教得多功課偏多學校vs教得少功課偏少學校

bbforever

你們意向邊種學習類型？

我用喜歡來形容，因為沒有人喜歡多功課，但有時學校教得多d功課又多d，對有無限潛能的小朋友未嘗不好！通常吹谷的學校派中學都不錯的，所以有時都好迷失……

hadwinboy

我覺得視乎小朋友資質。如果唔叻但讀功課多教得多又教得深的學校，真係讀死佢。唔叻的意思是手腳慢、理解力偏弱，不是一點即明觸類旁通那種。

wan_sosin

原帖由 hadwinboy 於 14-11-26 發表
我覺得視乎小朋友資質。如果唔叻但讀功課多教得多又教得深的學校，真係讀死佢。唔叻的意思是手腳慢、理解力 ...

認同，要就返自己小朋友，自己喜歡，唔等於小朋友喜歡，資質比較好的，去教得慢嘅學校，真係會悶！資質一般，谷唔上會谷壞小朋友！但我見現時好多家長有理無理揀谷嘅學校！最後有部份小朋友係一線學校落咗去最差嘅班，不單只成積唔好，小朋友因為要溫書補習，無晒正常生活唔開心！
功課多唔多，唔等於要做幾耐，同樣功課，有小朋友做一個鐘，也會有學生要做3個鐘的，溫書同樣！所以點揀，要自己去衡量。

happycandy

我囝囝每天功課六份，他能45分鐘內做完，但是有些同學一個半小時都未做完，好在乎自己能力。
但是我有時會另加功課當温習，都是30分鐘做得完。

我囝囝高班，有功課三份，自己能獨力20分鐘內完成。

kerkermui

就算係資質好嘅小朋友，都無乜邊個鍾意多功課！
我嘅理想係少功課，留多d私人時間同空間俾小朋友free play同睇書
但現實係，揀一間咁嘅學校...需要d勇氣！

nekoneko79

現在香港很現實, 唔谷就冇成績, 成績差就難揀好中學
你估間間都咁得閒同你continous assessment咩
最後咪又係考試成績佔大比重!
除非, 你一早諗住唔玩香港公開考試依個遊戲,
準備同佢外國升學或者入直資/國際學校考外國試
但入直資都唔一定考外國試, 佢都係跟成績分本地試同外國試2條隊
所以成績好就有自由, 唔谷唔做功課成績就唔好, 針冇2頭利

do-re-me

有冇教得多但功課少的學校？

fany

原帖由 kerkermui 於 14-11-27 發表
就算係資質好嘅小朋友，都無乜邊個鍾意多功課！
我嘅理想係少功課，留多d私人時間同空間俾小朋友free play ...

非常同意,但我還是勇敢了!

kerkermui

fany 發表於 14-11-28 07:32
非常同意,但我還是勇敢了!

我有親友响我住區內"寶校"工作，佢同我講，我仔嘅情況.. 佢學校未必幫到，因為太多SEN或能力較弱嘅學生，聰明嘅小朋友，佢地無乜時間兼顧... 建議我俾個仔讀區內另一間大班功課多嘅學校
所以，有時都幾難做，功課少，人又少嘅學校，其實唔太想收叻仔！

Yanamami

功課係要高質而唔係要高量先好！学校教得好,升中先有保證,而唔係靠搏老命做功課既~

Yanamami

do-re-me 發表於 14-11-28 01:13
有冇教得多但功課少的學校？

KTS教得快但功課(量正常啦)測考默真係少~

洋蔥頭媽咪

原帖由 Yanamami 於 14-11-28 發表
功課係要高質而唔係要高量先好！学校教得好,升中先有保證,而唔係靠搏老命做功課既~ ...

好同意，應重質而非多量，我會睇係咪多重覆抄寫嘅，我都好討厭ｄ老師要學生不停抄，浪費時間又冇意義。不過都好睇家長自有咩要求嘅，有人鍾意多功課，多測考。我就唔鍾意，所以多測考小學我就唔會揀。

fany

原帖由 kerkermui 於 14-11-28 發表
我有親友响我住區內"寶校"工作，佢同我講，我仔嘅情況.. 佢學校未必幫到，因為太多SEN或能力較弱嘅學生，聰 ...

我選了二線直資/私校一條龍, 學生比津校應較少sen, 校風、學習氣氛、同學仔唔錯。 小朋友不是特別叻的人,學校肯定有人叻過佢做榜樣, 也不會做bottom那一羣, 希望保持學習自信和動機

NaughtyKids

原帖由 洋蔥頭媽咪 於 14-11-28 發表
好同意，應重質而非多量，我會睇係咪多重覆抄寫嘅，我都好討厭ｄ老師要學生不停抄，浪費時間又冇意義。不過 ...

同意。我覺得多抄寫功課真係好似令小朋友變成功課機器一樣，尤其有D小朋友速度慢，每天花一兩小時抄寫真係好慘。

happycandy

係呀，雖然同樣係功課，多元化，有趣味的，我囝做得起勁d。

gigayan

原帖由 Yanamami 於 14-11-28 發表
本帖最後由 Yanamami 於 14-11-28 08:23 編輯

認同，KTS的功課高質量不多，工作紙教到小朋友很多技巧！