小學受傷事件要邊個比錢？

leungkit1005

咁係咪意外／玩玩下 令人受傷就唔洗賠？蓄意呢就要賠？
但你們講到好似受害人要求金錢賠償係好唔合理咁喎！（純粹詢問）

Jane1983

有d事係觀點與角度，好似我小朋友，返學隔個星期就比同組的小朋友拿去eraser，我通常提女要問人攞番，之後買過比佢就算，反正幾元，如是者好多次了。

如果吾好彩遇到怪獸家長，佢可以話你小朋友偷野，更會把事情搞到不合比例甘癲。由于吾知對方什麽人，為保護小朋友，謹慎d好。

BB312

一定要問清楚, 好似我個女K3, 俾個不分黑白ga 班主任同一個講大話ga同學屈佢推跌另一個同學，好彩我信我個女，整出真相，還左個女清白

樓主，一定要查清楚！如真係自己小朋友唔啱就道歉，但個人就不會賠錢

little_yolky

leungkit1005 發表於 14-11-28 11:38
咁係咪意外／玩玩下 令人受傷就唔洗賠？蓄意呢就要賠？
但你們講到好似受害人要求金錢賠償係好唔合理咁喎！ ...

响樓主呢個case, 如果係雙方玩緊, 我係覺得要求賠償唔合理。


唔好話玩玩下, 我家姐個仔開學第一日, 排隊落樓梯時, 就俾個曳同學由後面推咗落去, 頭下腳上咁, 個頭起咗個大樓；我囡囡都試過興趣班同啲姐姐玩抱抱, 姐姐唔夠力, 跌咗佢落地下, 跌傷咗個下巴, 含膿；又試過返學玩大肌肉時, 坐小朋友單車尾, 唔小心小朋友開太快, 西咗我個囡落地, 額頭鼻哥成一直線咗損咗, 含膿again, 唔通又去睇醫生叫人賠。


小朋友只係皮外傷, 唔駛留醫, 好明顯, 個家長係怪獸家長

Dada3802

請問是津校定私校

leungkit1005

若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收道歉信算了，而不作出任何金錢索償？索償就等於怪獸？（純粹詢問）

CALVEN

leungkit1005 發表於 14-11-28 15:39
若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收 ...

每個案不同,每人立場,處事態度亦不同,

世界唔係非黑即白,

如果認為有需要咪提出索償,對方賠唔賠又另一件事.

kenwong888

little_yolky 發表於 14-11-28 14:24
响樓主呢個case, 如果係雙方玩緊, 我係覺得要求賠償唔合理。

Exactly true!

little_yolky

leungkit1005 發表於 14-11-28 15:39
若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收 ...

就算係你所指既欺凌事件, 都應該係要解決件事, 唔係著眼於索償吧。請問小朋友被欺凌了, 家長成功獲得索償, 咁又點? 第一個反應就是索償, 唔係解決事情, 當然係怪獸家長了。
(以上純屬個人意見, 不代表EK立場)

Jane1983

回覆 leungkit1005 的帖子

如果你講的是欺凌，比人蝦到打傷和打爛個人用品，甘係一件好嚴重的事。
吾係賠償的問題甘簡單，吾係賠左湯药就可以算數，一定要正視，幫小朋友面對和解决，追究到底，令對方吾會再犯。事件性質吾同，大多數學校對bullying都係零容忍的。

fishchow

如何係我 比同學家長要求賠錢，我一定唔會立刻比。而會建議對方家長報警驗傷，如果起訴後，個官叫我賠，我就賠。（簡直過哂火，受傷果個 未必係無辜果喎！）:;pppp:

Shangrila

我覺得如果要賠錢，呢件事學校應該俾個正式交代你，絶對唔係揾老師傳句話要賠湯藥費咁就算，去到要賠錢，應該至少個學校訓導主任都要見下你，同你講解一下個情況。

如果乜都無，咁樣學校嘅處理方法都有問題。

如果你對學校嘅處理方式有疑問，不如打個電話去你嗰區嘅教育服務處問下好過。

Shangrila

可問教育服務處那邊，咁嘅情況，教育局有沒有相關指引，指示校方點處理，唔需要話佢知係邊間學校住，因為一講咗，處方可能就會有電話同校方溝通，到時可能會引起其他麻煩嘢。

hadwinboy

原帖由 leungkit1005 於 14-11-28 發表
若事情發生在高小，甚至初中，情況會否不一樣？
若受害人身體有明顯傷痕，又或者眼鏡被打爆，
寧願啞忍，收 ...

