請問崇真主流VS 沙田朱小

喜樂果子

在沙田區, 朱小係一間不錯的學校, 但講到語境又真係唔及祟小, 但又唔見祟小入中學特別出色, 如果比我選舉我會選朱小, 因為如果讀得好, 沙田唔驚無好中學收, 但祟小深水埗區中學網, 對女仔都還好, 深水埗有好既女校, 不過總括來講都係沙田區多D好學校.  但真係要睇你個小朋友有幾唔谷得, 津校功課, 考試測驗一定多D, 而且仲係朱小呢D區內好既學校, 學校點都要幫小朋友預備好考呈分試上好既中學.  另一個諗法就係如果家姐上祟小, 細佬一齊上既話會唔會經濟有壓力, 但如果唔上而走去派位既話, 細佬自行都應該無行架啦, 如統一又真係未必如你所願.

ckh311

其實兩間學校好唔同，朱小係地區唔錯嘅小學，但6年後升中又再嚟過，因無中學backup，而崇真語境好，又有中學做backup，同埋應該無官津校咁逼。但你要考慮下係又有弟弟跟尾，如揀崇真，又唔係必收嘅，弟弟又要再考，萬一考唔到點算呢，再加上兩個學費，校車費之類應唔應付到。另外如入朱小，弟弟已經係必收生，學校亦算唔錯，可以好好考慮下。
你是不是朱小自行巳入和有崇真offer喇，如果係就再好好再諗清楚邊間啱小朋友啦

hkpapa852

ckh311 發表於 14-12-9 10:49
其實兩間學校好唔同，朱小係地區唔錯嘅小學，但6年後升中又再嚟過，因無中學backup，而崇真語境好，又有中 ...

你地要攪清楚一件事，崇真小學係「沒有」任何直屬/聯繫官津中學

ckh311

原帖由 hkpapa852 於 14-12-09 發表
你地要攪清楚一件事，崇真小學係「沒有」任何直屬/聯繫官津中學

唔好意思，成日誤會間中學同小學有聯繫，因為啱啱撞到有個朋友個仔係崇小讀一年班，佢都話有中學backup而放棄咗個地區第一志願而讀，所以我以為真係有關係，真的抱歉

喜樂果子

其實有時家長真係太快落定論小朋友不能谷, 不能坐定家做功課, 其實如果小朋友不是SEN學生, 我相信如果家長同學校配合既話, 小朋友會ADJUST到, 而且一般津學唔會真係令到小朋友透唔到氣的.  最小朱小唔係會呢一類學校, 講真如果小朋友HEA慣左, 除左有中學BACKPACK, 如果唔係一樣要面對考中學, 就算有中學BACKUP, 一樣要面對DSE考大學, 其實HK既教育就係咁, 根本走唔出呢個局面.  其實依家睇返好多話語境好既學校都唔及一般津校考中學有優勢, 可想而知, 佢地既訓練真係唔可以講得全面.  

hkpapa852

ckh311 發表於 14-12-9 12:19
唔好意思，成日誤會間中學同小學有聯繫，因為啱啱撞到有個朋友個仔係崇小讀一年班，佢都話有中學backup而放 ...

我沒有怪責的意思, 只希望大家不要將"錯誤"資料繼續撒播

呢個"錯誤", 我明白其係學校間接做出嚟, 但希望大家盡量將正確資訊告訴給別人

Nam2012

回覆 apple0109 的帖子

唔出名？？朱小喺沙田都算唔錯，不過可能你有更好的選擇

ckh311

原帖由 Nam2012 於 14-12-09 發表
回覆 apple0109 的帖子

唔出名？？朱小喺沙田都算唔錯，不過可能你有更好的選擇 ...

我小朋友幼稚園d同學媽咪話朱小係一線尾小學，都已經好好，入到都要還神

dorothywing

apple0109 發表於 14-12-8 23:14
大囡讀緊崇幼, 有細佬尾隨都係崇幼, 本身家姐文靜、學術不強,  最驚多功課同測考, 鐘意崇小語境好, 有聯繫 ...

兩間已有offer嗎？還是未雨綢繆？

ckh311

原帖由 apple0109 於 14-12-10 發表
因為始終係村校, 佢一線既, 但係九龍既人都未必會識....

都係，因始終唔係區內最top個一兩間，除沙田區d人可能會有較多認識之外，其他區真係未必識呢d學校

ckh311

可否借位一問各位呀，因我琴日接小朋友放學時，其他媽咪講開下月揀學校排位，佢地話朱小已經差咗好多，小六派位一年差過一年，話啱啱今年田小都派得好過朱小，同田小越做越好，叫我地唔好揀朱小，請問有無人知呀

喜樂果子

ckh311 發表於 14-12-11 08:48
可否借位一問各位呀，因我琴日接小朋友放學時，其他媽咪講開下月揀學校排位，佢地話朱小已經差咗好多，小六 ...

我去過田小叩門, 比我印象好好, 不過田小如果講依家今時今日成績既口碑一定唔夠朱小.  不過每個人既要求唔同, 我無叩過朱小, 因為我唔會只睇普遍升中成績, 講真, 統一有好多選校既技巧, 唔係話你選就入.  講2間小學升中既情況, 我就真係無咩細心睇, 但我唔相信會差幾遠, 同時如果小朋友係頭果堆, 根本咩學校都無所謂, 但如果係中間果堆, 就真係可能有少少分別, 講真個遊戲就係咁玩, 你成績TOP有得選擇, 成績中間要有選校技巧, 成績唔好係無得選擇

hkpapa852

朱小係朱正賢嗎? 朱正賢上年小六畢業生有超過5成考/派入一線中學, 咁都話差?

ckh311

原帖由 hkpapa852 於 14-12-11 發表
朱小係朱正賢嗎? 朱正賢上年小六畢業生有超過5成考/派入一線中學, 咁都話差? ...

朱小係朱正賢呀，我都睇過呢幾年有5成以上入band 1，其實都唔錯吖，個一刻諗莫非大家出口術嚇怕d家長，少d人揀，不過係我自己咁諗啫

hkpapa852

ckh311 發表於 14-12-11 13:56
朱小係朱正賢呀，我都睇過呢幾年有5成以上入band 1，其實都唔錯吖，個一刻諗莫非大家出口術嚇怕d家長，少d ...

個位家長可能都係"聽人講", 而自己又唔係心儀朱小, 自己都費事去証實就信以為真, 於是一路傳落去.... 過程中, 一定有人受影響既

serenema

我雖然不是沙田區，但情況差不多，有崇小主流及地區津校不錯的offer,亦有龍b細妹跟尾，我最後放棄了津校，因為我發覺在好的津校需要keep住在精英班才可有普教中，亦要谷住留在精英班，我自己比較注重語言，認為如果錯過了言語學習黃金期始終不是太好。我不知朱小的情況，不過你可考慮吓。
將來入中學，其實是靠他們自己努力了。
當然學費貴是最大問題，仲要預埋細佬妹那份。