誰是面試催谷的源頭？（蘇菲）

elbar

                                               
■11月是幼稚園和小學面試高峯期。

11月是幼稚園和小學面試高峯期。講起催谷，現今幼稚園的課程一點也不幼稚，高班要寫周記、中文要寫「體育」、英文要串escalator，還未計剪報、閱讀理解，部份甚至周末有六、七樣功課、中英文造句，那已是小學二年級的程度了。幼稚園學生提早變小學雞，如此一來，小朋友辛苦、父母辛苦、老師辛苦。我的問題是：明明是幼稚園，為甚麼要教小一、小二的內容？

一位負責幼稚園課程的朋友說：「因為小一面試越來越深，幼稚園學深啲，到考小學時會順利啲。」是的，幼稚園若能幫助學生考到三五七間小學，父母高興、幼稚園自然口碑好。

那，第二條問題：小一面試真的越來越深嗎？又似乎是。朋友因工作關係接觸很多校長、各校小一面試大概。她說，小一面試很多已考雙位數加減、中英文重組句子，不能掉以輕心。噢，回想去年，囡囡考小一時也被問一條對五歲來說很深的數學邏輯題：「1、2、4、8、？」

我不禁要問第三條問題：小一有必要考得這麼深嗎？大部份小學小一課程（特別是上學期）都很淺，單位數加減、英文默書A-Z，明明合理得很。但部份學校的小一面試考題，竟等同該校小一下學期或小二程度。既然學校是挑選小一新生，為何面試時就考他們小二的東西？朋友引述一些校長如此說：「因為現今幼稚園小朋友太叻，唔深揀唔到學生。」

原來，幼稚園深，是因為小一考得深；小一考得深，是因為幼稚園教得深。當五歲童都學懂單位數加減時，小學就會考他們雙位加減；待他們都懂雙位數加減，難道小學就要考乘數了？其實，大家都明白問題所在，但大家都有份參與令這惡性循環更嚴重。更諷刺的是，大家更知道即使小朋友K3已懂背乘數表，並不等於他到中學DSE數學科能摘星。荒謬之甚，莫過於此。


作者蘇菲，有小型飛機師牌的媽媽，拒做直升機家長，讓孩子翱翔。

蘇菲                                                                     

                           
                        
                    

Yanamami

世事就係充满茅盾~

skkeung

咁深，又唔見人的質素提升！只有厭學！

joyceli0328

唉。。見到都覺得慘

victoryu19

skkeung 發表於 14-11-15 12:21
咁深，又唔見人的質素提升！只有厭學！

so right!

MASAYA

有d學校係精英入精英出，又或者中途有d半精英跟唔上，換d更精英入黎確保全精英出，其實點睇學校有幾勁？

skkeung

原帖由 MASAYA 於 14-11-17 發表
有d學校係精英入精英出，又或者中途有d半精英跟唔上，換d更精英入黎確保全精英出，其實點睇學校有幾勁？ ...

校長同私人公司無分别，每年要向校董交代，成績點你，因此一定要精英才可留下！

shadeslayer

小一入學不能筆試，咁點考兩位數加減？唔通心算，MC 題？句子重組又係不用筆？

Yanamami

shadeslayer 發表於 14-11-17 20:40
小一入學不能筆試，咁點考兩位數加減？唔通心算，MC 題？句子重組又係不用筆？



  ...

重組句子可以用字卡吖~~~

chansiub

邊個話唔用筆。好多都用。

goodenough

chansiub 發表於 14-11-17 22:17
邊個話唔用筆。好多都用。

我有幾間心儀的私小都需要考筆試的，有數學考得特別深，又有英文考得比較難，更加有的是自己幼稚園來的就跟據幼稚園的課程來考，但外來生的考試就困難一些，總言之就各適其適。有些幼稚園就是為了因應某些小學而設立特定課程，務求增加入學的成功率。這樣可一方面為自己幼稚園打響名堂，另一方面就無形中為小學提早作揀卒和篩選。
官津小學的自行和統一派位應是不用面試的，但一去到叩門，仍然需要考筆試和面試。

shadeslayer

原帖由 goodenough 於 14-11-18 發表
我有幾間心儀的私小都需要考筆試的，有數學考得特別深，又有英文考得比較難，更加有的是自己幼稚園來的就跟 ...

小一面試唔係唔比筆試咩？學校偷偷做，定係而家取消了此規定？

victoryu19

goodenough 發表於 14-11-18 00:56
我有幾間心儀的私小都需要考筆試的，有數學考得特別深，又有英文考得比較難，更加有的是自己幼稚園來的就跟 ...

If the curriculum and target of a kindergarten is to fulfill the primary school interview, then I would say it is seriously wrong.  It defeats the purpose of education completely.

Christi

原帖由 shadeslayer 於 14-11-18 發表
小一面試唔係唔比筆試咩？學校偷偷做，定係而家取消了此規定？

那只是教局既指引，最多只可以話佢地違反指引，如果私小更無得管。朋友考國際學校如CAIS 去年面試都有筆試做paper。有冇筆試不是重點，重點是會否過深超越同齡應有程度。同卷問你5+3和1/2/4/8/?(文中所引例子）已經好唔同。況且，唔用筆用貼紙貼答案，其實都係一樣。

shadeslayer

原帖由 Christi 於 14-11-18 發表
那只是教局既指引，最多只可以話佢地違反指引，如果私小更無得管。朋友考國際學校如CAIS 去年面試都有筆試 ...

走火入魔。官津可以不跟教育局指引嗎？

Christi

shadeslayer 發表於 14-11-19 07:30
走火入魔。官津可以不跟教育局指引嗎？

的確是走火入魔.
不過我始終覺得問題不出於有冇筆試.
就算學校冇筆試,要問深,一樣有好多方法.甚至唔做卷,只要老師在面談時用口問叫考生即答,分分鐘仲難過筆試做卷.

關鍵始終係考題是否過深.