如何選擇PN/K1 Offer

charger

睇到好多Post都系討論Offer嘅選擇，我都面臨同樣嘅問題。先講講自己嘅惗法。

考慮1:地點
比重: 15%
呢項好容易惗，例如校車單程1個鐘內我可以接受。


考慮2:學校硬件
比重: 10%
呢項都好易睇，好易惗。大家都鐘意新D，大D，幹凈D，有Outdoor，出入方便，安全......


考慮3:學校軟件:辦學目標，決策人的專業素質，學校行政管理。
比重: 30%
學校目標是否以賺錢為優先？課程設計？能否搵到合適的老師職員？保持並不斷提高專業水平。與時並進。
呢項好緊要，但好難得到完整嘅資訊。好多時見到D家長由面試，同學校嘅電話，同個別老師幾句對話，甚至員工是否有笑容，笑容是否勉強來判斷系唔系鐘意某間學校。呢D都系好片面同唔可靠的主觀判斷依據。除非你系校董成員OR識得校董/校長，否則呢項對大部分家長來講都無法客觀評估。只可由用家Share經驗，口碑，傳聞，學校網頁，Open Day/Interview 嘅觀察來評估。


考慮4：同學
比重:15%
一間學校好唔好，一半要睇入學學生嘅素質。正如一道好菜，除左廚師要勁之外，食材都要好先至得。
而學生素質，某程度也和同家長素質掛鉤。學生如果整體素質不匹配，學校好難教得好。
神校/名校點解好，有個重要原因就系學校可以選到最好素質嘅學生。出來嘅結果自然好，呢個系互為因果。，良性循環。
去到唔同類型嘅學校Interview，好明顯感覺到面試嘅家長小朋友都唔同類型。


考慮5:學校課程是否合適小朋友性格
比重: 5%
呢項聽落好緊要，但其實冇太大嘅意義。人是非常復雜同非常難了解嘅。好多人咁大個自己都未必了解自己嘅性格能力。何況要了解不斷成長改變中的幼童。好多家長只是“希望”自己嘅小朋友如何如何，例如英文/中文學好D，學術深D，Presentation好D，品格好D，自理好D，適應團體生活，學習Social Skill......等等。但是一間學校是否合適某個小朋友，真系好多不可控因素影響。好難預先估計到。好多時要上過一段時間先有所感悟。因此家長對同一間學校嘅評價，可以系完全相反嘅。神校上過都有人覺得不外如是。口碑好差嘅學校都有人覺得好好。

考慮6：錢
比重:0%-50% 平均25%
視乎各個家庭經濟狀況，比重可以好唔同。
最緊要系，最貴未必最好。有D學券學校好過一D九龍塘貴貴私校

對於點選擇Offer，大家又如何考慮？

megumiyu

其實最重要係學校有有冇俾offer你...
到你offer多到唔識揀嘅時候，再慢慢想也未遲…

charger

可能我過分擔心個B冇書讀，報左十幾間學校，Interview 左7間，已有4個Offers，2個waiting，1間未有結果，所以都需要好好地諗下，只留位想要嘅，唔好霸住D學位。所以都寫低自己D諗法睇下有冇版友有更好嘅選擇思路。

ngroni

原帖由 charger 於 14-12-04 發表
睇到好多Post都系討論Offer嘅選擇，我都面臨同樣嘅問題。先講講自己嘅惗法。

考慮1:地點

考慮4：同學素質重要

sheepyland

我覺得am or pm offer都好重要

karinawong1031

升小前景都要考慮，俾我係佔30%

vincentchun

我覺得學校課程是否合適小朋友好重要，有d小朋友適合傳統教學，有d適合IB,如硬要將適合傳統教學既小朋友讀 IB,小朋友會讀得好辛苦

karinawong1031

回覆 vincentchun 的帖子

同意，不過報N同K，小朋友仲咁細，好難睇到佢係咩TYPE，所以真係好煩惱

charger

karinawong1031 發表於 14-12-4 22:49
升小前景都要考慮，俾我係佔30%

系，冇錯，呢個都好重要，除左選龍校之外，應該點評估至啱？

charger

sheepyland 發表於 14-12-4 22:29
我覺得am or pm offer都好重要

同小朋友嘅生活習慣配合都好緊要，但好多名幼稚園到K2，K3都只有全AM或全PM。到時都要適應。

karinawong1031

回覆 charger 的帖子

主要睇派小學情況，除咗龍校同半龍，雖然大多數都係靠大抽獎，但係派到咩學校某程度上都反映該校學生家長既喜好、學生的能力同學習水平。唔一定要好谷學術，但係如果學校可以培育到小朋友愛學習，求知慾強，性格主動，其實呢啲都會反映响家長點樣去揀學校同派到咩學校

meri1231

12月Ｂ，同時有PN 及 K1 am offer! 大家會選擇？

keep-calm

考慮5:學校課程是否合適小朋友性格

SK5

原帖由 meri1231 於 14-12-05 發表
12月Ｂ，同時有PN 及 K1 am offer! 大家會選擇？

我都想知。thx!

charger

原帖由 karinawong1031 於 14-12-05 發表
回覆 charger 的帖子

主要睇派小學情況，除咗龍校同半龍，雖然大多數都係靠大抽獎，但係派到咩學校某程度 ...

好多學校都冇公布升小結果，邊度搵資料？有公布D學校，我見到隔一年升小結果有好大唔同。我覺得好難參考。

charger

有冇招數點睇學校是否適合自己個小朋友？

charger

原帖由 meri1231 於 14-12-05 發表
12月Ｂ，同時有PN 及 K1 am offer! 大家會選擇？

上到K1何必要浪費時間金錢和小朋友的青春？將來大把機會留給你考慮repeat。

小朋友大個左可能會怨你點解我老過曬D同學

erikobb823

原帖由 charger 於 14-12-04 發表
睇到好多Post都系討論Offer嘅選擇，我都面臨同樣嘅問題。先講講自己嘅惗法。

考慮1:地點

你分析得非常好。

我個人rating最重係軟件,同你一樣(即老師質素，有無愛心，係咪小班教學，學校行政安排係咪systematic etc)。

其次係學校硬件，咁細個返幼稚園，理應係learning through play, 所以空間感同校舍規模我個人覺得幾緊要，的確有朋友個女因為間學校校舍太細，返左1個月學同我朋友講返學好悶，學校好悶。

同學質素亦係非常重要，小朋友模仿力超強，朋輩影響力不能睇少，家長響屋企點教小朋友，小朋友會響課堂上反映哂出黎，所以要睇同學質素，先要睇家長，暫時呢方面只能從interview時觀察。

以上純粹個人意見，不喜勿插。