請問崇真主流VS 沙田朱小

ckh311

其實兩間學校好唔同，朱小係地區唔錯嘅小學，但6年後升中又再嚟過，因無中學backup，而崇真語境好，又有中學做backup，同埋應該無官津校咁逼。但你要考慮下係又有弟弟跟尾，如揀崇真，又唔係必收嘅，弟弟又要再考，萬一考唔到點算呢，再加上兩個學費，校車費之類應唔應付到。另外如入朱小，弟弟已經係必收生，學校亦算唔錯，可以好好考慮下。
你是不是朱小自行巳入和有崇真offer喇，如果係就再好好再諗清楚邊間啱小朋友啦

ckh311

原帖由 hkpapa852 於 14-12-09 發表
你地要攪清楚一件事，崇真小學係「沒有」任何直屬/聯繫官津中學

唔好意思，成日誤會間中學同小學有聯繫，因為啱啱撞到有個朋友個仔係崇小讀一年班，佢都話有中學backup而放棄咗個地區第一志願而讀，所以我以為真係有關係，真的抱歉

ckh311

原帖由 Nam2012 於 14-12-09 發表
回覆 apple0109 的帖子

唔出名？？朱小喺沙田都算唔錯，不過可能你有更好的選擇 ...

我小朋友幼稚園d同學媽咪話朱小係一線尾小學，都已經好好，入到都要還神

ckh311

原帖由 apple0109 於 14-12-10 發表
因為始終係村校, 佢一線既, 但係九龍既人都未必會識....

都係，因始終唔係區內最top個一兩間，除沙田區d人可能會有較多認識之外，其他區真係未必識呢d學校

ckh311

可否借位一問各位呀，因我琴日接小朋友放學時，其他媽咪講開下月揀學校排位，佢地話朱小已經差咗好多，小六派位一年差過一年，話啱啱今年田小都派得好過朱小，同田小越做越好，叫我地唔好揀朱小，請問有無人知呀

ckh311

原帖由 hkpapa852 於 14-12-11 發表
朱小係朱正賢嗎? 朱正賢上年小六畢業生有超過5成考/派入一線中學, 咁都話差? ...

朱小係朱正賢呀，我都睇過呢幾年有5成以上入band 1，其實都唔錯吖，個一刻諗莫非大家出口術嚇怕d家長，少d人揀，不過係我自己咁諗啫

ckh311

咁都要諗清楚要邊區學校，雖然話到時可跟住址，但因為呢幾年小朋友眾多，呢幾年爭幼稚園小學都爭到頭爆，可想而知6年後升中家長小朋友面對壓力一樣大，萬一到時候真係係深水埗或其他區讀小學，但中學時要轉區而跌banding就好傷，因為呢幾年始終競爭激烈

ckh311

朱小2012-2014升中分佈:
http://am.plkcjy.edu.hk/1214secondary_school.pdf

ckh311

大家參考下，其實入Band 1算唔錯

ckh311

原帖由 pineapple0983 於 14-12-15 發表
本帖最後由 pineapple0983 於 14-12-15 15:30 編輯

我諗樓主應該講深水埗間崇小

ckh311

係，有20分入咗先，你仲可以繼續校私小，到時有offer再決定

ckh311

原帖由 little_yolky 於 14-12-15 發表
你係校友, 大囡有20分, 細囝都係有20分的, 因為首名5分同校友10分不能同時用。
你係咪sure 20分一定入? 不 ...

你朋友小朋友勁呀，叩門成功，始終要叩門機會都係好少好渺茫

ckh311

原帖由 hong2002 於 14-12-17 發表
我家兩位公子早已升中，都是由SSP崇小升入沙田崇真中學的，雖然在崇真做了十年家長，自問不及各位對學校熟 ...

好大機會呢幾年，包括準備2015升中一嘅人數少，因為呢幾年出生率低，所以有機會俾你所講嘅情況發生，我家姐囡囡就係2014升中一，佢地個屆就係好似你咁講，連band 2頭學生都搏到上band 1，只要佢敢搏，但應該我地呢批家長同小朋友無咁好彩，出生率越來越高，起碼去到龍年，所以我地由小學去到中學再到大學都競爭激烈

ckh311

原帖由 hong2002 於 14-12-17 發表
你既講法係唔成立，沙崇校長親口說佢收100%band 1生，即是冇人跌到band！我冇意爭論，每人可以掌握們到的資 ...

