黑人憎的怪獸家長

Shangrila

原帖由 LedTV 於 14-11-27 發表
我至憎d媽媽係等候其間拎d食物出黎安撫小朋友。

我見過有媽媽不停餵個女食包、餅，等等下仲要用奶樽開支奶抱住餵，我覺得個媽媽好奇怪。

其實我第一次帶小朋友去面試，只帶咗一本圖書，萬一等好耐無嘢做時可以同佢睇。我完全無諗過會有人攞嘢出嚟食，我唔介意其他人咁做，不過自己唔會，只因為覺得個場合唔適合咁做，係禮貌問題，正如我唔會帶個飯盒去見工，就算唔開嚟食，都會有味㗎！況且整污糟人哋嘅地方都唔好，咁同喺交通工具上唔應該食嘢係一樣。

今日見到各位媽媽分享面試經歴，真正體會咩嘢叫做一樣米養百樣人，可說大開眼界！

melomame10

原帖由 sbux 於 14-11-27 發表
肉酸。。。算喇，就算俾佢入到，咁嘅格，遲早都會喺學校出醜。

X2

Christi

我都試過。記得那還是pn 面試，面試最後一部分係校長見一組（7、8人）家長，校長坐中間，小朋友坐櫈圍半圈，家長坐自己小朋友後面。校長講完野，問家長有冇問題。答左幾條，我囡無端端學人 舉手問問題，原來佢問點解課室天花板有夾（那是用來夾住學生的美勞作品），校長立即用小朋友既語調同佢地可以明白既方法同我囡解釋。點知答完之後，旁邊一爸爸（囝囝來in)即問校長，問收生男女比例，因為女仔講野一般好過男仔，佢問校長點樣評估男仔既能力，又話男仔少講野未必唔識野之類。我坐旁邊就好尷尬。

Pollyowen

原帖由 enkolee 於 14-11-27 發表
有次group in,比父母一齊入,得我1個帶仔去in, 格離對父母
老師叫唱歌, 佢地唱得仲大聲過佢個仔,
...

可能想表現出佢地成日會親子一齊玩

Pollyowen

原帖由 Christi 於 14-11-28 發表
我都試過。記得那還是pn 面試，面試最後一部分係校長見一組（7、8人）家長，校長坐中間，小朋友坐櫈圍半圈 ...

你囡囡觀察力好強呀！

Pollyowen

原帖由 creama 於 14-11-28 發表
我試過in學之園，最尾個part家長填問卷，小朋友在旁玩，校長入唻講完一段野，就問家長有無問題，有個呀爸不 ...

咁長氣嘅家長學校都唔收，煩死

conniemar

原帖由 YokoS 於 14-11-27 發表
我諗大家都interview得7788，係到好想講下我係今次k1面試中見過最討厭的家長，唔知大家有冇見過同樣的家長 ...

手段卑鄙

Annbaat

我覺得interview家長處理手法都計分。去年in一間幼稚園，阿女一入group in課室就爆喊，我問老師:唔好意思，可以同小朋友坐離枱等佢平靜嗎？老師話ok。等女無喊，先俾佢返枱同其他小朋友唱歌。個interview係阿女in得最差一個，但結果都有am offer。

margarita0510

原帖由 creama 於 14-11-28 發表
我試過in學之園，最尾個part家長填問卷，小朋友在旁玩，校長入唻講完一段野，就問家長有無問題，有個呀爸不 ...

我都in完學之園，最後家長小朋友坐半圓形聽校長講野，走果陣我隔離位國內媽媽細細聲喺佢個女耳邊講叫佢出去hug hug 校長，隻手仲推推佢背脊推佢出去。

我當時都有「大開眼界」既感覺

BBBQ

真係一養米養百樣人，大開眼界

Littlemushi

我阿仔就係其中一個中招，係度等緊interview時隔離阿爸無端端攞盒提子乾出黎比個仔食，佢個仔當時仲要係冇喊，純粹等緊無聊，跟住佢揸住個盒慢慢食，本身阿仔冇事乖乖咁坐底等，就係比佢盒提子乾攪到阿仔扭計，因為佢都想食但人有佢冇，最慘係個waiting area喺坐喺interveiw緊既老師後面，唔係房出面，阿仔一扭d老師就望曬過黎，真係出曬事

