小學受傷事件要邊個比錢？

wuliqing

由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生，睇了$530，以家叫學校要我賠錢比佢，讀小學一年級，當時老師都冇人見到，遇到甘樣的情況我可以點做，求救，thx

wuliqing

個日老師冇通知我，過了第二日先通知我

Jane1983

你小朋友以前有無試過整傷人？

吾知有幾嚴重，不過擦傷額頭，正常情況係消毒藥水和貼膠布，極少話去睇醫生的。至於$530，有些私家醫生，坐低就係呢個數。

有疑問，可以問吓班主任什麼情況。

wuliqing

冇哦！我仔每次去公園都係被人嚇吾會還手，因為當時老師都吾係度，

Feimum

不會理會，報警判傷也只會看政府急症。

CALVEN

如果係學校發生,但當時老師又無知會你,仲要第二日先通知你,

你要了解清楚事件,唔需要咁快作決定.

a_for_apple

我唔知係咪好嚴重，但我未必會俾…………小朋友踫撞一定有，冇人睇到，邊個啱/唔啱冇人知，郁啲就要賠，下次唔知要賠啲咩俾佢。
如果真係整到人係唔啱，可以叫仔仔口頭道歉，加道歉咭/信

little_yolky

wuliqing 發表於 14-11-27 07:00
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生， ...

正常普通擦傷唔會咁得閒去睇醫生, 可能係媽媽放工回家都好夜, 見到阿仔傷口有啲含膿發炎, 為安全計去睇醫生。你都知啦, 兒科好貴的。


我又覺得咁睇, 小朋友响學校玩, 碰撞在所難免, 又唔係故意, 無話邊個啱晒邊個錯晒。如果問完阿仔話真係佢衰, 整親人哋(例如玩得好顛, 興奮過頭背後推咗人一下搞到人跌親), 咁就真係同人道個歉係要既。至於賠湯藥, 真係無言了。如果真係自己阿仔錯, 又無理由好似樓上咁講, 要人輪政府的, 人哋已經係受害者了。真心道歉係要既, 但我唔會賠湯藥囉 。

Jane1983

問清楚件事，一齊玩整親，吾係惡意推佢，真係未必有責任賠湯藥。

5百幾元事少，未搞清件事就息事寧人賠咗，認咗吾知該吾該認的責任，咁日後萬一有記錄、萬一追究，又或者學校認定小朋友係打人搞事果種就麻煩。

可能想多咗，不過牽涉到小朋友的事，真係想清楚、問清楚，想做決定。

nekoneko79

回覆 a_for_apple 的帖子

最重要搞清楚件事先, 對方家長一開口就要求賠醫藥費, 似乎太誇張
如果真是傷得很嚴重, 即使老師沒有即場發現, 都會事後上堂見到再追究責任

kirstyau

唔會啦！一開口就要錢都唔方好人，講真係我女比人整親，我會着眼有冇心，冇心既當唔好彩，叫小朋友以後玩得斯文d, 如果惡意，係要學校嚴肅處理，比個交代，要小朋友道歉，但唔係要錢！

bbq2008

對呀，問清楚事情真相，錢就唔係多，但事情未清楚，會令你小朋友被其他人label左，若小孩子玩時不小心，雙方有責任，不可單方面受責，你推我撞，什麼事也可發生。也從中教孩子，玩時要分串。

kingkingxoxo

原帖由 wuliqing 於 14-11-27 發表
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生， ...

報警

wuliqing

以家我都吾知點算好，小朋友平時都幾乖，

marcuscyrus

原帖由 wuliqing 於 14-11-27 發表
由于昨天啊仔係學校同同學玩，不小心整到同學仔跌係地下，導致額頭有d擦傷，昨晚好夜他媽媽先帶佢睇醫生， ...

打比老師了解下先

little_yolky

wuliqing 發表於 14-11-27 12:10
以家我都吾知點算好，小朋友平時都幾乖，

1. 問清楚小朋友(但要預咗小朋友可能報喜不報憂)
2. 同班主任商量, 知唔知發生咗乜事
3. 可以請學校約對方家長見面, 有老師在場, 對小朋友受傷向對方家長表示慰問
4. 如果份屬意外, 態度要不卑不冗, 但不能令對方覺得你包庇自己兒子, 否則只會火上加油


所以呢, 點解咁多學校唔俾小息去操場玩, 就係有啲咁既家長。我都覺得無端端要人賠湯藥係有啲過咗火位。

MrBeast

其實呢個是家長定學校liability?

Artie

MrBeast 發表於 14-11-27 12:35
其實呢個是家長定學校liability?

Should most injuries at school be covered by school's insurance?

shadeslayer

叫佢民事索償或小額庭，官判咪比囉。