St.catherine offer

TJBB2012

[color=rgba(0, 0, 0, 0.701961)]我個 best fd 囝囝今年考St.Cat K, 佢話囝囝表現出色, 肯坐定，指令做足十成(朋友冇提過水），全程有反應仲笑容滿面，點知都係得 waiting，我都覺得好 surprise, 因為我朋友個仔真的非常醒目，未夠2歲已認得26 個英文字，又吾怕生保成日笑，佢話聽人講St.Cat 會 concern 個地址同父母職業，佢話終於証明係事實，佢非常失望，其實我朋友做銀行，佢老公係公務員，住宿舍（居屋）其實我覺得背景都吾係差，不過2公婆都吾係咩名校出身！想知道有 offer 嘅小朋友，無論N or K, 你地是否背景非常好或富有家庭？因為我黎緊囝囝都會in N, 所以比較 concern,  希望大家吾介意 share. Thanks!

vicki0506

我仔有st cat offer,面試表現好,父母職業亦唔算高尚,亦唔係名校出身,住居屋
所以收唔收我覺得唔太關背景事

micmic37

準備「借」地址、職業？

路過，純粹個人意見：盡咗力咪算囉，若果間學校真係咁階級歧視，勉強入到都唔好受

smellywhale

原帖由 TJBB2012 於 14-12-07 發表
我個 best fd 囝囝今年考St.Cat K, 佢話囝囝表現出色, 肯坐定，指令做足十成(朋友冇提過水），全程有反應仲 ...

你朋友囝用英文面試？定廣東話？

MELODY430

原帖由 TJBB2012 於 14-12-07 發表
我個 best fd 囝囝今年考St.Cat K, 佢話囝囝表現出色, 肯坐定，指令做足十成(朋友冇提過水），全程有反應仲 ...

我個人覺得睇你好唔好彩遇到手鬆定手緊老师，我女都waiting,但上年朋友超大B in得超好，走時同老师hug 晒都唔收

crown_629

我識幾個讀st cat嘅朋友，咁啱佢地全部背景都好好的。有個上年in PN group in 時喊冇答過任何嘢，但都有2nd in 然後仲要有埋offer，我朋友都話好意外

ozoz

原帖由 TJBB2012 於 14-12-07 發表
我個 best fd 囝囝今年考St.Cat K, 佢話囝囝表現出色, 肯坐定，指令做足十成(朋友冇提過水），全程有反應仲 ...

我喺sc 打滾咗一段時間，富貴同學有，平民有好多，甚至認識住屋邨，父母職業有高尚有普通，乜都有，至於父母係乜學校畢業，真係無問人，不過傾開小一自行計分，都唔係個個名校出身。大多家長都斯文有禮，識教小朋友類型，我見過一個家長係計較型，佢細女去interview之後唔收，佰思不得其解。收生準則好難講，入唔到咪無緣囉，當係學校睇漏眼喇，小朋友叻，去邊都叻。

TJBB2012

smellywhale 發表於 14-12-7 22:35
你朋友囝用英文面試？定廣東話？

冇問，不過我估英文！因為我朋友同佢囝主要英文溝通的

catli11

我小朋友都有offer，我兩公婆係普通職業，普通學校，普通地址。

gv2009

St cat 收生計分好detail，分好多items,
唔排除家長背景學歷係其中之一，但肯定唔係唯一，
人家收就收，有人家理據，
我地盡左力就算，何必深究
我囝上年pn唔收無2nd in, 自問表現都唔好，問咩都無反應，
今年k，表現好好多，有對答，有跟指令，有大聲唱歌，有say hi bye thankyou,推凳，
父母背景2年都一樣， 所以我覺得小朋友表現還是首要。

angie0828

原帖由 MELODY430 於 14-12-07 發表
我個人覺得睇你好唔好彩遇到手鬆定手緊老师，我女都waiting,但上年朋友超大B in得超好，走時同老师hug 晒都 ...

我家庭也是公務員！不有錢！我讀間中學執埋！可以说仔仔很好彩合眼緣，老師一見仔仔讚他很靚仔！in得正常吧！比起家姐就一定係家姐in得好好多，不過好明顯老師唔buy家姐，最後當然是waiting！

francoma

地址, 父母職業

我係SC家長，家長朋友仔任何地址同職業都有。唔敢話完全無關係，有的話都應該佔很低的百份比。

小朋友的面試不代表他的全部，平常心，一起同小朋友努力吧。：）

rsx

原帖由 gv2009 於 14-12-07 發表
St cat 收生計分好detail，分好多items,
唔排除家長背景學歷係其中之一，但肯定唔係唯一，
人家收就收，有 ...

