資優和認字

mandytanghk

想問有冇小朋友係資優但唔係好早認字 ? e.g. 3歲後只能認讀簡單字, 如 人口手門爸爸媽媽.
又有冇小朋友唔係資優但好早認好多字 ? e.g. 2歲多已能自已閱讀.

其實認字同資優有冇大關係呢?!

iamadc

我仔歲幾認到英文字，兩歲幾讀到英文書。我唔知佢係唔係資優，因為佢只愛觀察，不愛問問題，又唔答老師問題。學校覺得佢無創意，無求知欲。我覺得係topic 唔對，佢無興趣

hahajen210

i wanna know the relationship too!
At 2 year 1 month old, i discovered my qal can recognise both english (over hundred words ) and following chinese words without any pictures.  by 2.5 years old, she can read aloud a whole english book (new book to her) by herself without much difficulties, even though when she encountered new words, she tried to pronounce it logically.

一、二、三、四、五、六、八、手、紅、黄、橙、紫、白、黑、搖鼓、鼻、頭、眉、腳、耳、眼、弟弟、哥哥、爸爸、姊姊、姐妹妹、跑、走、蹲、踢、狗、圓形、獅子、馬、蛇、猴子、老鼠、大象、廚房、浴室、星形、心形、碟、杯子、車、搖搖馬、積木、窗、枕頭、洋娃娃、牀

she loves asking questions, creative, learn new words after i read to her 1 ~ 3 times, good memory, active, i started to observe her after her playgroup teacher told me that she might be gifted

tckc6789

原帖由 hahajen210 於 14-12-03 發表
i wanna know the relationship too!
At 2 year 1 month old, i discovered my qal can recognise both en ...

Wow

lillymarie

mandytanghk 發表於 14-12-3 14:37
想問有冇小朋友係資優但唔係好早認字 ? e.g. 3歲後只能認讀簡單字, 如 人口手門爸爸媽媽.
又有冇小朋友唔係 ...

我相信如果是言語資優的孩子，好早就懂認字和閱讀。若是其它類別，例如數學資優，就未必。
我囝囝8歲前認字好普通，甚至有少少落後。經過我努力伴讀後，出現「爆炸性」進步。

不論孩子目前的表現如何，盡力教吧。你肯教，他肯學，一定會有進步的。

另外，我相信智商和能力是會隨着孩子所付出的努力和經歷改變的。

mandytanghk

回覆 lillymarie 的帖子

Thanks,
我有2個囝,
大囝很早認字, 2歲多已能自已看中文書 ,3歲識重組句子, 記性等別好, 但除左中文,其他唔係特別特出.  但敏感性格令人頭痛. 其實言語資優是否可評估出來 ?!

細囝認字只是普通, 但數學好似幾好,  現3歲多砌60塊puzzle, 懂得看時鐘,計簡單加數. 暫時情緒ok..易攪好多.

你講得對, 希望教好佢地, 特別係可以同其他人好好相處 ..

.

lillymarie

回覆 mandytanghk 的帖子

是否資優，會影响你的教養方法嗎？小朋友有這方面的能力又有興趣的話，不做評估都會顯現他的才能。
資優是潛能，若不經過適當的訓練，表現出來的結果可能和資質普通但有濃厚興趣和勤力的人一樣，甚至不及。

我仔仔二年級時，老師對我說：「不知點解他數學那麼好。」但他對數學的興趣不大，現在六年級只是比同齡超前一年，測驗時因有一數學概念未學得透徹，答錯了竟然得C。講真，他若不認真學習，好快就會被同學追上。

反觀英文，起初盲字都唔識，又無寫作技巧。四年班時老師話佢有好多寫作主意，但唔識編排，結果寫到一舊舊，唔知佢講乜。我於是請補習老師教他寫作教了幾個月，他就突然好似開咗竅咁，六年班時再遇上同一位班主任，老師話佢進步咗好多好多。真是「唔學唔識」。

BTW，個人意見，言語資優可以有好多方面，但一般學校會看小朋友的寫作能力。認字和閱讀理解可以操，但寫作就難些。

人生是長跑。我覺得最緊要小朋友心靈健壯，待人接物態度良好。做媽媽的，只盼望他長大後能好好地生活。

mandytanghk

回覆 lillymarie 的帖子

多謝你的意見. 好認同"心靈健壯，待人接物態度"最重要.

小兒呢方面雖比之前有明顯進步, 但仍有很長的路走, 做媽媽既, 只希望佢能繼續進步, 可以結織自己的朋友並能對其他人暢所欲言.

sibylyau

我個女1歲11個月, 已經成日問人你做緊乜你睇緊乜? 問好簡單既問題....有次佢問婆婆:你睇乜呀?   婆婆:股票?  我囡: 股票係乜?....

我吾知呢D係咪資優, 但我吾覺得佢特別聰明, 但記性很好同理解力比我想像中强, 中文字我地隨意見到就教, 個掛曆有個福字, 教左幾次佢去到边只要見到呢個字都會指住講"福"。

砌LEGO無教過佢, 佢自己砌左車車出黎再放個人仔上去坐...1歲9個月已好有羅緝咁用LEGO砌左BLOCK野出黎再係上面加D花花...我就覺得似個蛋糕....呢D我都無教過佢...

