明白龍b媽媽嘅壓力……何必俾我in?你不如講無位啦！

加德利奧

邊個想報7間學校㗎?!你估真係貪得意……

interview真係好好玩咩……


我係蛇b媽媽，只報咗3間N班，諗住得就讀，唔得就當攞個經驗。以為自己好灑脫，點知……in完都係忍唔住要呻。


學校網上報名。in嗰日個簡介會先知原來我排6xx。想信有經歷嘅媽媽已經明我講咩……


排6百幾，即係就算之前有一半人表現唔理想，都仲有300個人合格;就算到出年7，8月再有一半放棄，都仲有150人。而學額根本唔夠100。


雖然知道收嘅機會微乎其微，但in完都好想知結果。我等n班已經咁，真係難為了in完k班等消息嘅龍媽。


成日都話我地係怪獸家長，但除咗報多幾間，我地仲有咩選擇喎。咁大個教育局，可唔可以完善d個報名制度，而唔係越搞越亂呢。


出年應該會有小龍b一齊…報7間都唔知夠唔夠……

ozduckie

你指救世軍嗰種先到先得學位嗎？如果唔係，一般幼稚園的報名號碼和收生次序冇關，最多可能是排面試時間次序。始終都係睇面試表現。所以你的報名號碼係幾多號都係有平等機會收生的。

socute

樓主想講competitive 時代不同左 競爭不斷推前 以前我們嗰代淨係報樓下幼稚園，我都有讀Nusery 但目的都是托兒不是望子女成龍 現在家長心態不同了 其實教育局又可以做啲乜

焦糖媽

教育局除左批多啲牌比人開幼稚園...其實無咩可以做到喎...

而家自由任你報又話要報好多間好煩...小學咁玩抽奬派位又話講運氣唔公平... 咁睇小朋友表現而收生又話in咁多間好大壓力...

現今家長係著重多左小朋友學習, 大家都報得多咪間間都好多 applicants 囉... 似我親戚咁講, 其實來來去去都係嗰幾千人報學校, 然後學校收來收去都係嗰幾百個表現好學生, 一個小朋友可能hold起3, 4個位, 咁條數睇落真係好難入到學校喎....

我仔都係蛇B, in左一間咋, 我無睇學校收幾多又自己排幾多號喎... N 班啫, 唔洗咁緊張吧? 放鬆啲啦媽媽, 你太緊張小朋友會 feel 到架

zchow

我都係蛇B媽,都係報得3間,有一間太多人報抽唔到冇得in,有一間出年先in, 唯一一間本月in的睇號碼都有成千人報,所以..............放鬆d 啦

sushimama

好認同，其實報來報去， in來in去都係個班人，特別是大b通常hold 起3/4 個位， 到下年先選擇，咁其實學校冇計喎。

同一間幼稚園，唔同分校都報兩三間，只能自己放鬆心情等d人放位，不過知易行難。
k1 壓力一定更加大😔

加德利奧

咩係大抽獎?幼稚園都未讀，我未睇小學點派位呀！遲d有機會真係要請教吓各位。

我都無特別留意自己排第幾號呀，係當天個簡介會，校長話:家長可能留意到自己係6字頭，繼而解釋收生次序係:如果大家表現一樣，就會按個號碼先後去收生而我地呢批係6百幾……咁咁咁……我先知原來交表先後係有影響，因為個網址無寫。

或者我表達得唔好…其實我覺得有問題嘅，就係呢個原因…因為學校收表到一定人數，都會知之後嘅小朋友被最錄有幾微，而公布報名方法時又無講先後次序呢一點而等家長自行決定交表與否，咁對家長同小朋友好似有d唔公平。始終有可能有家長係唔知情嘅情況吓，會放棄in其他撞期學校嘅機會;而學校，行政上都要預備好多嘢。

加德利奧

而且係啦！其實in嚟in去，到最後都只係須要一個學位，就係越怕無位，就越報多幾間，如果d大b真係hold成3，4個位，細b媽媽就真係辛苦啦。


我諗我係唔鍾意d行政咁混亂啫，暫時應該未算緊張嘅…到出年喺點就唔知啦！因為已經預咗唔得，返playgroup玩吓都ok


希望大家今明兩年都順順利利啦

加德利奧

唔小心high到個錯嘅公仔，唔識delete，唔好意思

Vickyblah

其實600個真係唔算多人報。以家好多學校都過千，幾千。。但間學校有優先收生應該網站講明會好啲，咁樣家長都有心理準備。哩間學校似乎行政麻麻地喎。

tulipmama

有B係上午一間下午一間，所以一B兩位係好平常的事。
唯一可解決辦法，就是全港幼稚園都統一叫Victoria, St Cat, KM, Kentville.

全港實行見B必收制。只有洗去名牌才可以回復正常

safeway

原帖由 tulipmama 於 14-11-19 發表
有B係上午一間下午一間，所以一B兩位係好平常的事。
唯一可解決辦法，就是全港幼稚園都統一叫Victoria, St  ...

kabemama

原帖由 加德利奧 於 14-11-19 發表
咩係大抽獎?幼稚園都未讀，我未睇小學點派位呀！遲d有機會真係要請教吓各位。

我都無特別留意自己排第幾號 ...

我反而覺得係你報呢間學校嘅取錄方法有問題、唔公平，唔係間間都咁，唔駛擔心～

pigpig33

放鬆點吧！上到小學將會係又一場更勁既腥風血雨，私小直資都係間間得一百幾十個位，但動輒都講緊3-4000人報，名氣大+學費平既分分鐘過6000人投考！唔讀直資私校呢？計分計校網計運氣，大熱學校自行派位的話，呢個年代廿分都唔係十拿九穩，撞啱必收生多的話，自行派位或抽獎位就更緊絀，大抽獎抽唔中可以去叩門，但間間小學都多都係得十個八個叩門位，又一千幾百人去爭過！~~~幼稚園只是熱身賽，玩呢個遊戲不懂看開點，會好辛苦！