從一個幼稚園集團的小一派位結果窺看家長的選校心態

niclicma

原帖由 sakbbjaijai 於 14-12-31 發表
證明讀得LH 嘅小朋友嘅家長都要佢地去interview好多間小學同埋一定操得好勁囉，咁仲唔辛苦？ 唔通佢地真係 ...

公平d講，唔應該因為呢d數據去評定呢間學校嘅學生辛苦或者家長有幾谷。從數據睇，我又睇唔出每個學生有考過"好多間"小學。4校學生共345人，total offer 750，平均每人2.xx個offer，其實真係唔算好多。亦唔能夠用考到小學嘅數目去推斷學生考過幾多間。學校冇公佈成功率，大家考3間都可以係呢個數（只是舉例）。宜家考小學，根本唔係報就必收，報多幾間都好正常。大家係家長，都係會為小朋友負出，想為小朋友揀間最適合，咁又有咩錯？至於谷小朋友，我相信每間幼稚園都會有部分家長係咁，唔止於LH，包括st cat, kv等都會有。何必吓吓針對呢間學校嘅小朋友同家長呢？

hoihoima

sakbbjaijai 發表於 14-12-29 21:32
睇完呢D number,  我只覺得讀LH 嘅小朋友好辛苦。

你可以選擇派位，就不用辛苦。其他同學辛不辛苦亦不會影響到你。

train

都係個句，沒有最好的，只有最適合的學校。其實學校透明度大啲， 唔係更能讓家長搵到適合的學校嗎？ 數字可能唔係百分百準確 (其實個數不停會變，有人九月開學後都重收到小學電話，讀咗唔夠一個月就轉校)， 但總好過沒有資訊 。其實大家上嚟呢到都係想攞多啲料。
至於考小學生辛唔辛苦，其實最重要係家長心態 。學之園有好好考小學的支援，( 面試常見的問題會在日常課程中練習，會請應屆畢業生家長分享經驗， 提供過往家長面試的past paper, 安排家長參觀小學 。K2下學期開始有免費面試班， 把學生打亂，各分校老師交換，讓小朋友習慣見陌生人)， 如果唔係家長可能仲辛苦。 小朋友辛唔辛苦都係睇大人的態度， 我個女每次都好似去玩噤。出咗結果我哋冇續個話俾佢聽， 到我哋有咗最後決定 先至講佢聽， 佢一點壓力都冇。

train

至於操得勁唔勁， 好操和好hea的家長學之園都有。 學校方面上堂和功課其實就唔辛苦。 觀課就睇到佢哋一路玩、一路學唔知幾開心。
阿女上咗小學後發現好多所謂嘅“操練”，例如中英文認字， 真係唔係淨係為咗考小學，而對於適應小學生活很重要。幼稚園和小學中間個gqp都幾大。