其實我都覺得唔應該喺嗰個時候用食物氹小朋友（可能因為我係受害人啦～），因為個個小朋友都都為食，仲要係小朋友多數喜歡既食物，實影響到其他小朋友（如果小朋友嗰時心情唔好或眼訓就仲大鑊），老實講，你等緊見工時會唔會攞野出黎食？仲要攞d好香既野黎食？如果係地鐵扭計，係咪照攞食物出黎氹？係咪應該適當時候做識當既野呢？我知要小朋友乖乖咁等係一件難事，但其實係咪可以用一d唔影響到其他人既方法去安撫佢地呢？

yufanny1

個家長好cheap囉！我都試過有一次Group interview/ observation, 我都唔知玩乜好, 咁我就同個仔切字母, 切完我問個仔係乜嘢英文字呀, 佢都識答，不過他好細聲，老師係唔會聽到, 不過我覺得冇所謂，佢係怕羞, 所以Group interview比較單對單弱Ｄ。不過我想講既係，對面個家長見到我同個仔整字母，佢又跟住唔玩佢本來個玩具，跟住我切字母, 又跟住問阿仔, 阿仔講得細聲, 佢就不斷叫他大聲Ｄ, 大聲Ｄ (佢隻眼不斷睇住老師响邊度)! 勁黑人憎......(而我只望住我阿仔, 都唔知老師响邊 : p).....不過同意, 如果我們自己教得小朋友好, 就算遇到依Ｄ怪獸家長，都玩你唔到, 反而你小朋友既正面回應反而會加分！

enkolee

如果大家覺得食野無問題, 咁以下大家又覺得有無問題呢?

話說有次去in半龍校, 前半part係group in, (起碼40人group in 果間)
有5張地墊, 仔揀咗最後果張地墊玩玩具, 本應玩得好地地, 有個爸爸同佢果仔過來玩, 睇似大仔, 佢囝一過來就瞓係道, 佢爸爸無理, 已經瞓咗大半張地墊, 佢仔跟手攞佢格私家車仔出來玩,
係呢個moment,我仔勁扭要車仔.
呢刻我幾想xyz佢, 不過我無, 只拉仔去第2張墊道玩

renewdanny

對付食品呢樣野, 第一日IN果時中過招之后, 每次IN我都有所準備了, 袋定出奇蛋, 你唔食我一定唔會拎出黎, 但一見到有家長拎食物出黎引, 我就會還拖lor, 有幾多小朋友頂得住朱古力. 你小朋友唔食你d野扭要朱古力唔關我事呀.  

enkolee

renewdanny 發表於 14-11-28 10:21
對付食品呢樣野, 第一日IN果時中過招之后, 每次IN我都有所準備了, 袋定出奇蛋, 你唔食我一定唔會拎出黎, 但 ...

真係學到野, thx

vpo0615

我覺得怪獸家長出埋D拿渣手段害其他小朋友, 未必可以提升佢嘅小朋友嘅成功機會. D老師見到呢D家長&小朋友咁鍾意distrub人, 老師未必收佢, 費時收D滋事份子.

wsg1015

我個人覺得食少少野都ok ge, 畢竟佢地先得2歲人仔。我個女上次in 協恩等左好耐，見到人地小朋友食野佢都話要食，好彩安撫到佢，即刻in 完帶佢買餅食

但我都覺得如果老師睇到小朋友食野會冇咁好

enkolee

學校最怕麻煩家長

kiu_kiu

renewdanny 發表於 14-11-28 10:21
對付食品呢樣野, 第一日IN果時中過招之后, 每次IN我都有所準備了, 袋定出奇蛋, 你唔食我一定唔會拎出黎, 但 ...

我都覺得去得interview, 要知己知彼, 自己都要準備以備不時之需, 你無得阻止人地帶食物, 你自己咪都帶定小小食物已備不時之需囉, 憎d 家長都無用架!

brrbaby2007

renewdanny 發表於 14-11-28 10:21
對付食品呢樣野, 第一日IN果時中過招之后, 每次IN我都有所準備了, 袋定出奇蛋, 你唔食我一定唔會拎出黎, 但 ...

好彩我小朋友唔食零食，百毒不侵