默書默到54分，如果你係家長，你會鬧佢嘛？

Jane1983

Seen or Unseen？無溫書？溫吾熟？搵出原因，再幫小朋友。

睇小朋友性格和反應。如果佢懶懶閒，一定會鬧，對佢表示不滿，警惕佢要注意，讀書係佢責任，吾可以做得咁差。如果小朋友已經好驚、有吾開心，咁就吾會鬧，大家想辦法解決。

YuYuMother

其實小朋友都唔想既，你要搵出問題所在幫佢。

好似我仔記性唔係唔好，奈何溫完好快唔記得，咁我預早同佢溫同溫多幾次。幾熟都好，默前一晚一定要再溫多次。

雖然用好多時間，但效果唔錯……

luvgaga

回覆 kincwk 的帖子

鬧完又點？幫忙下佢鼓勵下佢

ling1211

原帖由 kincwk 於 14-11-21 發表
我真係唔識教，54分，俾著你見到呢個分數你會點

你小朋友知道因字唔靚扣分有咩反應？
我囡小二時試過懒叻唔聽清楚老師講咩，結果默多咗成句背默句子，本來98分卻因寫多字逐個扣，冇咗4O分，變58分我見到都嬲架，不過就冇大鬧，只話佢幾句，呢D就係唔專心聽嘢後果，本來高分變唔合格幾唔抵，叫佢下次一定要小心囉。經過呢次後，囡之後嘅默書都好小心。有時比佢地碰下釘都係好架，衰過就會記得下次要做好D

Jane1983

回覆 kincwk 的帖子

咁咪同佢講明白，寫同醜樣，後果嚴重。然後要佢練寫copybook。
扣好多分，係好可惜，不過今次只係默書，如果警醒到小朋友，吾係測考犯呢d錯，咁塞翁失馬，焉知非福呢。

鬧吾鬧，無也所謂，最緊要小朋友知道錯係邊，就得了。

c1234

回覆 ling1211 的帖子

這是個很好的經歷。

wan_sosin

默書都係想識寫d字,你小朋友識寫架,低分唔係佢唔識.

知道寫字唔得,可以練嘅,我到中一都仲比老師話d字唔得,中一都照練字囉,練到後來,d人話我d字靚添!

比時間小朋友,字靚同讀書叻唔叻無關,當然因為太差被扣分,就要改善.

jumbojet

睇吓佢之前有冇溫習，有溫習嘅咁你鬧佢都無用。最緊要已經盡左力

rean_chau

比着我一定會鬧。細路有時唔省下真係唔得醒。
相反如果係唔識我反宜唔會鬧得咁甘。

MrBeast

Charlotte_mom 發表於 14-11-22 12:11
寫字唔靚, 係能力未得定點
我仔由細到大小手肌都差, 寫字好專心的話就OK, 否則似打風

同意，對症下藥。
鬧完之後又點，會好定仲差？
就算要鬧，都要對事不對人。

hoihoima

kincwk 發表於 14-11-21 23:46
佢唔係唔識，係d字寫得唔靚，我應該點幫佢？

佢見到個分，都應該當頭棒喝了吧？佢自己有什麽反應？

11B

原帖由 kincwk 於 14-11-21 發表
你寫字寫得唔靚，扣左好多分，本來係識架！甘樣好唔抵！我應該點樣教？



  ...

我仔都係扣呢d，無得幫。

little_yolky

kincwk 發表於 14-11-22 00:02
就係因為你不嬲次次默書都幾好，突然之間甘，真係好難接受

咁佢做乜事突然今次寫字咁差? 問下佢囉, 睇佢有無反醒, 定係努力咗都係寫成咁。


老實講, 默書只為識字, 唔係為寫靚字, 只要佢識, 我就唔會理佢, 因為會考時, 大家都係鬼畫符, 最緊要寫得快, 所以, 無寫錯字就可以了。


BTW, 佢幾多年班? 默書佔考試總分好少, 我完全唔會掛在心上。有一次, 我囡囡英默得69分(該次係110分滿分, 有10分係額外生字, 即老師明益同學, 所以計落其實都係唔會格), 阿囡戰戰競競咁同我講：媽咪, 我默書合格。個頭dup到落地下咁濟。我當然知道佢知衰, 無鬧佢, 叫佢下次早啲溫, 仲問佢洗唔洗媽媽幫手, 佢話要, 咁下次咪同佢試默囉。小朋友失手經常發生, 奧運選手都會失手啦, 係咪?