選科問題

christyyyyy426

阿女今年中三 下年就要選科
學校已經出左選科表同第一次考試成績
物理數學成績最好 中史地理通識最差
佢想選三科 學校有兩班3x班
一班就必修生物 一班就必修物理化學
阿女對物理bafs無咩興趣
鐘意化學生物地理經濟西史(但西史唔識答題技巧所以考得唔好)
佢唔鐘意中史電腦視藝文學
佢背野記生考叻但吹水野唔好
成日寫essay/dbq成日都拎唔到分
佢大個無話特別想做咩職業
佢最想讀生物化學經濟但佢又話d同學個個入另一班(化學物理)
所以又話想物理+化學+另一科
到最後又話唔知點算好
我緊係唔想佢為左同學而揀科啦但我都想尊重佢
大家可唔可以比少少建議
例如講下升到上高中邊科最難邊科易讀/要讀d咩/岩唔岩我個女讀/要考慮咩因素etc.
或者有無都係就黎選科既一齊分流下
Thank you!!!

lovelyec

選自己最喜愛及有信心既科目, 千期唔好跟風. 其實冇話邊科會特別難或特別易, 只有適唔適合自己.

fionakong2008

對，首要是選她有興趣的，我女學校有A、B班生、化、物，有c班生、化+選多科，基本上有幸當時以佢成績選任何一班都可以一定入到，我當然想她全面一點選ab班，當時和她鬧得很不愉快，她在學校當著校長老師同學和我面前崩潰哭了，她跟我說好清楚自己希望行的路，希望做醫護，不做工程有關的，她對物理完全零興趣，希望我能諒解，我當時係有唔開心嘅，但最後，我都只有妥協。

現在已中五了，她讀得好開心，昨晚我問她有否後悔，她答我無，因為專注了讀這兩科，並承諾她的選修科能盡量取5*以上成績給我，作為我當年的妥協補償！有時家長認為最好的也不一定全對，呢件事令我知道有時候適合才是最重要！

還有，提一提，有些學校係可以選科之後一年，退修其中一科的，有需要的家長可以問問學校

TwinWong

真的, 選科一定要適合孩子程度及興趣, 唔好家長想佢讀, 亦千其唔好盲目跟風,
選錯咗讀得唔好, 好影響DSE 成績

pooh仔

原帖由 christyyyyy426 於 14-11-25 發表
阿女今年中三 下年就要選科
學校已經出左選科表同第一次考試成績
物理數學成績最好 中史地理通識 ...

但你女學校有冇講elective subjects 根據甚麼criteria 簡?  全年總成績總全級排名? 還是以各科排名選入?

你話囡囡對geog有興趣但又考得差. 唔知你學校以甚麼準則入科? 要問問學校喎. 如不只是空想.


我仔學校以各科成績排名計入選(全年拉). 佢geog 第1次統測 full marks. 及加上佢喜歡這科覺得有趣又可以outing. 如keep 住頭10% 成績就實入到.

黃巴士

pooh仔 發表於 14-11-28 12:11
但你女學校有冇講elective subjects 根據甚麼criteria 簡?  全年總成績總全級排名? 還是以各科排名選入?

...

我覺得你囝校好公平, 以"各科目"成績排.  我囝校是以全年總成績選科, 單是VA, MUSIC, DT & CL, PE..加加埋埋是一科主科分數, 令他拉底了很多名次.

yiuyiu2000

回覆 黃巴士 的帖子

我女學校今年可以讓學生自己選擇修2X或3X, 女成績中中間間, 科科都60-70分, 唔知揀2X好定3X好? 大家可否分享下這方面的經驗?

