分享我仔呢一年嘅進步,正能量!(比較長)

尚臻mam

你真係好好心機唧媽咪.我仔剛剛3歲上個月睇佐私家評估.確定有言語遲缓！社交障礙.排緊D言語治療堂.因為個仔冇眼神交流.唔識表達.溝通真係好辛苦.依家上緊k1整日被老師投訴坐唔定！唔聽指令！鹦鹉学舌.....搞到我壓力好大精神緊張！😭😭

catmervin

聽雨聲 發表於 14-12-17 21:16
回覆 catmervin 的帖子

咁即係i位老師都搞佢唔掂,佢有無建議你轉s位?就算係两兄弟情况都會唔同咖,哥哥做到 ...

係有點搞唔掂，佢話要俾心理學家觀察吓先，先至作建議。當年阿心理學家都建議兼收老師叫我改排s位，但係兼收老師拒絕，覺得我大仔跟到。但現在聽兼收老師的評語，似乎不太樂觀。哥哥現在小一，成績幾好，改善咗好多。

longlongchen

好無愛心嘅老師，我個仔都係今年讀k1,言語整體發展遲緩，加踩界，但d老師好好，搵我傾，同埋支持我，間學校好好

Olympian

原帖由 聽雨聲 於 14-12-01 發表
本帖最後由 聽雨聲 於 14-12-1 00:11 編輯

我仔舊年5月cac評估自傾,排i位,舊年十月先開始做關愛基金的幼 ...

好感動！媽咪好叻！

聽雨聲

回覆 尚臻mam 的帖子

咁你個小朋友有無做緊咩訓練或者排緊咩位?遇到個唔好嘅老師的确令人難受,我仔之前都無學校收添呀,不過如果老師唔好我寧愿自己凑加出外面訓練,因為返得辛苦又學唔到嘢。不過你再同學校傾下睇有無得改善啦。平時自己多問小朋友問題逼佢講嘢，我仔老師昨日剛教我點訓練我仔安坐同專注,佢話我仔最多得十分鍾專注,叫我開始俾佢做佢中意做嘅桌面訓練,例如拼圖。每次做完一定要奖賞，慢慢再加另一樣訓練，令安坐時間同專注加長。我之前忽略咗練安坐,同我仔係好超心急嘅人,老師話訓練時要常提佢要慢啲，連我平時同佢一起時嘅步伐都要慢啲。

聽雨聲

回覆 catmervin 的帖子

你係二月頭定尾去評估?如要轉就趁派位前轉呀，你問返醫務社工最遲幾時要轉。咁你就好大機會出年可以轉到啦。因為佢老師咁講都好似有啲提示咁

聽雨聲

今日學校去西貢玩,第一次見到個仔肯拖住小朋友只手行,拖得好實又行咗好耐

尚臻mam

D位冇排！！（私家醫生同老師暫時冇建議我排）训练排紧私家.言语治疗.等下月底上堂！话逢星期六一堂！觉得好少！好多謝你唧分享..我仔專注力都系好差.在加上坐唔定⋯.你響邊家訓練上堂可否pm我？

尚臻mam

叻佐！加油!!！努力＂

聽雨聲

回覆 尚臻mam 的帖子

暫時無去私家做訓練,不過都打算俾佢每星期加一堂感統,希望對安坐有幫助。就算幼稚園可以包容,都要幫小朋友練返好打好個底上小學，如果唔係到時大家都辛苦

聽雨聲

其實你應該排下e位,見你講個啲問題都有需要排呀，點解醫生無建議?e位訓練便宜好多又有針對性

聽雨聲

前幾日嚮Aeon買咗本反覆描寫練習本俾佢學寫大小英文字母同數字,進步好好,練咗幾日就識1237810，俾啲字母佢玩串字,而家已識串超三十個字。昨日一見個生日蛋糕,即時拼咗個cake出嚟!而且而家可安坐三十分鍾左右做功課,又會自動拿本運筆練習自己跟住劃，雖然劃到無咩力,講嘢又未得但已感满足!越嚟越有信心出主流!

DENNIS201

聽雨聲 想問你小朋友當時歲半 or 兩歲既情況係點架 ?

