高小初中想嘗試睇金庸, 請教睇邊本先呢?

laorenjia

MASAYA 發表於 15-2-25 13:26
好多人都係，如果第一個麻煩，就唔會生第二個，如果第二個都唔煩，就會生第三個，生到有一個煩到頂唔順先停 ...

但我個case真係好極端。大女做啤啤就一日瞓廿幾個鐘，瞓到你驚。奶都唔願飲，搞到妻子谷奶苦不堪言。到細女就成日喊，係都要人抱住重要搖吓搖吓先肯瞓，搞到愛心爆棚嘅菲傭放假嘅節目就係去姊妹屋企瞓覺。到大小小就晚晩都唔肯喺自己房瞓，係都要dee dee duck duck走過嚟我哋房，抱番過去冇耐又爬番過嚟，卒之搞到肺炎入幾勻醫院，硬頸夫婦冇辦法唔投降，喺房加張床仔俾佢，直至幼稚園高班。家姊冇凖備考試都一樣九十幾分，會考都農曆年時份都未開工溫書但就拔尖番嚟。阿妺就黙書考試前一晚太太幫佢溫熟第二日佢都有本事攞個零雞蛋番嚟。

MASAYA

laorenjia 發表於 15-2-25 15:21
但我個case真係好極端。大女做啤啤就一日瞓廿幾個鐘，瞓到你驚。奶都唔願飲，搞到妻子谷奶苦不堪言。到細 ...

如果你細女出世先你都唔會生第二個啦

annie40

係都要dee dee duck duck走過嚟我哋房
xxxxxx
細女好盞鬼喎！

大女是爸爸至愛，

細女早晚duck系到，一兩歳已經成為讓男人'頭痛＂的女人，高手也。問心個句，老爹是「冧到暈」（可能是唔夠瞓引致），搶住當臨時觀音兵（第日有男朋友，無你份），趕緊去買張細床，招呼小公主。

有女兒的爸爸真幸福，家有兩顆明珠，是雙倍幸福了。（字𥚃行間，完全有哂命feel)

laorenjia

annie40 發表於 15-2-25 20:00
係都要dee dee duck duck走過嚟我哋房
xxxxxx
細女好盞鬼喎！

呢啲點算係晒命呢？下面我呢段舊post先至算係:


「昨晚與妻子去看了「非誠勿擾2」，出奇地好。影片開始時戲院笑聲不斷，但到了中段，已變成此起彼落的捂鼻涕聲。俗人如我，也流下淚來。舒淇雖滿面雀斑，難掩滄桑，但戲演得真是好，無話可說。

看完戲到小肥羊吃宵夜，一邊吃着美味的羊肉串(比我夫妻二人年青時浪蕩大江南北掃街吃的羊肉串還要好)，一邊小寶上身，問妻子可需效法戲中香山所言，定個喑號，好等來生相認。妻子答道：「你既信來生，何不信前世？我哋前世既無約定暗號相認，今世還不是走在一起？你唔駛驚，我認得你陣「除」嘅，前世。」有妻如此，與之相辯，豈能不敗？我只有繼續頑抗：「咁，我哋前世嘅暗號會唔會喺「前世」呢？前世。」

男人無論結婚前幾木納，結婚後都應學幾招小寶神功氹妻子，有時要靠佢絕處逢生。

無論有幾唔願，耐唔中都要陪妻子行時装店。一次坐在金鐘一店內靜候妻子時，見一清秀女子在試衣服，身裁高佻，在镜前盡顯妸娜。心在猜想，到底是北方，台灣，抑或是新加坡人呢？概香港女子少有在人前坦然展示美好身段。待女子手電嚮起，一口北方口音，夾雜的英文亦相當好，想是海歸。正一邊眼睛吃冰淇淋，一邊想自己女兒將來會否也出落得如此時，妻子走過來在我耳邊說：「俾你後生廿年，會唔會死係此女子手中？」見事情敗露，坦白是最好的策略，只好回道：「妻子英明，小人廿幾三十年前，就栽在一條件差不多的女子手中，一直至今。」」

說回正題，我會先推薦「射雕」俾細路。

annie40

小女的至愛是射鵰，再看神鵰后便沒空認真追看金庸小說了。

annie40

小女的至愛是射鵰，再看神鵰后便沒空認真追看金庸小說了。

laorenjia

annie40 發表於 15-2-25 20:00
係都要dee dee duck duck走過嚟我哋房
xxxxxx
細女好盞鬼喎！

重有，我較理性，兩個女都咁鍾意，太太就鍾愛細女，official 理由係細女似我，蠢蠢哋，我想真正理由係細女細個俾佢好多麻煩，好似啲心理學家話齋，人會較易attracted to自己付出較多的人。先排睇哆啦A夢，講到靜香選擇了平庸過平庸嘅大雄，而唔揀完美嘅出木杉，就係差唔多道理。老婆重要喺我耳邊講:你而家知道我點解鍾意你啦。

Isaacmommy

若想小朋友拿起金庸的小說，你們是否會買一套或一本放在書架上引佢睇？

小時了了

其實, 我都想大字版, 係咪街無得買, 只可係圖書館借呢?

小時了了

回覆 A-Mum 的帖子

我真係好想係度公開多謝您嘅好介紹 ----- "大字版", 您呢個提點直情係小女能嘗試睇金庸好開始嘅一個好重要因素, 多謝晒啊!