初中又豈可相題並論。

Zoechanhoiyan

其實係番對方家長既角度，1）自己小朋友受傷已經好心痛，你自己覺得小事，但唔代表對方覺得少事（自己親生感受大d)
2）小朋友損傷痛或唔舒服，3）仲要自己比錢睇醫生。
即使你賠醫薬費，1）和 2）是不能用金錢改變的，相信對方媽媽都唔想發生
如果3）你都唔賠，即使say sorry,別人無端端有三項被傷害的事
如果真係有推，賠償係基本責任，也是身教，為自己做的行為負責
但是我都覺$500幾太誇張，不如了解點解呢個數,急診$100,係咪私家？有無單，擦傷撞到䐉？

金毛B媽

我又真係未諗過, 小朋友在學校有碰撞, 要找對家賠錢喎....

我仔初小時, 小息既時候, 俾一個小朋友推到去一條柱到, 咁岩個＂失頭哥＂撞左落條柱角，不停流血, 止唔到血, 學校 call 十字車, call 埋家長去學校, 我地去到學校, 救護員幫佢止到血, 但叫我地一定要入院聯針, 救護員話, 如果我地去政府, 起碼排6個鐘, 叫我可以的話, 去私家醫院, 所以我就同仔去左仁安, 聯針聯左4千幾, 計埋覆診, 拆線, 修口又爆過, 計計埋埋都要5千幾喎......

我真係無諗過要 claim 番同學仔, 原來有得可以咁, 我真係唔知......

不過我覺得小朋友推推撞撞, 唔小心, 在所難免, 如果要人賠償, 又唔係幾好喎
事後, 我知學校又跟進, 找出真兇, 叫個小朋友同我仔 say sorry, 同埋有罰個小朋友, 我覺得學校咁樣好合理呀

little_yolky

金毛B媽 發表於 14-12-1 12:36
我又真係未諗過, 小朋友在學校有碰撞, 要找對家賠錢喎....

我仔初小時, 小息既時候, 俾一個小朋友推到去一 ...

係, 其實呢啲事好多小朋友都試過, 唔係話我哋針唔拮到肉唔知痛。你就好啲, 學校有處理, 我哋學校仲無鬼理, 剩係主任講句, 小朋友新陳代謝好快, 好快好的。


我問過囡囡, 片咗佢落車個男仔見佢塊面損咗, 都嚇到面都青埋, 佢都要定定驚, 咪算囉。

Jane1983

見到大家分享，我都講吓其實我個女讀K都有比其他小朋友整傷過，一條大血痕，老師在學校消了毒，我地無睇醫生，亦無追問邊個同學。

所以到而家，都好怕收到學校電話。老師吾會打黎讚你仔女叻，實吾方好野。

rean_chau

岩岩先係公海見到有家長話小朋友比人畫花左件衫，應唔應該叫佢賠。其實真係有啲人對錢睇得好緊，佢未必係諗得咁復雜要留後著，而係太直接，覺得比人推親要睇醫生。我覺得唔駛講到報警咁大件事，以後仔女仲要係度讀書架。如果因為咁搞大件事以後啲老師點睇你仔女？唔需要因為一時之氣而作反擊。同學校商量，到底學校機制係點樣，以往係點處理？了解左先啦！

阿Yan

如何對方平時都常欺負人, 即是沒有跟他玩, 他都會主動攻擊人呢? 若孩子在這情況下受傷, 你會報警或提出要賠償嗎?(純粹討論下)