聽雨聲

回覆 DENNIS201 的帖子

到两歲都唔識講嘢,又唔睬人,無手指指,只玩車輪,完全無表示餓,口渴。俾佢食就食飲就飲,唔俾佢佢又唔會扭要食或飲。俾嘢佢食要喂到埋口,放嚮面前都唔識拿嚟食。俾個包佢拿住食就丢落地。對手完全唔肯拿嘢。但佢坐爬行同普通小朋友識嘅時間一樣,但出街一定用bb車,因佢亂跑唔會理我有無跟住佢。係認知好差,當時28個月去cac評醫生話我仔只不過當我係幫佢做嘢嘅工具,當時我聽到好傷心。佢只識拖我手去拿嘢。評個時佢識講五個詞左右。睡眠好差,夜晚要起身飲两三次奶,差不多三歲才戒了夜奶可以一覺到天光!玩千秋喊,sir滑梯係趴著sir。暫時記得係咁多。

聽雨聲

唔記得講佢最中意玩開關門，櫃門櫃桶可以玩個幾鍾,中意睇lift門開關，平時行街見到啲門就行埋去睇,睇門隙睇線，以前睇到唔肯走,而家可以一叫就走。未戒到呢個行為，而家進化到會用書、盒、玩具扮門開關,仲發埋聲,嘀嘀嘀,扮地鐵聲,校車聲,巴士。唉…我無强行制止,無咩傷害,而家就由得佢扮,俾佢當抒發壓力吧。出街就盡量唔俾佢去睇咯,昨日發現佢學識劃两個長方形扮門

聽雨聲

仲有斜視墙邊跑,自轉等。唔好意思,我記起一啲就寫一啲。

DENNIS201

好詳細...我仔好多野似會自己解決,如去拿野食,開蓋等,如做唔到佢唔會做
開唔到蓋會拎去我隻手度叫我開

聽雨聲

比我仔叻好多,以前佢真係咩都唔識,係完全無意識要去做嘢。我當時超驚佢嚴重弱智

DENNIS201

咁你仔幾歲識有意識咁講野 ?
例如要水水咁

DENNIS201

現時1歲8個月

特徵：
叫佢名唔理,除非連續叫多次或用其他野利誘佢
少說話,要求野時會叫媽媽/間中叫爸爸但唔準確,同餅餅包包等要求性字
唔比佢想要的野佢(例如餅),唔會指但會泵地,耐左都唔比,佢會繼續發脾氣,最後走開
間中開心自轉-唔比佢做會做其他野,唔會發脾氣好似無左件事
撞頭-會撞窗門,唔比佢做會停
腳尖行-見過一次但唔多
尖叫-唔算多但可以叫得停
訓教會用同一個表面較涼的枕頭,否則好耐先訓到
反轉架車玩車輪
鍾意玩可以轉的野(家中玩具/公園玩井字過三關/會所)
喜愛iPad,似會自己入想玩的app(ABC果類)/睇電視(幼時見到特別電視位會喊)
手指指野唔太得-除非準備搭lift遠遠「出定手指」去按
爸爸媽媽入屋會好興奮衝埋去,爺爺麻麻亦係,間中會叫爺爺,如少見的叔叔入來會喊但好快停之後同佢玩
無排列過車可能屋企無乜車仔
講街街/沖涼/餅餅會聽得明,立即衝去
極愛揭書,例如數字書或字母書.對音樂敏感
目光交流同父母算不錯,同媽媽爸爸玩時會望你眼好幾秒,出街會週圍望,唔太怕人(會同看更/陌生人玩),唔太怕環境轉變,可能在不同餐廳食野多或成日去街
鍾意周圍跑/爬,例如係餐廳坐唔定,除非有野食/手機睇卡通片
BYEBYE飛吻可以,但似背左咁
喜歡食薯條,例如將一條薯條與及包皮扮薯條,左右移動亂擺位都會拎到薯條準確放入口
單手叉野食可以,匙就未算準確.較偏食,如提子乾
歲多識行,現識扶野上樓梯,落就未算得,未見過跳
去公園玩會用背向方式用腳先落玩滑梯,千秋都喜歡
去會所玩會周圍跑同叫,如有年齡相若或較大兒童(無論主動行去或被動行埋身)可以一齊玩手上件玩具但欠眼神交流,覺沒趣會走,不會反應過激
歲多教佢套圈圈可以,入籃可以但唔識射波,會準確入銀入錢箱