adhd+自閉症譜系

hoiyee67

您地有冇小朋友同時間有呢兩樣？我仔8歲，排左一年到終於排到政府，本來私家話adhd,到cac嗰邊就話化有自閉症譜系，今日見完醫生就話佢兩樣都有，本來私家嗰邊食四分三Ritalin,淨係返學時先食，但今日政府呢個話應該要食一粒仲要最好日日食，我問點解甘大個先發現？佢話因為佢唔嚴重。我又問點解人地食左藥成績會有進步，我個仔冇，佢話因為佢有自閉傾向，表能同理解同差啲，所以都唔好特期望佢有好成績。甘我理解係佢就算食唔食藥都得啦，今日佢冇食好快已經訓得着仲訓得好好，食左藥最少都半個鐘！見到甘我好心痛，好似乜都冇幫助！但肯定既係佢佢其實兩樣特徵都唔犀利，我好多朋友都話佢兩樣都唔明顯，但點解佢仲要食藥？你地有乜意見？我唔想比藥佢食

cocokan2004

佢食左之後有SIDE EFFECT同無效.  食來做咩??

如果影響唔到日常生活, 只係讀書差. 我就唔會比藥佢食.  老師話我4歲仔是懷疑過度活躍及欠專注力.  但我眼中佢除左唔係好聽老師話同無心機重覆炒寫功課外, 生活上無咩問題.  我們相處得很愉快.   

a_for_apple

我仔六歲幾，adhd, 嚮兒童精神科醫生話可以開藥，但我哋覺得佢唔嚴重，所以我哋話唔要。其實你係父母，決定權嚮你到，如果你/老師接受到佢唔食藥嘅表现，我就覺得最好唔好食，或搵其他方法代替藥物

Joba

有無小朋友食緊concerta? 囝囝吃了后專注好咗d, 但自閉動作好似嚴重咗。吾知其他人有否此情況出現？

hoiyee67

原帖由 a_for_apple 於 14-11-23 發表
我仔六歲幾，adhd, 嚮兒童精神科醫生話可以開藥，但我哋覺得佢唔嚴重，所以我哋話唔要。其實你係父母，決定 ...

我覆診嗰刻又冇諗過唔食藥得5得，而醫生見我私家嗰邊又食開所以咪照開囉⋯其實醫生都話佢唔嚴重，下次試下問佢唔食唔知得5得？

Charlotte_mom

我仔中兩樣，由ritaline 4小時轉ritaline 8小時，剛轉concentra。食藥最大原因係騷擾上堂秩序，尤其有自閉已經社交差，再加埋ADHD做野衝動，更影響社交，而且做事甩漏，要老師貼身提點，根據以上原因所以要食藥

Joba

請問轉了concerta後 行為或性格有否變化？

Charlotte_mom

暫時正正經經試左一次, 因為果日去沙灘我仲要唔得閒成日睇住佢, 吸引太大, 眼見無呆lor, 亦無發顛, 有幾控制到多手多腳就有待觀察

Charlotte_mom

對, 建立返自信同關係好緊要
其實呢d小朋友雖然有好多問題, 但其實一樣有叻的地方, 有同其他小朋友一樣的地方, 點去令佢地學習/生活得開開心心, 就係父母要幫架喇
我仔都有上社交情緒班, 從之前小小野就炆, 到而家淡定左, 我見佢有進步所以就一路上
自信要同學校配合, 始終呢d仔, 社交問題好多時在校內發生(你知同大人interact無事架嘛, 係同同齡至發作), 如果老師肯俾d職責佢, 俾d credit佢, 對小朋友都大有幫助, 我仔有學樂器, 有日有學校表演, 老師同同學傾好成班好似fans咁舉牌支持佢, 我仔開心到呢, 將d紙拎晒返屋企

NaughtyKids

原帖由 Charlotte_mom 於 15-02-12 發表
對, 建立返自信同關係好緊要
其實呢d小朋友雖然有好多問題, 但其實一樣有叻的地方, 有同其他小朋友一樣的地 ...

學校對你囝囝好照顧

NaughtyKids

呢類小朋友真係好需要大人、同輩的讚賞同肯定，佢地先有信心繼續做好！