已有offer 既家長可分享小朋友既面試表現嗎

crossfinger

好想知道，　有ＯＦＦＥＲ　既小朋友，　係唔係個個ＩＮＴＥＲＶＩＥＷ　時都做到哂老師問既問題同ＴＡＳＫＳ？　

cheunglai

我個仔唔係，佢唔睬老師，講野超細聲扮怕羞，但我心儀的幼稚園仲未收到信，現在收到信的只係次選

lizyip

我仔唔係全部都做到老師既指令，講自己個名都唔正。。。
有ＯＦＦＥＲ，　不過我申請ＡＭ，　佢俾ＰＭ　

Vinccy

我仔自己名未識講，成隻樹熊，指令做到,收到一間AM一間全日一間備取

fifibibi

In左廿幾次既經驗， 係要做到佢地既test

964000

其實除非神校。其他學校都不一定只收in 得好個D，否則好多學校收生不足

yan826

而家收到第一個offer (唔係名校) 果間我仔有問有答, 問佢咩名幾歲同邊個黎, 問左一輪玩左一陣老師行開左我同佢繼續玩...當時同佢玩緊爆谷粒粒, 有5個杯14粒爆谷, hea晒出黎一隻杯幾粒咁, 到老師行返埋黎叫佢請老師食佢又肯比, 比媽媽食又肯比, 跟住老師比架車佢玩, 佢竟然將手頭玩緊果堆爆谷收拾好先接老師架車 (我無要求佢咁做的), 懶有條理咁, 最後老師送禮物佢雙眼發光咁接住, 因為係架車...結果收到am offer, 如果有幸有其他offer再分享

keiman0613

大部份做晒老師指令，但需要家長引導

mic_sin_mic

Del

Katherinee

我仔全程唔講野但所有tasks做到，雖然未出結果但感覺學校會收講野的學生，因為考d指令同考pn冇分別，應該係睇講野為主。最慘係我仔平時好多野講，完整句子好長都識講，但老師問我佢係咪唔鍾意講野

crossfinger

咁其實面試都唔係考講野，我都安心啲

JenTam

有答老師但好細聲，task做到九成。老師叫佢俾嘢老師，第一次唔肯，問完其他再問第二次先肯俾嘢老師。有pm offer.

piggymonkey

我同阿囡in 咗13間k1, 2間pn,  到而家都係一入班房in 就樹熊上身，死箝住我，要氹好耐先肯落地自己坐，做task 大部份做到，但答老師就超細聲，同埋要重覆問幾次先肯答，有幾間仲有失控既表現。so far 而家有5間k1 及1間n 已放榜，當中4間k1收，1間k1 waiting,  1間pn 收，所以都唔係要做到全部task 先收，反而我覺得有嘢impress 到老師，印象深刻會重要d

crossfinger

咁你本身申請am?

crossfinger

原帖由 piggymonkey 於 14-12-03 發表
我同阿囡in 咗13間k1, 2間pn,  到而家都係一入班房in 就樹熊上身，死箝住我，要氹好耐先肯落地自己坐，做ta ...

成績都唔錯

bonmom

我個仔好玩野,有時會故意答錯,俾多次機會又會答啱,要走又唔肯走,trouble 2上身。不過佢好主動講野,有自信問老師問題(佢想interview老師?)。

我覺得最緊要係:
有禮貌(例如我個仔會識得用"請問"問其他小朋友攞玩具玩,打招呼,同人講野有眼神接觸)
主動學習(問老師問題,留意身邊事物)
有自理能力(會自己執玩具,拍好張凳)
基本溝通能力(未講野唔緊要,最緊要老師問野要有反應)

如果有野impress到老師就更好,我都覺得阿仔有答到一D出乎意料又合理的答案,好明顯唔係答面試班果D行貨,老師一定會好滿意。

艾文兒B

暫時只收到SC的信，感恩有am offer我仔係好開朗的小朋友，入到學校會周圍同職員打招呼，亦有禮貌，會主動講多謝，唔該等，同小朋友一齊玩會分享玩具，比人搶左都無反應，答問題答曬，亦肯唱歌，大小肌ok。基本上我認為學校係喜歡一d開朗，有禮，自信，獨立的小朋友。

crossfinger

艾文兒B 發表於 14-12-3 12:26
暫時只收到SC的信，感恩有am offer我仔係好開朗的小朋友，入到學校會周圍同職員打招呼，亦有禮貌， ...

恭喜你呀﹗

fatfathippo

我个仔是细B+慢熱，特别面对陌生人或事時，他愛先安静觀察才比反映，如果他覺得不合理，他會返問你或同你講他留意到什么。
不止一次，老师問我个仔在家是否不愛說話/未講野。
感恩！最后关頭，他总回覆一些特别答案。
老師眼神也立刻改变。
个仔in5間，5間都收。