咁因為沙崇本身係一間band 1頭中學，理論上一定會收得番哂band 1學生，但你講沙崇校長話無可能，我有d唔認同，因為沙崇校長昨晚去某間小學講中一填自行嘅talk，佢先話有機會俾某d學生搏到入band 1中學(其實佢意思係再搏好d)，但佢當然無講係邊d band 1中學機會大，因為佢講2015呢年有500個位多，但沙崇中學校長都強調自己收得到全band 1學生，咁我覺得一來睇學校級數，二來睇當年學生人數，三來要睇家長排位，好多因為會另到入邊間。

ckh311

原帖由 hong2002 於 14-12-17 發表
你既講法係唔成立，沙崇校長親口說佢收100%band 1生，即是冇人跌到band！我冇意爭論，每人可以掌握們到的資 ...

同埋分享多少少，因為我識一位沙田band 1嘅老師，佢間學校係band 1c，係邊間我唔方便講，怕影響學校，因為佢用朋友身份講俾我地知，佢自己都話自己都間學校雖然係band 1學校，但呢幾年都有好多band 2學生派到入去，佢話可能學校唔係band 1頭，如果學生成績好好又唔會將佢地學校擺先，一定會揀曾記，呂明才，沙崇呢d先，所以無形之中有d band 2學生入到，因為佢講俾我地知唔係叫大家唔好揀，只係講下學校有時都無得揀同老師都難教，因為有d學生追唔上。
所以我無意話你錯，不過有時有d嘢大家控制唔到，始終中學派位嘅嘢雖然話跟成績先，但內裏好多嘢我地唔知，排位排成點又唔知，唯有大家做好自己，俾心機讀書先

ckh311

麻煩請留意我係有寫明「沙崇中學校長都強調自己收得到全band 1學生」，我無意思話佢收唔到，I mean某d中學

ckh311

原帖由 little_yolky 於 14-12-19 發表
我哋到時細路多, 同佢哋唔同玩法, band 1邊緣人如果中學唔加學額, 唔轉區都可能要跌落band 2, 要有呢個心理 ...

贊同，我地呢批真係頭痛，可能到時候玩到兩者兼備先得「成績與操行」

ckh311

原帖由 little_yolky 於 14-12-19 發表
係就好, 我囡舊年攞咗個操行奬, keep住先

ckh311

原帖由 winnietingting 於 14-12-19 發表
多口問句，香港有中學收的全是band 1生嗎？？？

我諗你要問返沙崇中學個位家長先得，因為我唔係咁清楚，不過嗰位家長話沙崇中係100%收哂band 1生，咁我都相信係，因為我朋友仔仔今年六年級，咁啱沙崇中學去佢學校講升中一嘅talk，沙崇中學校長都強調自己中學係收哂band 1學生。

但只不過我個人認為係band 1頭同神級學校收哂band 1生當然無問題，但band 1c嘅中學，會唔會有可能收到band 2a嘅學生呢？呢樣不得而知，但我只可以講我認識位係沙田band 1c嘅中學老師，佢話自己中學呢兩年真係有band2學生成功派位入咗。
大家都知派位填自願呢樣玩法，無人夠膽講或知道所有人點排位，我相信梗有band 2a嘅學生家長會搏band 1c學校，重申我講band 1c啫，唔好話我講band 1a個d學校，因為唔想有家長誤會我睬佢間band 1a中學。所以不家可以諗下有無呢個升band or 跌band 可能。呢個世界咩都有可能發生，隨著年代唔同，玩法都唔同，可能再6年後我地呢批小朋友升中玩法又唔同，所以見步行步

ckh311

原帖由 hkpapa852 於 14-12-19 發表
呢幾年出生率低, 區區都話要減派.
不正常既派位結果因出生率低近2年係EK都有討論:

Agreed 只要敢搏就咩都有可能發生