分享我仔呢一年嘅進步,正能量!(比較長)

聽雨聲

我仔舊年5月cac評估自傾,排i位,舊年十月先開始做關愛基金的幼儿導師訓練，同時也有參加一間私人訓練,媽咪陪埋一起上堂學技巧的。當時我仔係講外星話，鸚鹉學舌,唔識手指指,唔識跳,唔聽指令,做感統時樣樣都唔識,要捉住佢做,唔識筆飯食,完全坐唔定,大小便都未戒片,眼神接觸好差,我對佢嚟講係可有可無的,唔識家中成員。去in幼稚園間間都唔收,其中一間我排嘅i位學校校长話我仔適合s位,關愛基金嘅導師也建議轉排s位,我個心好灰,前途黑暗,掙扎了两三個月终於决定轉s位,我放低要求,我只想佢以後能基本照顧自己就好,入主流就隨缘吧。今年九月入讀s位,經過一年嘅努力,我仔而家識自己食飯，眼神接觸改善好多,成日手指指,識跳仲可跳两呎遠，扶住可單腳跳幾下,識踩單車,識聽指令,可坐定十分鍾左右(仍需努力),大小便都識表逹,夜片未戒到。可以簡單表逹到自己想要或描述别人的行為,開始很依赖我了，識搵人幫手啦。不過依然社交好弱(呢樣我真係唔識教),但識超多中文字,英文都識唔少。不過佢小肌比較弱,揸筆無咩力,油顔色就油出界,但開始識連两點,也識配對。治療師話因為佢手臂無力所以影響小肌,而家係要加强練小肌。而家我愈来愈了解佢，也開始知點佢需要做邊啲訓練，。我不是基督徒但我一直感恩,我仔遇到嘅都係好老師。btw 我仔而家三歲十個月,而我係單親媽咪，各位媽咪不要灰心!再難都會過去的,努力係有回報的，但謹記我地小朋友係十分耕耘一分收获的。

coffeeyu

真系進步好快，恭喜晒

東東公主

👏👏👏
可否分享如何改善眼神及大小肌！已上社交班及私人感統，但沒有很大的進步！

聽雨聲

回覆 東東公主 的帖子

眼神方面,我就同佢玩額頭對額頭，鼻鼻對鼻鼻,要開心地玩講,咁做一定會望到眼。大肌就可以行多啲同上落樓梯,抛接波,舉400毫升嘅水(最近先開始做),放零食在手心,
揸實拳頭要佢用手挖開,有零食有動力。用夾隱形眼鏡個夾夾珠仔。在墙上貼包書膠俾
佢用黑板筆 劃。其實我仔大小肌都弱,不過一直都有進步,但仲需要努力!最近用圖卡
加老師幫手學着襪。下一目標係學擦牙。

聽雨聲

回覆 東東公主 的帖子

我没有上過社交班,但感統對大小肌係無咩幫助嘅，我覺得感統會令佢情緒好啲，專注力好啲學嘢快啲。

pinkdoll

聽雨聲 發表於 14-12-1 00:08
我仔舊年5月cac評估自傾,排i位,舊年十月先開始做關愛基金的幼儿導師訓練，同時也有參加一間私人訓練,媽咪陪 ...

戥你很開心, 努力加油. 其實, 講到尾最重要是和小朋友持續不斷地做家居訓練.

聽雨聲

回覆 pinkdoll 的帖子

多謝!家居訓練係十分重要

sshoney

相信媽媽負出嘅係會有回報，大家一定要互相勉勵下，你嘅分享另帶比我地希望。

東東公主

多謝你的分享！佢會望屋企人，只是不望其他人！有冇其他方法？

聽雨聲

回覆 sshoney 的帖子

係呀，有時會懒唔想做訓練,但我覺得同啲同路人傾下又會有返動力去做

聽雨聲

回覆 東東公主 的帖子

主要係老師親朋戚友幫手,每次見佢打招呼都用手定住個頭要佢望住,老師會識做,對啲親戚朋友就係我用手定逼佢望,要好有耐性做,因佢一定掙扎,慢慢佢適應咗之後我叫佢望住講，佢都會望一望叫人,但都唔會望得耐。咁我都收貨唔敢要求高啦

東東公主

多謝你！

conniekit

謝謝你分享丫，我仔現在4歲，情況同你差唔多，不過我係今年5月辭咗份工自己湊、然後仔仔進步好多，尤其是言語表達，不過有時湊得太投入都好勞氣，但同時見到有少少進步又好開心滿足！ 各位媽媽爸爸，不要放棄不要灰心，加油努力啊！！

聽雨聲

回覆 conniekit 的帖子

咁你仔讀緊咩幼稚園?自己凑係好好多,了解佢有咩弱就加强訓練。你有無同佢上緊咩訓練?

conniekit

啱啱9月入學校兼收位，但冇感統訓練，外間私人的感統好貴，以前兩個人揾錢就應付到，現在1個人揾3個人洗真係覺得太貴喇！！

聽雨聲

回覆 conniekit 的帖子

係呀，私人個啲全部嘢都貴，我而家都無出去做訓練，都係跟學校啲功課做已經好忙,日日返嚟都要做個幾鍾。你仔上i位上成點?學校支援如何?小朋友跟到嗎?我而家對我仔有信心入返主流,想睇下你仔情况差不多上得如何?我而家每日幫佢刷身三次,覺得佢情緒真係好咗,做功課又無咁抗拒

sshoney

請問讀 S位係咪幫助好大，因為我仔半年前兩歲係私家做左評估，醫生建議讀 S位，我就跟左排緊，今日係政府醫院做評估，醫生話可以轉返I位，叫我地再諗下。

聽雨聲

回覆 sshoney 的帖子

其實睇你運氣,入到間學校有好嘅治療師,好嘅老師,但我都覺得如果父母接受到,s比i位肯定多服務,因我聽i位學校校长講佢地支援其實好少,又有另一位i位老師話佢地有時要兼顧其它嘢，对小朋友都未必照顧得多。當然如果你小朋友已追返大部分而你又有足够時間幫佢做家居訓練,咁都可以讀i位。因為s位對社交真係無幫助,無其它小朋友刺激下。不過昨日我搵到間有i位幼稚園收我仔星期六返去暫托半日,搵咗好幾間都唔收。我諗住俾佢去學下同其它小朋友相處，我覺得呢個方法好好,效果如何要遲啲先知。我仔幸好跟到個好老師，pt好好,ot一般般，st就無言了。不過如果可以日日跟足功課去做已好吃力,都係靠自己。因跟老師時間係最多,老師好 所以我仔進步都好明顯。所以你多問幾個幫你小朋友做訓練嘅老師或治療師意見,自己再觀察佢同同龄小朋友嘅差距。我入咗s位先知有一半小朋友都係幾叻,有好多個溝通認知都好但行為情緒有問題,s位嘅學生無想象中咁差。我仔分在倒数第二的差班添呀，仲有两班比佢叻。

聽雨聲

回覆 sshoney 的帖子

政府醫生唔好盡信,當初我仔两歲四個月評估認知遲一年半,理解同表逹遲一年三個月,竟然叫排i位!!之後關愛基金導師一寫信就即刻轉返s位仲批埋傷殘金。如果你要轉就三月前要轉好啦。

聽雨聲

回覆 sshoney 的帖子

啱啱諗起有两個媽咪都話入咗一年進步唔大,可能都係睇返個人啦