我好AMAZIING做乜佢會砌到同我有D吾相信, 但我吾知我可以點發展佢長處....

但佢A-Z都未識得晒, 26個字母只認到1/3, 1-10間中會數錯...但我問佢有幾多個MINI公仔, 佢又UP到話佢有兩個...

wan_sosin

原帖由 sibylyau 於 14-12-08 發表
我個女1歲11個月, 已經成日問人你做緊乜你睇緊乜? 問好簡單既問題....有次佢問婆婆:你睇乜呀?   婆婆:股票? ...

又唔需要執著資優呢D名稱，尤其小朋友咁細，有無限可能，你見到佢有幾聰明就係幾聰明！資優唔一定每方面都優勝，正如每個人都有唔同強項，全才資優少之有少，我接觸過的資優小朋友，都唔明顯係成日講嗰D,一兩歲識睇書，兩三歲識寫作嘅小朋友！
但理解力，記憶力，專注力(可能只對有興趣的事物) 都比較好！有D空間感好好，自己畫迷官！
只要理解力，記憶力好，將來學語文都已有幫助！

sibylyau

wan_sosin 發表於 14-12-9 07:37
又唔需要執著資優呢D名稱，尤其小朋友咁細，有無限可能，你見到佢有幾聰明就係幾聰明！資優唔一定每方面都 ...

你講得岩....所以我乜玩意都比我個女試下, 睇下佢對乜有興趣再加以栽培....同而家真係中細, 我都吾想太早迫佢認字之類, 返學先學都未遲...但就希望發揮到佢長處...同第一個小朋友, 有好多時我都覺得自己吾太識教...

wan_sosin

sibylyau 發表於 14-12-9 11:03
你講得岩....所以我乜玩意都比我個女試下, 睇下佢對乜有興趣再加以栽培....同而家真係中細, 我都吾想太早迫 ...

你已做得好好!兩歲未夠,仲係BB,最好就係乜都玩一餐!

好明白你有D唔知點算好,我都兜兜轉轉幾年,而家先叫清楚多D方向,我都係係EK向D好有經驗嘅JM學習,佢哋都教咗我好多嘢.

manmanchubb

其實一個道理，你願意教，他便會吸收到，愈多教，認讀能力當然提升，
約歲半發現阿囝玩一個英文玩具兩天內自動分到大與細階A~Z.
自始我開始加入生字比佢認讀，兩歲中英都認到了好多，我沒刻意去記，
因為我一般以60～ 100字為一terms.然後我整批字轉另一批。
只記得26個月開始每天都可講故事我聽，先是英文後是中文，
到目前我倒不覺得是什麼資優，只覺他因為愛閱讀及對文字線
條很敏感。他已能自行閱讀ORT stage 8，他現在還未到5歲。
當然當中有些少見或特別名詞也須我去註解，一般在他讀完理解後我再問個故事內容，然後我會再伴讀與解釋故事，
現在世代很多真假資優不足為奇，
但資優其實都會有很多行為問題須要解決糾正，
慢慢認識及摸索孩子吧，現在年紀還少

阿女爸爸

幫佢發掘自己興趣，揾到後再培養和發掘該興趣嘅相關知識。勿强迫。

tckc6789

Agree

scyauchris

有小聰明温書態度唔認真有乜用。我女2.5歲已砌100塊砌圖，3歲多發現佢不是文盲識睇書。現在差不多8歲，人生目標是看書，乜都唔做！學校成績中上，一定不是top.  資優只是數字，就算係學校都無乜support.

lillymarie

scyauchris 發表於 14-12-27 17:15
有小聰明温書態度唔認真有乜用。我女2.5歲已砌100塊砌圖，3歲多發現佢不是文盲識睇書。現在差不多8歲，人生 ...

我覺得中上已夠好了。最近我朋友分享她兒子由細到大都考第一，直到中四那年突然對她說他對拿第一感到好厭倦，說不想再那麼努力讀書，要追尋他的人生。結果成績一落千丈，僅僅合格，到畢業前一年才夢醒要考大學，追進度追得好辛苦，勉強夠分讀他想讀的科。一額汗！
只要不是落後，開開心心返學，到緊要關頭才發力。做父母的會無咁驚。

scyauchris

回覆 lillymarie 的帖子

我都無乜要求，只是希望佢留心上課和認真温習。小二有幾多書要温，認真温好快温完。我不期望佢第一科科滿分，只希望佢生活有平衡，可以玩做自己想做的事情。今個聖誕假因為自己問題，帶唔到佢每天出去玩真係對佢有些抱歉。

cwy12

回覆 lillymarie 的帖子

我都想知點為知語言資優呀?  我囝啱啱1歲四個月, 已經讀到好多英文字咭係冇圖畫既, 有圖畫既就更加多,
每次番playgroup 遇過好多唔同既老師都讚佢smart, 我唔想埋沒左阿囝既天份, 係咪要等佢大左先知架? thx