玩先還是做功課先

moondream3003

請問大家會否讓小朋友回家玩一小時先做功課呢？ 我玩先還是做功課先兩樣都試過， 做呀媽的好難受， 已經選小功課的學校， 仔仔現在小四, 功課時間多其他小朋友一倍, 比佢玩先見佢做功課慢吞吞又擔心佢做得夜， 做功課先又怕佢無時間玩， 又要佢準時九點半上床， 好矛盾

scyauchris

我冬天是比佢玩先，因為天好快黑，不過真係好睇個小朋友精力。另外夏天佢一回家，我都會比佢休息食吓野先同看一陣書才開始做功課。

每個小朋友都唔同，學校功課量都不一，你自己看情況，還有小朋友大d, d性格又唔同，今年我女喜歡拖長時間做功課，所以我要set 時間比佢。

grandmalolo

我小朋友自已愛做完功課，才做自己喜歡的事。

MASAYA

放學玩一陣公園, 返到屋企先沖涼後食茶點, 之後做功課, 六點完成可以睇半個鐘叮噹, 然後自由活動直止食飯, 如果第二日有默書測驗就溫書, 冇就繼續自由活動直止我返到屋企捉棋或伴讀英文故事書
上左小學既自由活動多數都係睇書或玩兒童雜誌既小遊戲, 玩具反而少玩

都係九點半上床睏

Jane1983

功課多吾多？如果多，吾知夠吾夠時間做，咁做好先玩。如果吾多，咁玩左先。

MASAYA

返左一日學，放學後即做功課大部份小朋友都冇精神做，玩一陣放鬆下之後做功課效率會好d唔駛做咁耐，不過都係因人而異

fc926

小朋友自己都會俾自己壓力,所以有些小朋友覺得未做完功課就玩都玩得無o甘開心.

moondream3003

其實玩先還是做功課先， 都會比佢食少少野先。

wan_sosin

多數放學換衫食tea, 然後落街玩，返屋企做功課返而會快手D,因為知時間無多！想快D做完，襯未食飯可以再玩玩具！
功課做到天黑都得，但天黑就落唔到公園！
我仔只係小一，我唔會要佢用太多時間溫書，上星期五中文小測，之前個星期三襯學校假期，照同佢去玩足一日，最後無乜點溫下去測驗，但成積都還叫可以，我比佢當練習。
呢樣都係我用來同個仔交涉嘅一樣嘢，當佢有時想hea, 唔認真做功課溫習時，我會話，你知道媽媽必然會比你玩，你可享有你的權利，但就要做返好你嘅責任！佢會知我係重視佢玩嘅時間！所以佢同我感情好好！亦比較聽我話！
但我從來唔會講，做完功課温完書先有得玩呢D說話，因為我信我仔會覺得，因為有功課呢樣嘢，先攪到佢無得去玩，佢會討厭學習！

Rachelmummy2008

回覆 wan_sosin 的帖子

你說的話值得思考。功課是為輔助學習還是阻礙小孩學習的興趣，取決於父母的態度。
我仍然在調交中，女兒讀小一，試過很多方法希望她快些完成，可是她依然很慢。
分析原因後，原来女兒屬於完美主義的人，她花時間是想做到最好。
現在我不再吹她，而且回家後便在公園玩，吃完飯再開工，中間她想看課外書我也不反對。

moondream3003

如果做完功課先， 回到家四點， 食完茶點四點半， 做完功課都天黑了

little_yolky

moondream3003 發表於 14-12-16 09:35
請問大家會否讓小朋友回家玩一小時先做功課呢？ 我玩先還是做功課先兩樣都試過， 做呀媽的好難受， 已經選 ...

小一嗎? 我囡囡間真係少功課, 佢小一時因為一三五有一小時功課堂, 九成九都會做完, 二四就4:30回家, 換衫食水果, 做功課到5:30。因為小一時老師好變態, 話小息要休息同玩, 唔準溫書做功課。

依家小二, 自由咗, 阿囡會捉緊時間小息時做功課, 尤其係二四。所以回家後都肯定可以5:30前完成。5:30後, 佢會溫書or做自己喜愛既活動, 6:00-6:45食飯, 飯後我都回家, 佢就食水果, 我就食飯, 我一邊食一邊教唔識既功課, 無唔識佢就同我傾計/執書包。然後又做佢自己喜歡既嘢, 沖涼, 刷牙, 8:15-8:30上床瞓覺。

moondream3003

原帖由 little_yolky 於 14-12-16 發表
小一嗎? 我囡囡間真係少功課, 佢小一時因為一三五有一小時功課堂, 九成九都會做完, 二四就4:30回家, 換衫食 ...

我仔小四， 小息他不肯做功課， 全用來看書， 有時做功課時也偷偷看書

wan_sosin

原帖由 moondream3003 於 14-12-16 發表
我仔小四， 小息他不肯做功課， 全用來看書， 有時做功課時也偷偷看書



  ...

咁你小朋友，睇書同玩揀邊樣？會唔會鍾意睇書多D?

little_yolky

moondream3003 發表於 14-12-16 15:26
如果做完功課先， 回到家四點， 食完茶點四點半， 做完功課都天黑了



  ...

咁反正佢玩=睇書, 天唔天黑都無關係了, 先做功課吧。

moondream3003

原帖由 little_yolky 於 14-12-16 發表
咁反正佢玩=睇書, 天唔天黑都無關係了, 先做功課吧。

但係對眼都要休息呀， 有近視啦

little_yolky

moondream3003 發表於 14-12-16 16:45
但係對眼都要休息呀， 有近視啦

無關係啦, 我囡囡都係成日睇書, 但對眼無事, 要教佢睇一陣書望下遠嘢休息至得呀, 佢要主動做, 唔係唔通24小時望住佢咩。BTW, 係咪你哋兩個有近視, 遺傳呀。

moondream3003

原帖由 little_yolky 於 14-12-16 發表
無關係啦, 我囡囡都係成日睇書, 但對眼無事, 要教佢睇一陣書望下遠嘢休息至得呀, 佢要主動做, 唔係唔通24小 ...

現在九歲， 小四， 一邊25， 另一邊75， 因相差太大， 要帶眼鏡。  兩公婆都有近視。

little_yolky

moondream3003 發表於 14-12-16 17:38
現在九歲， 小四， 一邊25， 另一邊75， 因相差太大， 要帶眼鏡。  兩公婆都有近視。



  ...

都唔算好嚴重, 都仲好。你哋有近視, 都要預小朋友有近視了。

kenwong888

moondream3003 發表於 14-12-16 09:35
請問大家會否讓小朋友回家玩一小時先做功課呢？ 我玩先還是做功課先兩樣都試過， 做呀媽的好難受， 已經選 ...

玩先!