dubbies

選3x 好處係有多個後路，讀到就繼續，讀唔到可以drop一班真弱項，2x就冇得咁drop. 同埋3x考試失手一科仲有其他補救。2x就專注d,尤其中級成績唔係預要讀神科唔駛3科成績

dubbies

你唔好用你主觀意願去勸佢讀擅長的科目，多數唔會聽，反而試下搵資料講下對前途影響比同朋友一齊影響大，都想一齊入大學等來勸她。 另外，分享個故事，我以前老細個女似讀文科性格，但老細認定phy chem bio m2出路好，指定佢選，雖然中三各科成績出眾，但中四開始好唔鍾意理科同欠理科才能 ，結果幾經辛苦先力保phy chem bio有4，佢話如果比佢講文商可能會科科5以上

hugub

昨天學校比左條LINK... 教育局有個叫 e-navigator 既網頁, 叫仔女自己透過網頁介紹去定目標

http://enavigator.edb.hkedcity.net/main/index.php

黃巴士

yiuyiu2000 發表於 14-11-28 23:36
回覆 黃巴士 的帖子

我女學校今年可以讓學生自己選擇修2X或3X, 女成績中中間間, 科科都60-70分, 唔知揀2X ...

我囝都是S.3.  我囝會選3X, 暫時判定是 : 他自己認為始終未讀過高中課本內容情況下, 而以往中英數的根底, 不知高中時再要花多少時間及心力去應付? 所以選擇3X, 到時不達可DROP1科.

hkangel89

回覆 黃巴士 的帖子

我想問，如果B1中學，數學成績中等，例如140人，數學考50-60左右，選數學的M1或M2是否會讀得很吃力。

laiping

現在大學的收生要求越來越高！連CityU都在2016年開始要求4個核心科目加兩個選修科，所以如果小朋友係有能力的話，我會建議讀三個選修科，起碼去到中四中五發覺有一科讀唔來，還有一個退選機會！

黃巴士

hkange09於 14-11-29 14:57
回覆 黃巴士核的帖子

我想問，如果B1學，數學成績中等，例如140人，數學考50-60左右，選數學的M1或M2是否 ...

我囝校是30名次內/200人，再老師認為ok才可選m1/2! 所以校內數學老師可判定其能力ok與否的!

christyyyyy426

今日我又同個女傾左陣選科
佢學校係跟全部總成績黎揀既
佢平均每科都大約65-75分(除物理86分,中文47.5分同通識63分)
所以應該選咩就入咩
但佢到依家都仲心大心細
唔知想跟同學好定自己鐘意既科好
如果跟同學就要選佢唔鐘意既物理
但物理讀到上去會唔會好難？
有無人可以分享下高中物理係點？
係咪初中唔鐘意咁高中就會讀得好辛苦？

laiping

回覆 christyyyyy426 的帖子

高中物理係點？點解唔試吓搵中四，中五的師兄師姊借D書和notes來睇吓？咁咪可以了解多D囉！同埋順便問吓佢地初中和高中物理的分別，咁咪可以更直接更清晰明白到自己係咪真是適合讀呢科囉！

hw1115

讀工程要不要一定揀3X?
数学得60分，揀工程好嗎？

結結巴巴

原帖由 hw1115 於 15-01-22 發表
讀工程要不要一定揀3X?
数学得60分，揀工程好嗎？

要讀工程，與其揀3X，不如揀2X+M2。兩種選擇都會比只揀2X的人付出更多，量力而為吧。工程通常需要數學底子好，但若然核心部分都讀得不是太好，延伸部分就更難了！如果決心讀工程，還是趁早加深一下對數學的興趣以及改善一下學習數學的方法吧。

洋蔥頭媽咪

原帖由 hw1115 於 15-01-22 發表
讀工程要不要一定揀3X?
数学得60分，揀工程好嗎？

3X唔易讀，如果數唔叻選讀工程都唔易，M2就更是難上加難，因M1，M2根本唔太足夠時間教。我囝之前選3X加M2真係辛苦到暈，根本冇乜時間，佢一向數學好加修M2都叫晒救命！所以如果成績平平還是選2X會較好。

MASAYA

等佢知道要好既同學，就算唔同班，其實都日日見，但揀唔0岩科，每一日都痛苦咁過