PM班之苦......呻下

Raccch

女女係九月底細b，10月頭開始係离屋企步行10分鐘學校開始下午PN班，兩個幾月后真的進步很大講多好多野。但係翻學前係一直習慣下午午睡的，翻學后午睡時間無左，依家放學后日日5點幾6點就開始訓到早上3-4點起身玩，之後6點左右再訓翻。難為了爸媽，第二日翻工頭痛爆
之前試過早上一早帶去公園玩，11點翻屋企訓，但依家開始凍而且人手不足又要帶出去玩又要12點前煮好飯下午6點幾訓到7-8點的時候根本叫都叫不醒
明年K1一定點都要AM班，唔係命都短幾年。。。呻完

qqmiki

半夜起身玩?! 😱😱人都癲wor!!

ensy

晚飯點算呀?
PM class 係麻煩d...

olaucc

我都煩緊出年PM 班點算……

Blueso

忍心D 7pm到叫醒她~~~~可以嗎?

babybk

不如試下改變佢既習慣, 星期六日開始,夜晚食完飯同佢玩夜d先訓, eg, 10-11 早上遲d起身, eg 10點, 咁平時放學返屋企應該攰就訓一陣, 叫醒食晚飯, 跟住玩一陣先訓
朝早3-4點醒對小朋友同大人既生理時鐘都唔好架...

mykate

大女幼稚園時係pm class, 只要俾佢放學之後瞓45分鐘以內，就冇問題。
大多啲會唔需要瞓呢覺。

你地一定要叫醒佢。

另外，半夜起身，唔好同佢玩，由佢悶，戒半夜玩。你有人同佢玩，有起身的心癮。

Raccch

qqmiki 發表於 14-12-10 11:16
半夜起身玩?! 😱😱人都癲wor!!

已經癲左。。。考慮緊係咪退學

Raccch

ensy 發表於 14-12-10 11:18
晚飯點算呀?
PM class 係麻煩d...

好多時無吃晚飯，凈係半夜飲奶，或者係晚飯到一半就ZZZzzzz....所以依家瘦好多。。。歲半之後未重過

Raccch

Blueso 發表於 14-12-10 11:30
忍心D 7pm到叫醒她~~~~可以嗎?

點叫都叫唔醒，已經開房燈搞到好吵

Raccch

babybk 發表於 14-12-10 11:31
不如試下改變佢既習慣, 星期六日開始,夜晚食完飯同佢玩夜d先訓, eg, 10-11 早上遲d起身, eg 10點, 咁平時放 ...

平時10點前訓。。。就算玩緊睇緊電視都係會訓。。。好難控制

andyan324

所以人地問PM我都唔考慮，唔想打亂佢d時間，辛苦佢時辛苦大人

Raccch

mykate 發表於 14-12-10 11:36
大女幼稚園時係pm class, 只要俾佢放學之後瞓45分鐘以內，就冇問題。
大多啲會唔需要瞓呢覺。

好，我試下早d一翻屋企就叫佢訓，唉，唔係自己親身帶有時好難，要求左婆婆或者工人做唔到

moledy

其實我仔都係上午訓1小時, 下午又訓1-2小時, 所以就算番AM OR PM其實都係訓小左一PART 只係訓小左上午定下午, TRY下訓1小時就叫醒佢LA, 或者1日唔得, 1星期可能得, 遲D就習慣LA

kiki826

abcd

Jemaine

同意。其實返边part都係返少咗。好難攪。。 我情願佢放學返黎唔瞓，夜晚餐早d食，8pm左右就入房瞓到天光，咁ok嗎?

964000

原帖由 Jemaine 於 14-12-10 發表
同意。其實返边part都係返少咗。好難攪。。 我情願佢放學返黎唔瞓，夜晚餐早d食，8pm左右就入房瞓到天光， ...

做到梗係好啦，不過要小朋友配合吾係易，我都煩緊，晚晚一點先瞓，鬼打冇咁精神

hopeful123

返pm真係大部分小朋友都唔適應! 下午4-5點放學, 佢會極度眼瞓, 如果唔比佢瞓, 即使可以, 佢都會發晒脾氣, 連飯都食唔落. 比佢瞓, 佢起碼要瞓2個鍾, 晚上會好夜先肯瞓, 好晏先起身. 我個人認為咁細個(PN)小朋友, 有良好既習慣同作息時間比返學更重要, 所以我放棄了最心儀學校既pm, 選擇了次選的am比小朋友. 第日k1時先再考過學校.

mosmosma

回覆 hopeful123 的帖子

呢個都係我而家面對既問題!! 收到PM OFFER, 但我仔又係要午睡, 心大心細.不過咁諗, 小朋友既習慣其實都好易調節既....

hopeful123

回覆 mosmosma 的帖子

堅持無話唔得, 但我個人認為對於一個只有兩歲既小朋友, 要迫佢去改變習慣, 係咪值得. 我也聽過有屋企係習慣好夜瞓, 為左同小朋友相處多的, 專登比佢返下午班, 大家一起夜瞓.
我有個大既小朋友, 一路都係堅持要佢早睡早起, 到左小學要早上六點起身都無問題. 但我發現有好多小朋友, 習慣左夜瞓, 就好難再叫佢早瞓, 跟住要早起身, 就日日都唔夠瞓!