請珍愛我們的男孩子

wan_sosin

原帖由 S-Kwok 於 14-12-06 發表
如果放學時，各同學正在執書包，而其中一位同學因好奇剛從老師處收到的報紙內容，所以忘了執書包。

這時， ...

好奇心與不防礙別人，要取得平衡，社會係群體生活的！
我都有個超級有好奇心的仔，早兩年係幼稚園因為好奇而拆開老師件教具，可以欣賞佢有好奇心的，但別人的東西不能因為佢好奇而比佢整爛！
我仔而家小學，有時會話上堂悶而畫花自己本書，我覺得無問題，因為畫書唔等於佢無聽書！但試過手多畫同學本書，咁就唔得，要道歉，我同佢講，攞張紙自己畫都得，但人哋嘅嘢唔掂得！

wan_sosin

原帖由 little_yolky 於 14-12-08 發表
老實講, 呢啲研究我真係唔知有幾多成真, 亦有研究Gender既學者表示男女的分別大部份源自後天。我唔太同意男 ...

你講嘅可能係一部份，但古今中外都對男女仔天生嘅差異有相似睇法！
用科學角度，男女仔腦部係有唔同，女仔腦部嘅血流量比男仔多，傳導物質例如多巴胺嘅多少有分別，仲有其他總總…
男仔嘅睪丸素比女仔高好多，睪丸素亦是構成較活躍嘅因素。
論遺傳，古時男性要打獵，當然要更活躍及更有精力，且無需太深思熟慮，捕捉獵物靠反應快，所以男性亦較衡動！
當然人有例外，總有較中性化嘅人！
我見我嘅朋友，有D大嗰個小朋友係女，就好易用返教女方法教細嗰個仔，但個仔依然無咁聽話！我有朋友都話唔明，覺得原來仔真係唔同！

wan_sosin

原帖由 ha8mo 於 14-12-12 發表
我不是講放電
我想講碰撞

又唔係個細路唔想碰撞，係個呀媽唔想之麻！
你想講咩呢？
我仔好鍾意同我玩打架遊戲，不過同朋友仔唔玩得，係而家D家長掂都唔比人掂佢個仔之麻！

wan_sosin

awah112 發表於 14-12-13 10:12
cy 個女好攞父母命啊～～～

男仔女仔好,品格上都同樣可以好有問題.

呢代女仔唔簡單,雖然女仔多數不會動手動腳,但女仔好識用把口去傷人,一年班有D女同學已識得要求同學給與零食,否則話唔會同你做朋友,又識細細聲講人是非,眼神動作擺明笑同學仔.

男仔反而少會咁樣,唔妥就大大聲鬧過,打過.男仔有時輸在唔識修飾自己,容易比人捉到曳,女仔有時好識時務,知道老師/大人鍾意D乜就做D乜,所以講真,有時女仔都難教,心嗰句同口嗰句唔同.

所以,女仔唔一定就好過男仔,男仔也有優點,大家所長唔同.男仔有時係百厭D,但佢哋頭腦都幾簡單架咋,做錯咗唔好太怪責佢哋,慢慢話比佢哋聽應該點做.比多D機會男仔啦!

wan_sosin

原帖由 licpd 於 14-12-15 發表
在playground,我·真系見過有些女孩小小年幾已識你所說的，還沒見過小男孩這樣。：） ...

係囉，所以放大返少少男仔好嘅一面啦！

wan_sosin

原帖由 洋蔥頭媽咪 於 15-05-05 發表
完全同意，仔有仔好處，女有女煩，講是非，攪小圈子，初中就拍拖攪攪振，曳/壞起上黎絕唔少野。
雖然我都係 ...

而家女仔好大膽！唔學我哋以前怕醜，好多主動識男仔！
我都喜歡同男性相處多些，講句說話直接D都無乜問題，女仔就要小心有D說話會令佢唔舒服！大人同小朋友都係！

wan_sosin

原帖由 scyauchris 於 15-05-06 發表
回覆 wan_sosin 的帖子

同女仔講野要小心，我同阿女講野都要想清楚，費事小小事變大件事。 ...

我同個仔講嘢無乜避忌，有時鬥下咀當情趣！例如我話，你D咁嘅仔吖！佢又話返我，你D咁嘅媽吖！
我話佢，乜你咁架！佢答，我係咁架喇！
呢D都是輕鬆氣氛的對答！
男仔比較玩得，有時都幾好玩架！玩到老公話我唔好跟埋個仔癲，話我哋一個傻的，一個癲的！但這樣已經可以建立到關係感情！
當然當我認真時，我仔都唔敢怠慢！但有關係在基礎上，我仔都係好鍾意我！

wan_sosin

原帖由 little_yolky 於 15-05-06 發表
係呀, D女真係容易受傷的女人嚟。

上星期日, 出街玩完嘢多坐的士返屋企, 因為爸爸要攞個三桶櫃, 咁叫大女 ...

真係難攪！比我有個女我真係更加頂唔住，我好怕要氹人，我細個都無人氹我，我唔識氹人，我個人有時都掘掘哋，都係對住男仔好D! 嘈到拆天都好，轉頭又攬返埋一齊！

wan_sosin

原帖由 little_yolky 於 15-05-06 發表
最攞命係我同你差唔多, 但依家要 "學" 氹人, 真係活到老學到老

萬分佩服！仔女係上天比我哋嘅終極訓練！

wan_sosin

原帖由 awah112 於 15-06-24 發表
家有青少年，生人勿近
作者： 汪培珽 | 休閒風尚 – 2015年5月20日 下午4:23

男孩子就是這樣，唔好話十多歲的男仔，我7歲個仔都有些少這樣的脾氣，未得佢批準，唔比影相，勉強就只會影到佢黑面嗰樣，平時答我會用唔多耐煩嘅語氣話：得啦！知啦！學校請家長去參觀，叫我唔好去，唔洗睇佢表演！
但我同佢其實關係好好，佢早幾日心情好，會同我講，唔可以無咗媽媽，平時都好鍾意同我傾偈，但就點都有佢自己嘅性格！
所以要明白男仔，佢哋處理關係就係咁！唔係佢唔鍾意你，係佢會定佢自己嘅界線！

wan_sosin

原帖由 cherrieshum 於 15-07-09 發表
男仔特別得父母疼錫，因為好糊塗，需要額外照顧，而且男仔又幼稚，搗蛋、粗魯和竊身。
一個仔等於三個女（ ...

你形容得幾得意，我都無聽過1個仔=3個女！

我只聽過，1個SEN小朋友=4個細路，咁我等於有幾多個女呢