學券幼稚園和小學大抽獎嘅關係？

ssshk

有啲問題想請教大家，有啲有學券幼稚園話冇直升、聯繫小學，但點解每年會大比例偏向升某些小學？扣除必收生，大家都係大抽獎姐，但見有啲有學券幼稚園公佈返自己大部份學生升去某些小學？例如升返區内同宗教嘅小學，冇受洗又得15分嘅學生一樣升到。咁同時想讀冇學券幼稚園其實對升津小派位機制反而冇乜幫助？（當然叩門出名啲）

kbi

原帖由 ssshk 於 14-12-03 發表
有啲問題想請教大家，有啲有學券幼稚園話冇直升、聯繫小學，但點解每年會大比例偏向升某些小學？扣除必收生 ...

無，津小是抽簽，與讀那一間幼稚園無關，讀沙頭角幼稚園都可以抽到喇沙。

hehawendy

大抽獎 即統一派位是按住址分校網去抽，唔可以跨區既！

ssshk

呢個問題我都有喺小一嗰邊問左，而家明明地喇

ssshk

因為成日聽到朋友話某啲幼稚園多數升咩津小，心中有疑問乜唔係大抽獎咩？其實學校post出來的升小數據通常唔會分自行/抽獎/叩門

Elenalan

其實如果心儀津小有機構/宗教背景，通常幼稚園都會揀同機構/宗教，咁自行和叩門機會都大d, 抽獎亦會排第一志願，所以出來結果會令人以為幼稚園和某些津小有聯繫，其實結果純粹係反映家長取向。

ssshk

原帖由 Elenalan 於 14-12-04 發表
其實如果心儀津小有機構/宗教背景，通常幼稚園都會揀同機構/宗教，咁自行和叩門機會都大d, 抽獎亦會排第一 ...

明白，多謝你地嘅分享呢

Potato001

原帖由 Elenalan 於 14-12-04 發表
其實如果心儀津小有機構/宗教背景，通常幼稚園都會揀同機構/宗教，咁自行和叩門機會都大d, 抽獎亦會排第一 ...

同意，所以學券幼稚園的小朋友，多數升讀附近的官津小學，甚少有直資/私小，未必係小朋友考唔到，而係家長冇報名。