得唔同意), 學校學生都較易得益是正路. 反而我覺得令C6(其實我唔知C6是甚麼..)說的話有點小家.

其實就同見工一樣. 如果我間公司要請人做某種專業. 來見工的人好多.
我: 請問你有無相關工作經驗?
答: 無呀. 我剛畢業未做過野. 但我返學的主修是這專業的.
我: 咁我地多數都唔會請了, 我們需要相關的工作經驗.
答: 咁我諗我都唔會考慮來做了, 你又點知有相關工作經驗的人一定做得好?
.....

後是聖, 你肯定聽你電話的是老師? 除了這兩個電話外其實你接觸過這學校幾多人? 我好奇那 "老師, 修女的階級觀念都好重" 的結論是基於兩通電話之外一些甚麼而得來的.

最後想講人(學校)夾人真係好重要的. 所以再恭喜你有心儀學校的OFFER. 而我想區內好多家長都對你放棄為貴子弟報孫幼聖幼而心存感激的. 個人意見, 不喜任插.

vpo0615

家長心中一定有個人喜好, 正如九龍塘D名幼, 明知有幾千人報名, 取錄機會微乎其微, 但係D家長係都要報名, 辛辛苦苦面試完, 都係得個桔....又或者入到心儀幼稚園, 但小朋友讀得唔開心, 追唔上進度之類.....所以, 各人有各人喜好, 其他人嘅親身經歷, 不論好壞, 我哋可以作為參考. 亦多謝大家願意分享, 令到我哋呢D諗緊報咩K1幼稚園嘅家長, 可以收多D料.

kwan_kwan3

我倆個囝囝之前在聖幼就讀,現在已經讀小學了,聖幼給我感覺能夠訓練小朋友比較獨立,總評價是嚴而有愛,不斷力求進步去迎接小一課程,實事求事,天主教學校的老較嚴厲,讓學生明確地分清楚對與不對的事情,比起鼓催關愛的社會是截然不同,未必令每位家長接受,始終我不是用家,做家長只會擔心為小朋友選錯學校,現在小朋友已經小學了,我反問倆囝(用家)如果給你們再次選擇,你會否再選聖幼呢?我倆個囝囝也同聲同氣地說:如果給我再選擇,我也會選聖幼!