點解我咁講? 話說我上兩星期係太子始創間大眾書局, 竟然俾我見到"大字版"嘅金庸小說, 我開心到笑唔停...... 但係, 我最想買射雕竟然係無貨(因為阿女射雕第一本只睇咗一半就要還書), (之後幾日打電話俾明河社問, 職員話射雕"大字版"絕版, 唔會再印刷), 書局內只有神雕及小量其他咁, 當時我同阿女講睇住楊康個仔楊過同小女龍嘅愛情先啦, 神雕妳慢慢睇, 阿媽唔迫妳睇呀, 買咗返屋企放係到先, 有時間妳鍾意幾時睇都得呀.

阿女上星期無啦啦自己帶本神雕返學校"早讀"時睇, 尋晚仲攪笑, 佢竟然好似之前啲網友分享個啲仔女係書虫咁"偷書睇", 因為夜, 我收書叫佢瞓覺, 佢接二連三借尿經過客廳偷運本神雕返房偷睇唔肯瞓, 佢呢個偷睇書以往只出現係睇台灣童書, 依家佢開始偷睇金庸小說, 問心, 我真係開心的, 因為佢已經開始中金庸毒了!  哈!哈!





由去年11月出呢個帖到今年依家, 小女要差唔多 4 - 5 個月時間先至開始鍾意睇金庸小說. 在此多謝各位介紹小學生睇金庸小說邊本先, 邊本後, 真係好有用, 多謝各位啊


明河社: http://www.jinyong.com/cgi-bin/shop/book_list.cgi (P.S. 明河社職員話"大字版"唔係好賣得, 賣晒都未必再印刷)

可樂~

小時了了 發表於 15-3-20 14:16
回覆 A-Mum 的帖子

我真係好想係度公開多謝您嘅好介紹 ----- "大字版", 您呢個提點直情係小女能嘗試睇金庸 ...

小時了了,

我在博客來見到有大字版射鵰, 但看不到內頁, 不知是否你見到的那本呢? 你見到的是香港出還是台灣出呢?

小時了了

可樂~ 發表於 15-3-26 12:55
小時了了,

我在博客來見到有大字版射鵰, 但看不到內頁, 不知是否你見到的那本呢? 你見到的是香港出還是 ...

有啲咁嘅事! 我即刻去博客來睇睇先, 如果真係大字版的話, 唉! 要第四次掃貨啦!!

多謝關心! 顯示"商品已絕版，無法銷售"

可樂~

小時了了 發表於 15-3-26 13:15
有啲咁嘅事! 我即刻去博客來睇睇先, 如果真係大字版的話, 唉! 要第四次掃貨啦!!

多謝關心! 顯示"商品已絕 ...

還是你細心, 我只看到價錢就滿心歡喜

小時了了

可樂~ 發表於 15-3-26 13:22
還是你細心, 我只看到價錢就滿心歡喜

真心多謝您血拼時記起我, 幫我留意! 我唔係細心, 實情係因為我真係打算買, 但入到去見到咁樣買唔到庫存量

小時了了

IloveJJ 發表於 15-4-17 08:57
睇完射鵰未呀？

嘻!嘻!,射鵰無大字版, 未睇射鵰呀. 反而之前買了《神雕俠侶》(大字版) 全八冊, 阿女復活節前剛剛睇完"神雕"第一冊, 依家仍然睇緊第二冊.


有一樣野我真係好唔明白及有啲困惑, 我自己個人覺得以為阿女依家已經書不離手, 亦愛上閱讀, 睇課外書程度並不是漫畫了, 已是睇好多台灣我認為好優質嘅青少年讀物 + 金庸小說 + 一啲優秀文章 (如, 杏林子, 何紫, 阿濃, 巴金...等) + 背誦一啲古詩詞及古文等, 但事實反映出來係尋日阿女中文測驗卷成績派咗, 中文課文+閱讀理解呢份卷成績只有 70分 (成績 B grade 尾) (考課文不供詞填充只佔成份卷15分 (只有6題, 小女錯 2題); 其餘85分全部考課外閱讀理解), 而作文亦係只有 73分 ( 2篇作文 + 差不多20題的重組句字/問修辭技巧等) (成績 B grade尾).

老實講, 中文呢科我由小一至小四從來只係同阿女溫課文及默書, 無谷過亦無做過街外補充, 我只係投資好多錢買好多書俾佢睇, 但今年小四中文科成績我個人認為唔係好理想 (小一至小二 90幾分, 小三差極都有80幾分, 都算 A grade ), 出年小五呈分試, 我都唔識點同佢追/溫中文了, 因為我都唔識仲有咩野方法了.


跪求教, 如何考好中文科成績, 多謝先!!!

小時了了

IloveJJ 發表於 15-4-17 09:47
《射鵰》有大字版呀！我响圖書館見到。《神鵰》大字版响邊度買?

係呀《射鵰》有大字版只有圖書館有咋, 街買唔到啦, 出版社話絕版了. 所以我要得閒帶女去圖書館借書

《神鵰》大字版3月時我係太子始創中心大眾書局度買, 又或者去明河社出版社買 http://www.jinyong.com/cgi-bin/shop/book_list.cgi (明河社網上買都得)