好認同！始終離不開果幾個因素，只係唔同學校有唔同比重！我細仔都唔識答鼻有乜用都幸運有offer，真係撞彩！有時候，可能當時小朋友或者大人喺老師面前一個小動作可能已經被列入waiting之列！

所以隨緣最實際！我成日話葉問都係一個打十個，但佢地分分鐘一個打三十個，自問小兒冇可能打低咁多個，所以運氣都佔兩三成，到頭來十間神校offer都只可讀一間！而幼稚園始終都係叫學前教育，路遙才知馬力，take it easy la

Sausauyeung

我囝果日狀態大勇，part1&part2都表現很好，砌lego又砌到車車，又同老師打招呼，又叫老師，問題又快而準，英文in，肯回答唱咩歌之後又有唱歌。我以為收硬，點知waiting...唉！

艾文兒B

我囝囝有am offer,當日in得好但不是prefect，成7000幾人in，而家d小朋友好叻，做足100%大有人在，所以唔係做足就一定會收，個人覺得要有特別之處impress到個老師，又或者老師個本質適合st cat的教育。好多人話小朋友見得好好點解唔收？其實可能當日家長表現等都有參考

babykellie

回覆 艾文兒B 的帖子

十分認同你講句“所以唔係做足就一定會收，個人覺得要有特別之處impress到個老師，又或者老師個本質適合st cat的教育”。小兒對答環節未做足，唔識答眼耳口鼻用途，但係PART1環節，隔離倆個小朋友爭玩具喊起上來，我仔系隔離好關心咁講“唔喊，唔喊”，我地都覺得系個小細節可能令到老師加分卦

Noelpychiu

回覆 艾文兒B 的帖子

嘩! 成7000幾人考幾百個位, 咪即係1X個選1個 ?!   你小朋友AM OFFER, 叻叻

keep-calm

原帖由 Noelpychiu 於 14-12-08 發表
回覆 艾文兒B 的帖子

嘩! 成7000幾人考幾百個位, 咪即係1X個選1個 ?!   你小朋友AM OFFER, 叻叻  ...

7000 人中收200＋個（另400個位PN直升）即（30幾人揀1個）；假設答對全部問題表現好的有20％都有1400人，況且現在的小朋友很smart, 表現好的分分鐘多過50％

艾文兒B

原帖由 babykellie 於 14-12-08 發表
回覆 艾文兒B 的帖子

十分認同你講句“所以唔係做足就一定會收，個人覺得要有特別之處impress到個老師，又 ...

哈哈，我囝囝都係喺玩玩具環節時，旁邊個妹妹搶佢玩具，仲發脾氣掟落地，我囝跟住幫手執返，可能咁樣令老師記得佢對答環節掛住填問卷唔係好知做左乜，但聽到老師有一路讚做得好。另外，見好多家長話自己個小朋友一早識曬a-z,1-10中英文點解唔收？我想講我囝a-z只係識好少，我覺得呢d學術上既野喺面試黎講一d都唔重要，老師都係睇返小朋友性格，禮貌，與人相處，親子關係等。
Btw,你囝囝邊間校舍，我囝係雅息士道am,唔知會唔會係同學

sakbbjaijai

原帖由 艾文兒B 於 14-12-08 發表
哈哈，我囝囝都係喺玩玩具環節時，旁邊個妹妹搶佢玩具，仲發脾氣掟落地，我囝跟住幫手執返，可能咁樣令老師 ...

我都覺得識A-Z 未必收， 因為St Cat interview都無問A-Z, 我囡囡A-Z 都只係識好少， 都有offer,  佢interview時表現唔錯，有禮貌，肯唱歌，我自問自己表現都好好，無逼佢， 無提水，我覺得St Cat 都好睇你係乜野家長，眼見有好多家長interview其間好緊張，係咁望實個小朋友，驚死佢答錯，呢D 表現我覺得係其中一個小朋友答得好但最後無offer 嘅原因。